REPORT

PUMA Fast-Trac Nitro 易上「腳」越野跑鞋

10 11 月

PUMA 近兩年重新進入跑者嘅眼球，先有 Molly Seidel 穿著於奥運全馬攞到第三，近日又有本地年輕跑手 Vincent 喺半馬比賽勝出，可見佢哋推出嘅跑鞋已經好有競爭力。PUMA 以 Nitro Foam 氮氣中底技術推出咗一系列跑鞋：有練習用嘅 Velocity NITRO 2，或者競賽用嘅 Deviate NITRO ELITE，但係我今次介紹嘅係用同一中底技術推出嘅越野跑鞋 Fast-Trac Nitro。

第一對 PUMA 用同樣中底技術推出嘅 trail running 鞋款，其實係 2021 嘅 Voyage Nitro，但今次 Fast-Trac Nitro 明顯係要話俾大家知，佢係攞嚟跑，因為喺外觀、反應同重量上都做得幾出色。

Fast-Trac Nitro 有以下功能點值得留意：
・鞋身採用 Ripstop 網眼鞋面，會較輕身，鞋舌同鞋領都夠厚同貼腳，跑起上嚟冇咁易甩踭。鞋頭有防護橡膠塗層，踢到石仔冇咁痛；鞋踭仲有橡筋方便著鞋。
・中底係全掌 Nitro Foam，輕得嚟唔會影響反應，又提供足夠緩衝。外面就用 ProFoam Lite 包裹保護，提供輕量同舒適腳感，同時保護番腳掌及避震。
・外底用咗 PumaGrip ATR 呢種耐磨橡膠合成物料製造，專為山路同不同地形而設，可以話係一個全能型設計。廠方增加顆粒數量同時縮短間距，用密集排列增加同地面接觸面積，提升防跣效果。

襯住好天，簡單走一轉 16K 大嶼山試鞋。有山路有平路，順便睇埋芒草。
首先著上之後感覺好輕，資料顯示佢只係 205g 左右（US9），前後掌差係 8mm，同路跑鞋差唔多。基本上對一般路跑人嚟講會跑得幾爽，而係 Light trail 嘅路段上面更加感受到 Nitro Foam 嘅反應同緩震， 加上對鞋包腳，配合 PumaGrip ATR 嘅出色抓地力，即使踩中碎石，只要即時修正就唔怕會拗到。

總結：以我一個業餘路跑人學跑山嚟講，Fast-Trac Nitro 比較適合中短途（30K 或以下）、山路平路結合嘅越野跑比賽穿著，因為佢輕巧靈敏，對追求敏捷度嘅經驗跑者，只要加上佢哋嘅越野跑技術，絕對有助爭取理想成績。

Tags:
,
Newer 華哥不專業鞋評 yul Swiss Knife Borealis
Back to list
Older 跑步與人：Sammi Leung

Related Posts

13 5 月
REPORT

Puma Velocity Nitro 3 快慢跑「一鞋走天涯」

Susan N年前出來賣鞋，認為最理想是一種訓練穿一種鞋。當時出產跑鞋的品牌都是以此作做鞋的理念，因此很多跑鞋都只適合特定類型的訓練，鞋的用途及外觀很分明，例如慢跑鞋就只有沉甸甸的厚底，比賽鞋就一定是薄如紙的racing flat。後來不知道是廠商開始對大眾要「一鞋走天涯」的屈服，還是材料科技和製鞋技術進步，一對跑鞋的可用範圍可以很廣泛，例如你會見到超厚的緩震型跑鞋原來不用9oz，長途比賽鞋又會變得很厚但反而可以在科學實證上在某個水平的配速為跑手節省體力。

快跑鞋和慢跑鞋的界線開始模糊，很多厚底鞋大幅度使用有利快跑的物料及設定，但同時又保留了一定穩定性，例如今次試的Velocity Nitro 3。

中等厚度的工程網布鞋面底層較密面層疏氣，有利散發鞋楦內的濕氣。加厚的鞋領本是屬於豪華跑鞋的設定，但在Velocity Nitro 3上會見到。鞋舌是傾向racing flat的類型，與十分具彈性的鞋帶整體地盡量減低鞋面拘束感。尾腳趾外、heel counter位及腳弓等關鍵位置加入PWRtape加強包覆力，有利穩定將腳掌在高速奔跑時穩定下來。

與上一代一樣，中底是由加入了氮氣的Nitro foam及ProFoam EVA構成兩層結構，上層Nitro foam回彈性顯著但穩定性較低，下層ProFoam則提供穩定性及提高耐用性。整個中底比上一代增量2mm，全要在EVA一層增加，預期穩定性更理想，而全掌抗扭性會比之前高。

外底Puma grip使用更細密的橫紋，相信在大部分路面都有不俗抓地力。Puma grip也是試過的跑鞋的耐磨性數一數二。

反光物料細節位是Puma強項，在Velocity Nitro 3上一樣會有。鞋帶、外側PWR Tape及Heel counter都會反光detail，增強夜間被視性。

Susan使用Velocity Nitro 3作近三星期的Easy run及速度課前的熱身，約60公里。

跑後感：鞋面由物料到穿著感與上兩代都相似，皆是沒有沒有太大拘束的枕頭感。今代特別在鞋領到heel counter都有柔軟包裹，是舒服的。鞋面網布梳氣但質感較粗糙，但鞋楦內籠與外層網面完全獨立，因此跑動時鞋面的縐摺完全被隔開，也不會有磨擦到起水泡的擔憂。

特別開一個段落寫鞋舌，原因是雖然它本身沒有任何padding，但硬度剛好抵消來自鞋帶的壓力，同時保留腳背靈活感。

中底部分在鞋踭穩定性很高，比以往兩代都要高，觸地很可以很快作出反應，有利作快步速訓練。Susan有刻意在速度練習前的drill及加速跑使用Velocity Nitro 3，較穩定的中底在講求觸地時間的高速奔跑和跳躍它顯得十分合用。

畢竟有10mm落差，中底前斜感覺明顯，長時間跑動可能減少小腿疲勞。前掌出乎意料地緩震感較強，較集中在中前掌受力的Susan表示很喜歡。

外底有長葉型pattern夾細密橫線，速度訓練十分抓地。PUMA Grip物料在柏油路、運動場地以至海濱公園的麻石磚都沒有令人失望的表現。

總結：Velocity Nitro 3是一對大幅偷輕了的緩震性跑鞋，它保留了一定的穩定性，用作日常慢跑到LSD沒有問題，可能還會對它的靈活性感驚喜。在中底物料與外底的配合下使它同時作為要求不高的速度訓練或速度訓練前熱身都十分合用。

09 4 月
REPORT

PUMA Fast-R 2 NITRO Elite 更親民的高速賽鞋

Weight：8.4oz
Stack height：40/32mm（全掌比上一代厚2mm）
Size：正常長，中掌較窄身

於2022年底推出，注目度十足的PUMA頂級長距離賽鞋Fast-R，近來推出新代數Fast-R  2Nitro Elite，新版本在舊有的platform上加上更多細節，令這對定位進取的跑鞋更盡善盡美。

外觀上用色比之前更高調，搶眼螢光黃色賽鞋定位用意明顯。比之前輕20%的ULTRAWEAVE內藏PWRTAPE，在關鍵位置作補強。鞋楦搭配大量迷幻細節點綴，做工比前代更見複雜；鞋舌及鞋領處變成襪套，鞋舌本身都是固定式及有一定壓力襪功能。硬角Heel Counter得以保留，為整個鞋面惟一堅固結構。

中底官方資料聲稱比以往有多22%能量儲存及46%回彈力，有利在長距離比賽中省力，在一位2小時30分的馬拉松跑手可節省83秒；3時30分的跑手更可加快約148秒完成時間。前後二段式中底繼續保留，但今次前後部件都採用Puma最頂級的NITROFOAM Elite。Signature PWRPLATE繼續外露，但今次向前延伸至腳趾前2cm左右，企圖改善步態導軌及進一步加大推進力。

外底繼續有PUMAGRIP加持，跑手可以在運動場到公路路面都有穩定發揮，物料亦以耐磨著稱。

跑後感

更厚實的鞋楦包覆令它適合更長時間穿著。鞋楦穿著感與上一代類近，那些作點綴的點點及PWRTAPE令包覆感覺更緊密。繼續非常欣賞由壓力襪一樣的gusset tongue及魚鰭型尾角組成的整個腳腕部份，緊貼腳腕又不致限制活動性，不用拉緊鞋帶已經感覺到一定貼服。起初一兩次穿著時兩側會有點夾腳，多穿幾次之後感覺消失。

上一代中底後硬前軟的奇怪跑感一掃而空。足足有40mm的後踭既有加厚又有身料升級，緩震明顯有提升，整個gait cycle更似一對supershoes。在長距離比賽到後段更依賴來自後踭的緩震，這個改變在比賽後段十分有用。

記得上一代特別是中底設定使它很適合作像5-10k有點衝刺感的配速，Fast-R 2中底似乎漸漸趨向更像一對馬拉松鞋。最大受力部分依然是前掌，中間加入了導軌坑，加上rocker角度比之前平順，重心通過時比之前順暢一點。

發自前掌的回彈性依舊非常澎湃，十分有利於維持高配速。第一代的前掌rocker角度大，路面感覺直接；今次碳板與外底之間加了一層十分薄的EVA，約有2mm，令前掌回彈性多了一層隔絕感。（今代整個中底就是比上一代加厚了2mm）

碳板似乎使用了比上一代less aggressive設定，調低了前傾感覺，使它變成一對面向更廣受眾的長距離賽鞋。曾經有擔心加長了的碳板會否使觸地時間有遲滯，實試是沒有的，只有使重心向前的的時間更長及角度更深。Susan預期，Fast-R 2會很適合依賴步幅多於筋腱彈性的跑手，即所謂步距型跑手。

總結

超破格設計的頂級長距離賽鞋稍稍修正了之前傾向高速的設定，更厚實的鞋楦、更軟的後跟及更平順的碳板使Fast-R 2變成一對較親民的長距離賽鞋。話雖如此，向前延伸的碳板及誇張的外觀仍然令它成為品牌中cutting-edge的代表型號。Fast-R 2適合10公里至馬拉松在5’00/公里或更快的跑手作為比賽或以比賽配速練習使用。

07 3 月
REPORT

PUMA Velocity NITRO 3 強緩震泛用型Daily Trainer

有新鞋試，當然要試盡佢。 #講鞋 早前下晝到咗旺角 @theforesthk 嘅 #PUMANITROLAB 參與Velocity NITRO 3試鞋活動，由The Forest HK地下出發跑到油麻地配水庫，之後折返原地，全程約3.5km，雖然係easy pacing，但上配水庫嘅斜路都唔嘢少。

首度實測

由於當晚筆者仲要上跑班，於是活動過後隨即到運動場，着呢款新鞋跑1km x 10。第三代Velocity標榜緩震更強，中底依然係雙層構造（上層NITRO，下層Profoam），不過NITRO加厚咗2mm（中底前、後掌分別厚26mm與36mm），實測時無論係上配水庫嘅石屎樓梯，或者運動場嘅PU跑道，都感受到很明顯嘅緩震效果，亦保持到若干回彈力，唔會「一沉不起」，NITRO加厚係奏效嘅，而且唔好忽略質地偏挺嘅底層Profoam，正好喺緩震與穩定之間發揮平衡作用，喺今次大斜路上表露無遺。

呢條路嘅另一特色，係石屎、瀝青、沙石、樹葉兼而有之，到咗配水庫仲係大草地，但全程都冇跣腳，PUMAGRIP外底抓地之餘仲適應力強，遲啲有下雨水嘅話，可以試埋濕路表現， #pumahk 今次嘅路線規劃真係用心良苦。

鞋身方面，喺需要加固嘅位置就有PWRTAPE補強，筆者感受最深係腳弓位。驟眼睇Velocity NITRO 3並冇針對扁平足嘅設計，例如中底嘅腳弓位冇刻意變硬或升高，但會感受到PWRTAPE喺相應嘅鞋身位置上有力挺起，從外向內為腳弓提供一定程度嘅支撐作用，上落斜路時更易feel到。

至於鞋踭雖然冇外層Heel Counter，鞋領又冇顯著加厚，但足踝對落嘅包覆力有意外驚喜，除咗內藏硬身物料所至，剪裁上嘅心思亦值得跑友好好體會。

街跑過後，隨即轉到運動場，主課係1km x 10，緩震與抓地依然表現出色，舒適依然，但中底偏軟嘅特性，加上前推作用唔算明顯，爆發力並非Velocity NITRO 3嘅強項所在。

個人認為Easy Run、Recovery Run、Long Run及Tempo Run都係呢款新鞋嘅擅長項目，係一款泛用型Daily Trainer，即使新手都輕易適應；至於Interval甚至TT等高速練習項目，大可選揮Deviate NITRO 2。

比賽鞋款選擇更多，10km有Fast-FWD NITRO Elite，半馬至全馬就有Deviate NITRO Elite 2與Fast-R 2 NITRO Elite。想跑得快又要唔易傷，鞋，係要識揀嘅。

第2次實測

之前我哋牛刀小試PUMA新鞋Velocity NITRO 3（約3km市區＋山路，以及1km×10），已經feel到中底嘅緩震與回彈表現出色，PUMAGRIP外底亦都適應力強，石屎、沙礫、草地、PU跑道都抓地，濕路又如何？

昨晚筆者到跑馬地以easy pace練29km長課，全程都落住毛毛雨，但都唔覺跣腳，安安全全完成練習。另一方面，新Velocity中底沿用上層NITRO、下層Profoam結構，而NITRO加厚2mm增加緩震，筆者初時諗，點解唔兩層都用晒NITRO？今次長課實測似乎搵到原因。

雖然新Velocity標榜緩震強咗，但定位依然係泛用型daily trainer，由短途easy run到長課，以及講究速度嘅Tempo都應付到，所以唔能夠單向緩震至上，穩定性都同樣重要，考慮到中底並冇內藏底板，所以底層始終要質地稍硬用以抵消NITRO偏腍嘅不穩定性，而Velocity NITRO 3喺緩震與穩定嘅平衡上都勝過上兩代。

此外，筆者偏好練習鞋嘅鞋領要包實足踝才夠安全感，驟眼睇新Velocity嘅鞋領厚度只係適中水平，面料又唔算特別，但無論實測距離長或短，鞋領嘅貼腳度都好高，似乎開發團隊喺剪裁上做足工夫，雖然唔起眼，未必人人留意，但值得畀個like；尺寸方面，true size即可，而資深跑手以至入門者都同樣適用，好易就可以開鞋適應到。

12 12 月
INTERVIEW

精英/新手預備賽季 阿楊推介PUMA Deviate NITRO Elite 2

楊肇麟，人稱阿楊，是香港數一數二的姿勢跑法（Pose Method）認證教練。除此之外，由於之前經營過樓上跑鞋店，對跑鞋素有研究，細至跑鞋上的一件小部件，他都會細心鑽研；所以坊間不少跑手遇上選鞋方面的問題時，都會向他請教或提取意見。

除了教練身分，他現任職大型連鎖跑步專門店中，接觸到的品牌及跑鞋型號，亦比以往更快更多更廣。對於PUMA的跑鞋，阿楊一向極之留意，其評價亦非常正面；平時也有著用PUMA的不同系列跑鞋。

就以PUMA Deviate NITRO Elite 2為例，阿楊就認為它是一對很全面的賽用跑鞋，對於精英級或想初嘗碳板鞋的跑手，同樣適合。

功能上，PUMA Deviate NITRO Elite 2採用了NITRO™ Elite Foam泡棉，是加強版的氮氣中底技術，提供極致緩震和回彈力；PWRPLATE碳板確保跑步時的穩定性；輕量單層透氣網面配合PUMAGRIP防滑耐磨橡膠大底，令跑手在不同路況都坐擁足夠牽引力。每個部件各司其職，打造出一對精英及新手都可著用的競賽碳板跑鞋。

阿楊對於Deviate NITRO Elite 2首個感覺是中底物料比上一代更軟身，預期彈性會更強，回彈力令跑手在賽道上可以發揮更好；另一特點是鞋楦物料更具剛性，PWRTAPE於一些跑步關鍵位置加強承托 – 如內側腳弓及腳趾外側等等，絕對有利於出戰一些長距離如半馬或全馬賽事。

而整體物料也貼心地作出了不同區間的分配，甚至採用不同織法，如前掌部分刻意織疏以增強透氣度，令整體的包覆感及透氣度有所提升，更能照顧到馬拉松賽事的較長時間著用。

當然PWRPLATE碳板及升級NITRO™ Elite Foam泡棉中底技術，亦是Deviate NITRO Elite 2的重點功能。

「PWRPLATE碳板帶來很好的推進力及穩定性，另外它前掌外底部分的PUMAGRIP有很強的抓地力，比上一代更好，有著以前石墨底Racing Flat跑鞋的感覺，著地時非常實在穩定，也有助跑手跑出更快配速。」

那阿楊認為Deviate NITRO Elite 2可以用來挑戰甚麼距離的賽事？「其實它的出戰度很廣泛。」

阿楊繼續分析：「比賽距離我覺得它大部分都可對應到，如10k、半馬，甚至在配速上要求4:00-5:00/k左右的全馬賽事，都可以選它作為賽用鞋。基本上由長距離到短距離的賽事，Deviate NITRO Elite 2的功能都可以覆蓋到。

「Deviate NITRO Elite 2另一特點，是對於初接觸Super Shoes或碳板鞋的跑手來說，是對很好的入門碳板鞋，因為其感覺與平時著用開的Daily Trainer（日常跑鞋）十分相似。」

「Deviate NITRO Elite 2的靈敏度絕對超越任何一對Super Shoes！雖然它的設定例如中底厚度及碳纖板配置，都與Super Shoes相近，但真正上腳跑時，你會感覺到它的個性反而傾向於Daily Trainer多點，非常容易適應。」

「由於其中底設計闊度正常，中底亦有一定的柔軟度，在一些需要急停、轉向、U-turn等動作時，它都會交出很靈敏的反應。」

「至於在準備馬拉松賽事的訓練或課表上，Deviate NITRO Elite 2可以用來作一些衝刺度不高、略為長途的Tempo Interval、Tempo run甚至M pace速度訓練，都很適合；對應配速可以是5’00/k內，進取點甚至去到4’00/k左右，Deviate NITRO Elite 2都是很好的選擇。」

03 12 月
MAGAZINE

PUMA Japan 強勢推出 EKIDEN RUSH PACK

PUMA Japan 宣布推出 EKIDEN RUSH PACK，即是箱根駅伝配色。

設計上內側有接力帶「襷」的概念；外側有富士山加 100 字樣，即是針對第 100 回箱根駅伝而推出。

型號包括還未正式發佈的 Fast-R NITRO Elite 2。

世界田徑總會規定，公路賽所用鞋的鞋底厚度不得超過 40 毫米，產生斥力的嵌入板不得超過一塊。

但由於板的長度沒有規定，PUMA 開發了一款創新設計的 Fast-R NITRO Elite 2，以延伸至前腳（腳趾）的碳板來提供更強大的推進力和高跑步效率。

Fast-FWD NITRO Elite。
Deviate NITRO Elite 2。
Deviate NITRO 2。

PUMA Japan 於 11月30日 在東京澀谷舉辦了四款產品的發布會，出席的包括倫敦奧運代表佐藤佑樹、MGC參實的中西亮樹、青山大學舊生安藤雄和沒有作 model 的佐藤悠基。

PUMA 2022 年箱根駅伝著用人數只有 0.5%（1 人），2023 年將增加 3.3%（7 人）。 PUMA 跑步系列負責人 Kenji 表示：「我們的目標是 15 人（230 名參賽者中的 6.5%）參加 2024 年的比賽。未來，我們的目標是 30%。」

日本官網已經開始預定，並定於12月8日公開發售。

25 9 月
INTERVIEW

PUMA支持田徑港將 梁筠宜、高澔塱、陳一樂 出戰亞運

我們看到的運動員，大多數都是正向、陽光、輝煌的一面…尤其是大眾眼見他們出發到外地比賽前、上賽場，甚至踏上領獎台一刻。但其實這只是運動員的極細少部分，更多時候，他們都和平常人一樣，有平常人的情緒、思考及需要面對的生活問題，更不用說要付出的，就更多。

3位PUMA全力支持的香港田徑運動員 – 梁筠宜、高澔塱和陳一樂，將於今個星期五（29/9）起陸續出戰杭州亞運的田徑項目，起行之前，Insports Hub就與他們3位傾談過。

梁筠宜：Stay positive, bring happiness

今屆是梁筠宜第二次參與亞運，23歲的她將出戰女子4 × 100米接力和100米項目，本來她對於是次出戰充滿信心，但卻於訪問前一星期，訓練時再次拉傷大腿後肌！ 

現在心情怎樣？
「唔…搵個形容詞先…忐忑！而家距離比賽只有17日，點解忐忑係因為本身都覺得自己操得好fit。雖然（2個月前）世大（世界大學運動會）都係扯到同一個位，但呢段時間都復原同預備得好好，本身亞運係諗住破香港紀錄為目標（梁PB係11秒69，香港紀錄11秒62），本身都好有信心，可惜就喺上星期就傷咗。」

受傷那刻，腦中想到什麼？
「第一時間係安慰自己，跟住當晚就崩潰！但一直都冇喊。成個星期一直都跑唔到，慢跑做drills都唔得，係直到尋晚先爆喊咗一場，不過奇怪係喊完今日又跑得番喎，你見我影相都跑到，可能係喊完之後，抒發咗，個心情同個腦都清晰咗、諗通咗，stay positive, bring happiness，係我今次學到嘅嘢。」

27號上飛機，29號比賽，這段時間借怎樣預備？
「每練完一課都會睇physio，注意番飲食啦，其實整親之後唔開心，都食多咗（笑）！」

那現在亞運目標是什麼？
「個人方面，希望入到semi-final；本來接力係有機會攞牌嘅，我都唔想隊友擔心我，所以都會盡量跑好我嗰棒。」

完成亞運之後，會有什麼計畫？
「完成亞運之後，會休息一陣間，然後準備亞室（亞洲室內運動會）60米賽事；個人方面就讀緊EdU year 1啦，準備想做PE老師，教練亦很贊成我這個決定。」

高澔塱：已不是初哥心態

今次跳遠運動員高澔塱都是第二次參加亞運。比較兩屆，他認為最大不同是心態，上屆自己仍屬初哥身分去鬥，而今屆就成為真正有競爭力的運動員出戰。

現在心情如何？
「少少緊張梗有嘅，但儘量輕鬆啲啦，因為始終第二次去，今次係想多啲享受個比賽。」

和第一次參與時，有什麼不同？
「第一次係抱住學嘢嘅心態，今次就能力好咗啦，有能力去爭獎牌嘅身分，但都唔想俾太大壓力自己嘅，我唔想有背負爭獎牌嘅壓力去比賽，落到場啲腎上腺素自然會上升㗎喇！」

現在覺得狀態怎樣？
「其實早幾個星期有整傷到腰嘅，停咗一個星期嘅訓練，pick up番反而仲好咗喎！可能係俾我停一停，重新諗下之前嘅訓練，refresh一下、沉澱下，反而仲好。」

你之前有去到歐洲集訓，那是一個怎樣的經驗？
「喺歐洲集訓嘅特色係，每一個星期或者兩、三日，就會俾一場賽，所以個強度都keep住幾高。初初唔係好習慣嘅，去咗3個月，初嗰個半月都係練習，後嗰個半月就每個星期都有比賽！我覺得係個好嘅經驗，因為比賽嘅感覺，平時練習唔會有，累積咗好多心態調節同技術嘅修正，所以返到香港每次出賽都用得返啲經驗，裝備得自己更好、發揮得更好。」

今次亞運有什麼目標？
「今次都希望跳番8米呢個成績，因為喺世界賽要有8米先有爭獎嘅競爭力。爭獎牌當然想，就算唔係都希望爭取較高嘅名次，上次係12名，今次希望最低限度入到final、以頭8名完成。」

完成亞運之後，會有什麼計畫？
「暫時都未有咩比賽要預備嘅，最大嘅目標都係想爭取巴黎奧運嘅入場券啦，因為無論排名又好、直接達標又好，都要開始準備。亞運返嚟可能唞一、兩個星期，因為得番7個月左右去爭取積分同排名。」

陳一樂：純粹之心享受跑步

與梁筠宜和高澔塱不同，本屆是陳一樂首次參加亞運會，心情當然興奮。他以16歲之齡高踞U18男子100米世界第一長達4個月，作為 「世一」，讓他增添不少今次參賽的信心。訪問第二日，他會先到中國參加另一個接力賽，然後回港再出發到杭州，出戰4 × 100米接力。

年初剛滿16歲的他，第一次出席如此大型運動賽事，現在心情怎樣？
「有啲緊張呀，因為冇去過咁大型嘅比賽，聽隊友講觀眾席係坐滿晒人，未去過一個比賽係坐滿晒人！」

那教練有和你做一些心理輔導，讓你不會太緊張嗎？
「我鍾意緊張呀！緊張嘅時候先跑得快啲！跑PB（10秒40）嗰次我記得係好緊張，但之後出多咗比賽，放鬆咗個緊張嘅level，今次大比賽，又會緊張番，我鍾意嗰種感覺。」

今次的目標是什麼？
「希望能夠快過我們的seasonal best：39秒66！」

完成亞運之後，回來後會有什麼比賽或計畫？
「返嚟之後會有一、兩個比賽，有個喺廣西，另外亦會去亞室（亞洲室內運動會）等等。」

對於這些比賽會有些什麼目標？
「希望可以破到青年紀錄（10秒38）。」

會希望達成100米sub10的成績嗎？
「會呀，而家慢慢一步步跑上去，預計用一年時間，希望做到。」

你現在才16歲，年紀非常輕，你覺得已跑到現時的成績，會有點太早嗎？
「我覺得時間啱啱好，泰國有位選手都喺16歲跑出超快嘅成績（Puripol Boonson），仲要比我快！趁年紀細跑得快，可以參加到更多比賽。」

說到接力隊隊友會給予自己什麼意見？一樂說，除了技術上的提議，亦說過隊友都好喜歡他一落場就可以好單純地衝衝衝，跑出自己的最快，以真心享受跑步。是的，人大了，思考多了，有時未必可以單純地，用直覺感受跑步的純粹與樂趣。

PUMA Deviate NITRO Elite 2：為打破紀錄而設，為運動員而生

而伴隨著3位香港田徑運動員平時作速度課訓練的，PUMA Deviate NITRO Elite 2就提供了極大的保護性及推動力，它採用了PWRPLATE純碳纖強力推進板，確保穩定性之餘，同時幫助幫跑手發揮最高效率。

NITRO Elite Foam輕量氮氣中底科技，在不會對運動員產生額外負擔下，提供極致緩震和回彈力；輕量單層透氣網面配合PUMAGRIP防滑耐磨橡膠大底，令運動員即使置身不同路況，都能夠擁有足夠牽引力。筠宜就在傾談中對PUMA Deviate NITRO Elite 2有如此評價：「佢比起Deviate NITRO 2輕好多，而且再包腳啲，每一步跑出去都好輕鬆！」

18 6 月
REPORT

氮氣加速 PUMA FAST-R Nitro Elite

有無聽過「氮氣加速」？
這塊名為Nitro的中底，就是製造時透過注入氮氣，令物料之間形成大量氣泡，影響當中的密度結構，令它的重量比傳統EVA輕46％。但同時間，又因為氮氣擁有穩定物理結構的特性，密度下降也不易影響中底的形態，反正就是集輕、韌、彈於一身！

幾年的PUMA以佑教為首，招攬如大D、謙爺這些頂級跑者，可見決心要在眾大品牌中佔一席位！

PUMA FAST-R Nitro Elite的外觀與市面上大多數的跑鞋都非常不同，可以說開創了碳板 + 厚底競速鞋的新格局。

要數FAST-R Nitro Elite的最特別設計，是其特殊的分離式中底結構與貫穿其間的PWRPLATE碳纖維推進板，前後掌分離式結構很少在跑鞋上出現，偶爾會出現在籃球鞋上，對籃球運動來說，分離式的設計可以減少中底泡棉來減輕重量，並提供更靈活的移動感。

跑鞋上採用前後掌分離式結構真的很大膽，記得我去某專業做鞋墊的地方，他跟我説最簡單測試一對鞋是好是壞，直接將它對接，越難接越好。這對鞋雖然前後掌分離但因中間有碳板連接，亦很難對接。

這雙鞋一到手的第一印象：好靚，個盒好靚！對鞋的detail位都做得好好！

一開始打算一圈熱身，不自覺地走4’30、4’15，跑起來這雙鞋真的很神，直接開4分吧！順跑過後卻没有明顯的回彈，換來是很強的稳定性！試鞋當日地面比較濕滑，但它都能給你絶對的信心，雨戰應是它的強項。

總括而言這對PUMA FAST-R Nitro Elite佷有驚喜，它這種稳定性能讓你放膽衝向前！温馨提示，鞋踭位置比較高，最好穿高一點的襪子，不然有機會磨損。

28 4 月
REPORT

華哥不專業鞋評 PUMA FAST-R NITRO Elite

FAST-R NITRO Elite 係一對全馬比賽用嘅跑鞋，外觀設計好大膽，運用咗多數只會喺籃球鞋上出現嘅前後掌分離式中底；外露 PWRPLATE 碳纖板，希望減輕鞋身重量之餘，亦提高靈活度。

前掌以 NITRO ELITE 為中底，入面加入氮氣，希望提供又輕又彈嘅感覺。後掌就用返 EVA 膠作為穩定之用。鞋面係半透明嘅膠面，增加透氣同散水能力。

而為咗強化鞋面，外內兩側都加入咗 PWRTAPE。鞋套係一種好有彈性嘅編織襪套（只喺腳套最上面，冇喺前後再延伸），簡單啲講，佢個襪套設計只喺圍繞住腳眼位置，唔會成對鞋都用襪套設計，相對容易穿著。

唔好以為易著咗就會好易甩出嚟，佢後踭位就好貼合對腳，甚至會覺得佢收窄咗（個人覺得冇唔舒服嘅感覺，可能會有朋友仔會覺得小頂嘅）；加埋上面襪套設計，其實係比較難除落嚟（易著唔代表易除）。而鞋底利用 PUMAGRIP LIGHT 提供耐磨同抓地性。

第一吓著落去會覺得好實在，唔似其他品牌咁搖晃，可惜鞋感係偏硬嘅。如果你拎嚟慢跑會感覺到有嘢頂住（因為觸地時間長），而喺快跑嗰陣，頂住嘅感覺唔會太明顯，反而似係想頂返你向前跑，增加推動性；加埋腳踭位收窄咗，會建議著過腳眼嘅襪去跑，會舒服啲。

我諗著開薄底鞋或者釘鞋嘅朋友會好鍾意佢，但跑開路跑嘅可能就因為佢太硬而未必鍾意。可以先試半馬以下嘅比賽去感受對鞋，習慣咗之後就可以試吓全馬。

27 1 月
INTERVIEW, MAGAZINE

PUMA分離式中底 FAST-R NITRO Elite半馬冠軍率先試跑

PUMA 一直致力研究及創新跑步科技，務求為頂尖跑手提供最優良裝備。今次再度突破以氮氣科技製成的 NITRO Foam，研發出升級版 NITRO Elite Foam，結合極致輕盈與卓越回彈的中底技術，並以 NITRO Elite Foam 設計出全新頂尖競賽碳板跑鞋 –  FAST-R NITRO Elite！

這對專為競賽而設的進取型跑鞋，獨特分離式式中底設計，以外露 PWRPLATE 碳板作中樞， 結合及連繫前後中底，引發跑手更強推進力，不斷超越自己成績。

究竟 FAST-R NITRO Elite 的實跑感覺如何？由 PUMA RUNNER 林穎璋（Vincent）搶先試跑，分享一下。

頂尖跑手，除了要日復日堅持鍛鍊，亦需要出色裝備，輔助自己成就不同目標，腳下一雙跑鞋，重要性不言而喻。

PUMA 香港長跑運動員林穎璋（Vincent），在 2022 年香港半馬拉松賽事奪得男子全場總冠軍，亦於台北馬拉松半馬賽事獲得第 4 名。今次搶先試穿全新 FAST-R NITRO Elite，Vincent 指跑鞋有助他突破界限。

Vincent：「第一次看到 FAST-R NITRO Elite，感覺非常新鮮，它的分離式設計和外露 PWRPLATE， 搶眼之餘，亦令我非常感興趣。」

2022 年是新冠疫情高峰期，很多運動員都無法訓練，但 Vincent 沒有放棄，盡己所能按照計劃訓練，最終得到好成績。輔助自己努力克服困境的就是 PUMA NITRO 系列競賽級跑鞋，所以對全新的 FAST-R NITRO Elite，亦充滿期待。

「穿上腳第一感受，是被包裹得非常結實穩定，試跑一會已感受到比以往更強大的推進力。」Vincent ：「FAST-R NITRO Elite 給予跑手前所未有的回彈力，每一步都推進你向前衝；加速轉向時，雙腳依然置中、維持在適當位置，不會左右偏移，感覺很實在。」

Vincent 還說其抓地力十足， 即使試鞋當日下雨天，路面略帶濕滑，依然可以安心訓練。「總括而言，FAST-R NITRO Elite 會成為我的落場競賽鞋，相信一定可以幫我做到更好成績！」

FAST-R NITRO Elite 全新頂尖競賽碳板跑鞋，結合 PUMA 最強跑鞋科技，分離式中底，並以外露 PWRPLATE 碳板作連結，不但視覺震撼，中空結構亦同時降低鞋身重量，更輕盈、足感更好，給予更強推進力。

NITRO Elite Foam 在 NITRO 基礎上再升級，比 NITRO Foam 輕 25-30%，緩衝與回彈分別提升 18% 及 5.7%，同時達成輕盈腳感與高回彈力。

FAST-R NITRO Elite 最獨特設計為採用分離式中底，由前方 Nitro Elite 與後方 EVA 組成，令緩衝與回彈效果更出色。以外露 PWRPLATE 碳板作中樞支撐，並連接前後中底，中空結構同時減輕跑鞋整體重量。

PUMA 最高規格碳板 PWRPLATE 是純碳纖造成的叉型結構鞋板，以摃捍原理令每步離地瞬間，將腳趾推蹬力量最大化，轉移為推進力，跑手會感到源源不絕的牽引力量推動身體向前推進，亦有效降低足部關節推蹬的損耗。

鞋面採用超輕量高透氣機能網布製成，完美貼合包覆雙腳；PUMAGRIP LIGHT 防滑耐磨橡膠大底比 PUMAGRIP 輕 44%，抗滑性能亦提升，在任何天氣、路面、環境，跑手都可以盡情加速。

PUMA 亦了解女性對跑鞋的要求有所不同，今次也特別推出女性專屬 FAST-R NITRO Elite！修窄鞋踭、低腳背，並因應女性足弓比例設計，由女性測試原型鞋款，目的令女性同樣可以輕盈舒適的享受長跑，完成所有目標。

24 11 月
REPORT

PUMA Deviate NITRO 2 冇殺氣嘅碳板鞋

PUMA嘅跑鞋挾住NITRO Foam泡棉中底技術（後來更發展出更高級別嘅Elite NITRO Foam），放到針對唔同跑手需要嘅型號上，近期確實做出成績及注目度，而且質素愈嚟愈好，好似新近呢對PUMA Deviate NITRO 2，雖然都屬碳板鞋設定，但就走親民路線，令跑者跑得相當愉快輕鬆！

先睇啲spec.：前腳掌 30mm / 後踭連鞋墊 38mm、重9.2oz（男裝）；中底第一層Elite NITRO Foam泡棉、第二層NITRO Foam泡棉、中間設入碳纖板PWRPLATE、外底PUMAGRIP。唔屬於極厚底設定，亦唔係採用大幅嘅向上Rocket幾何彎度設定，成對鞋望落絕對唔大殺氣，著落跑過之後，就更加感受到其friendly。

由於試鞋時已感覺到Deviate NITRO 2係對容易適應嘅跑鞋，所以就唔作太多事先run-in。第一日RunKid著佢去參加個私房小fun run；第2日就跑個20K tempo run。總體都測試過其速度及長距（包括舒適度及推力）表現。

小fun-run每人要跑3 x 1k左右，九龍仔公園石屎地（非運動場），3次嘅pacing大約3:55，喺冇乜run-in及warm-up情況下，筆者都好快可以適應到對鞋，由於本身輕身，所以喺任性提速方面冇大問題，主要構成前掌中底嘅Elite NITRO Foam亦俾到好好反應嘅回彈；雖然當日唔係雨天濕地，但喺需求速度之下，PUMAGRIP外底都俾到安全感同抓地力。

可能今次PUMA Deviate NITRO 2比上代加闊咗鞋楦，以RunKid非闊腳掌跑者嚟講，佢亦然係true to size嘅，但內籠就冇上代甚至筆者都擁有嘅Liberate NITRO咁包腳貼服。順帶一提，雖然第一個測試係以速度為主題，但RunKid都唔建議用碳板鞋去練短速嘅，只作反應及包腳感嘅測試。

連接第2日，筆者喺同一個地方上咗「賊船」（係跑友都明咩係賊船啦），跑咗20K tempo run，配速由4:50去到4:20。喺長距及長時間測試之下，可發現PUMA Deviate NITRO 2最大優點係「可控性」，尤如一隻你可以自身技術駕馭嘅戰機，唔會推到你失晒預算，有幾多跑幾多。

長距使用下，Elite NITRO Foam發揮出非常好嘅緩震及回彈；叉型全掌碳板PWRPLATE亦提供不絕推進力，就算筆者跑到後段時都已力竭咁濟，但都可借助PWRPLATE嘅推進力，力撐維持到4:30內至埋尾，都算係有驚喜。

至於PUMA Deviate NITRO 2嘅其他細節如工程網布透氣度、輕盈感（輔以PWRTAPE膠膜增加防撕裂）；PUMAGRIP外底及鞋舌與內籠相連，以防移位等等，都係俾到跑者信心嘅功能位。

總結：PUMA Deviate NITRO 2唔係殺氣騰騰嘅碳板鞋，相反，平易近人，唔會令跑者跑到失晒預算，快到自己都負荷唔到；可作為穿著碳板超級鞋出戰比賽嘅前準備訓練鞋，亦適合用以10K比賽。對於新接觸碳板鞋嘅跑者，亦係相當好跑嘅入門鞋。

02 11 月
NEWS

PUMA 升級碳板新型號 DEVIATE NITRO 2 提升跑手效率

PUMA 繼續 Forever Faster 品牌精神，將Deviate NITRO全面升級，發佈 Deviate NITRO 2。今次細節上，採用超輕量高透氣的機能網布鞋面包覆，提供縱向 2D 穩定性，而且在鞋領和足跟的部分填充加厚，提升穿著舒適度時，同時也滿足更多不同足型的跑者包覆度，能適時補上維持步態穩定。
另外，更置入了複合式NITRO中底配置：上層使用輕量 20-30% NITRO Elite Foam 及下層 NITRO Foam 泡棉，加上全新 PWRPLATE 純碳纖維動力推進片，拼湊出雙重混合的緩衝效能，於長跑時有效提升跑手效率。

以往 Foams 泡棉技術主要集中於單一重點 – 輕巧、靈敏或耐用。但 NITRO Foam 就把氮氣套用到 Foam 上，從而平衡上述3種主要元素，集靈敏、緩衝及輕巧於一身。
再說一些數子：NITRO Foam 比 PUMA Standard EVA 的重量輕 46%，及 ProFoam Lite 輕 30%；能量回饋的幅度為 74-80%，吸震率高 24-40%，令中底完美突破「輕量」與「高緩衝」並存的高穩定機能。

2022 年初，PUMA 研發出 NITRO Elite Foam，相較 NITRO Foam 更輕量25-30%，完全最大「輕量」與「高緩衝」的高穩定機能。新型號 Deviate NITRO 2 正正運用了 NITRO Elite Foam 作為第一層中底，提供絕佳的回彈力，而以 NITRO Foam 作為第二層，以打造卓越的緩震效果，以更輕，更高回彈力及高緩衝為今次主要特點。

於Deviate NITRO 2外底偷空空間可見的 PWRPLATE，是純碳纖維結構的叉型碳板，以槓桿原理將腳趾推蹬力轉移為推進力，也有效降低足部關節推蹬的損耗。純碳纖維結構採用動態足體形狀設計，更深的叉狀切割形狀，讓大拇指壓在碳板內側，其他腳趾則在外側產生扭轉，進而獲得全方位的超級回彈。

PWRPLATE 當實跑時，會有種被牽引往前推進的強韌力道產生，有助跑者的步態更流暢、省力及有效率，另外配合 PUMAGRIP 防滑耐磨橡膠大底，以應付不同的外在路況，即使連續著用也不減耐用性，面對多變起伏的地形也能應付，下雨濕地亦能保持抓力性能。

Deviate NITRO 跑鞋更連續 2 年榮獲「 Runner’s World Editor’s Choice Gold Medal 」，是《Runner’s World》對所有提交的鞋履進行了各種形狀、尺寸、年齡和能力的磨損測試，由編輯選擇獎授予「為目標用戶設計、結合了高品質設計和性能並選出卓越鞋履」，今次的第2代推出，當然會令跑者更有信心！

Deviate NITRO 2 備有女裝款式，以配合女性腳型曲線設計。其鞋款採用更窄鞋後跟置設，搭配低腳背鞋面，更符合女性足型的足弓弧曲輪廓。

PUMA Deviate NITRO 2 技術重點：
堆疊高度: 前腳掌 30mm forefoot / 鞋踭連鞋墊 38mm heel HTD:8mm（中底）
HTD: 10mm (連鞋墊)
重量: 9.2 安士（男裝）/ 7.5 安士（女裝）
主要技術: Elite NITRO Foam、嶄新碳纖板設計 PWRPLATE、PUMAGRIP

18 10 月
REPORT

PUMA Fast-Trac Nitro 體驗敏捷速感山跑

自從PUMA研發出Nitro Foam氮氣中底技術後，所推出嘅跑鞋愈嚟愈有睇頭，就以Deviate Nitro同Deviate Nitro Elite為例，喺跑圈愈嚟愈多跑手留意。既然有咁出色嘅中底技術，當然會將佢加入到越野跑鞋中。

其實呢對Fast-Trac唔係第一對置入Nitro Foam嘅trail-running鞋（2021年時已有Voyage Nitro），但今次嘅Fast-Trac Nitro無論喺外觀、速度對應以及減磅上，都做得更為極致。

Fast-Trac Nitro其實係PUMA戶外系列SEASONS嘅重點越野跑鞋；系列仲有其他針對越野運動嘅功能性服飾。

先睇睇Fast-Trac Nitro嘅重點結構：

鞋身 – 採用Rip-Stop（防撕裂）網眼物料，無縫處理，輕身之餘具備拉緊度，造就適當嘅包腳維度；透氣、反光，確保山間夜跑仍能有被視度。

中底 – Nitro Foam提供極致靈敏度及緩衝效能，同時保持鞋身輕巧；底層ProFoamLite技術保持耐用、輕巧及提供保護性。

外底 – 以耐磨橡膠合成物料而成嘅PumaGrip ATR，可控制任何地況，專為山路及不同地型而生。

當著上Fast-Trac Nitro第一個感覺係：輕。
因為基本同著上一對輕身路跑鞋冇大分別，資料重量約為205g左右（US9），對比起Voyage Nitro嘅300g，肯定係大躍進。

而事實上，Fast-Trac Nitro於越野跑嘅表現，亦都係以山間平路跑最為出色（如獅子亭往畢架山中間段或大老山段麥徑），一來輕身，二來借取自Nitro Foam嘅靈敏反應及吸震，三來佢係一般正常跑鞋嘅前後差設定，如果閣下係擁有一定經驗嘅路跑者，借助Fast-Trac Nitro嘅功能，喺山野平路路段會跑得相當暢快。

鞋踭位置嘅輔助小帶，除可協助穿者輕鬆著鞋外，亦可鈎配防沙石襪套時使用。

Fast-Trac Nitro嘅保護性不算太強勁，但基本上嘅都有提供，如heel counter照顧後跟嘅穩定性、前掌兩邊嘅防撞保護膜、鞋舌同鞋身內裡連為一體，防止腳部走位等等。

但正如剛才所講，Fast-Trac Nitro係較為著重靈敏度嘅山跑鞋，所以都幾講求跑者本身自己嘅山跑技術。例如中掌兩邊嘅Nitro Foam只有少部分延伸至鞋身，加上Nitro Foam本身唔係好剛性嘅中底物料，所以於不平地況奔跑或過石位時，有時會出現「浪浪哋」情況，但好彩對鞋本身好包腳，同有埋PumaGrip ATR強抓地力外底嘅補足，只要你嗰時唔係發緊夢，好快就可以修正返。

總結：Fast-Trac Nitro係定位予較有經驗及著重敏捷感嘅越野跑者，較適合著用於平時山跑訓練，以提升靈敏力，又或於短中途（30K以下）/山路兩食（最常見嘅引水道）嘅越野賽中，會帶來更佳成績。