快跑練習鞋 On Cloudflow 4

上一次馬拉松課表中的速度課還在穿 On Cloudflow 3,幾個月後確定會參加 24 年東京馬拉松後,Cloudflow 4 就已經推出了。

筆者教練的馬拉松課表簡單來說分 3 個階段,10k 半馬和全馬。第一階段是先要打好速度基礎,其實有時間的話可以由 1M 練起。訓練以間歇跑(有 1k 300m)為主,當然一星期訓練中都會有 LSD 來鍛練有氧能力。

3 個階段的好處是每個階段都會以 TT 作結,可以用作評估狀態和調整訓練與目標。而筆者的第一階段暫時的所有速度課全都著用 Cloudflow 4 來進行。

Cloudflow 4 代比第 3 代的中底加厚了 2mm。上層(白色)和下層(黑色)以不同密度 Helion 物料打造 CloudTec 鞋底。

鞋面是跟頂級 Cloudboom Echo 3 一樣的編織物料。透氣度極高又夠堅固,快跑鞋就是要包腳。

中底內嵌 TPU 物料的 Speedboard,雖然沒有像第 3 代般露出,但已經有助提升推動力;鞋舌位用料是猄皮,簿身偏短不頂腳,剛剛好夠鞋帶結位。

Cloudflow 4 的定位可以說是 Cloudboom Echo 3 的訓練鞋,除了鞋面料一樣,鞋型的楦位和內長都一樣。楦位偏窄和包腳,內長偏長,比較合適西方人腳型;鞋領位的設計以快跑鞋來說是相當的厚和具保護性。

筆者覺得 Cloudflow 4 的腳感很有趣,以為比 Cloudflow 3 加厚,觸地感會減少。初上腳時是的確是感覺到緩震加強;但到快跑時,又確確實實地感受到每一步的觸地感。

感覺上觸地感是來自上層 Helion 偏硬有回彈的物料,而下層雲模就提供緩震。

前掌的較細空間雲模加上 Speedboard,再加上 rocker 式設計,令整個滾動向前的動作非常流暢。

筆者由於能力問題,應該不會選 Cloudboom Echo 3 作全馬拉松鞋。
Cloudflow 4 的確是一對市場上偏少數腳感強的快跑鞋,所以應該會保持以它作訓練一段時間,至少在第一個階段完結前保持使用。

Cloudflow 4 的定位是 5k 到半馬的距離,但始終雲模空間偏細而導致緩震度減低,筆者最長只是用作跑(合共)10k 左右的快跑。

最後一提,筆者的 Cloudflow 4 配色是 On 跟法國跑鞋店 Distance 的聯乘版本。鞋墊印有 For All Runners鞋面加有 Distance logo,鞋舌亦有 Distance 字樣。Cloudflow 4 x Distance 版本已在 432hz 作優先限量發售。

Cloudflow 4 x Distance
用途 : 快跑訓練鞋
內旋:正常
重量(size US9):235g
足跟差:8 mm31/23
True to size

講鞋實測 輕磅長課鞋 Asics GT-2000 12

論穩定型長課鞋,Asics唔只有Kayano,仲有GT-2000,兩者都有新一代接棒,筆者亦都試過,畀我揀,我會揀GT-2000 12。

唔只定位一樣,GT-2000 12Gel Kayano 30喺配置上都好相近,都係網層鞋面 + 全掌式FF Blast+中底 + 踭位內藏PureGEL,兩者喺緩震、穩定都同樣在行,不過實着感受都有幾明顯分別。

最明顯係重量上,官方以男裝US 9為例,Kayano 30GT-2000 12分別重303g270g,而筆者實測嘅US 7.5,就分別係267g238g,即係GT-2000 12Kayano 3012%

落地時,GT-2000 12會結實多啲,唔似Kayano 30偏向軟腍,相信與GT-2000 12嘅中底厚度與前後高低差都比Kayano 30少有直接關係(GT-2000 12嘅前後厚度分別係1725mmKayano 30就係3040mm),至於GT-2000 12PureGEL縮細咗都應該有關。

今次實測GT-2000 12,跑咗20km左右,包括一次8km長課,以及一次12km Tempo,與Kayano 30相比,GT-2000 12輕啲、提腿反應直接啲,所以速度表現會稍稍勝過Kayano 30

雖然GT-2000 12嘅鞋底配置比Kayano 12袖珍咗,但係穩定性與支撐性都好接近,不分高低,事關GT-2000 123D Guidance System中底布局,與Kayano 304D版本一樣,將整個鞋底面積大幅擴闊,無論係中前掌或後掌型跑手,都可以穩陣落地。另一方面,雖然GT-2000 12嘅中底內側中段並冇加硬,但明顯向外漲起,而且喺鞋櫳摸摸,就會發現明顯拱起咗,喺足弓位做到充足支撐。

用途上,兩者最在行都係長課,Easy Run亦都適合,而GT-2000 12會較易加速,所以唔只喺長課上可以跑快少少,甚至強度唔太高嘅Tempo都可以。另一方面,由於兩者嘅緩震有別,我會建議偏重嘅跑手選擇Kayano 30,非重磅者可以多啲考慮GT-2000 12

同場加映:Kayano 30實測重溫

華哥不專業鞋評 – On Cloudboom Echo 3

之前一直試 On 嘅跑鞋都喺一啲慢跑款,未有試過比賽鞋款,今次收到呢對 On Cloudboom Echo 3,有種眼前一亮嘅感覺。

On 嘅第一對碳板跑鞋 – Cloudsurfer 2010 年面世,當中有 TPU 同碳纖維唔同物料作為板材。而去到今代,物料上已經進步咗唔少,因為 On 喺推出前已同運動員一齊研發;喺唔同嘅練習、比賽都有亮相過。

鞋面喺用咗一塊高科技嘅編織布料,除咗透氣性高之外,仲好薄。大家唔好以為佢薄就好易爛,其實都好堅挺(一般嘅跑鞋網面如果好薄,都會易爛)。

鞋舌面係一塊好薄、軟嘅薄猄皮薄棉,再喺面上額外加咗兩塊軟薄墊,減低長時間跑步鞋帶對腳背嘅壓力。而鞋帶有啲膠質,係希望增加磨擦力,減少鬆脫嘅機會。而雙層鞋眼設計俾唔同腳背⾼度嘅用家用嚟調節。

⽤咗 Pebax 材料打造最新 Helion HF 超級泡綿⾼性能中底,除咗提供輕盈緩震之外,仲提供極好嘅回彈。而 CloudTec 只喺前面,後面只保留三個細細嘅空間(同慢跑款嘅大粒 CloudTec 好唔同)。

利用三明治結構將全掌碳纖維速度板 Speedboard 放喺兩層 Helion HF 之間,以提升推動⼒。鞋底前掌用咗⼤⾯積橡膠外底,喺離地推進嗰陣提供更好嘅助⼒,後踭關鍵受⼒位置都配置咗輕薄防滑嘅橡膠墊。

一對比賽鞋未必可以捱多過 2-3 場比賽,我相信呢對鞋就可以跑大概 4 場馬拉松,而過咗 4 場賽之後,以佢嚟作為練習鞋都好唔錯。但如果唔係經常比賽,或者未有興趣比賽嘅朋友,就未必建議買呢對,個人覺得反而 Cloudmonster 可能會更好。

Hoka Cielo Road 高回彈「薄底」快鞋

賽季返嚟了,不過比起報甚麼比賽之前,更先更重要嘅,可能係入齊裝備應付晒LSD、Tempo、Interval,以至比賽用嘅戰鬥鞋。今次試嘅Hoka,有啲出乎意料唔係最深入民心嘅超厚底型號,而係專為5-10km而設嘅「薄底」快鞋Cielo Road。

雖然係Hoka系譜嘅薄底型號,但前後厚度分別都有2831mm,不過一試之下,頗有傳統Racing Flat嘅高回彈、反應快嘅感覺。

由於工作與照顧「主子」嘅關係,筆者有三個星期冇正式練習,昨日初試Cielo Road都唔敢太進取,小試牛刀下跑咗2km熱身及8 x 400m Interval。雖然Cielo Road標榜係短途快鞋,但慢跑熱身又未至於十分抗拒,但好明顯feelCielo Road係「勒住勒住」,就似夏蘭特畀哥帥下令唔準射門

去到主菜時間嘅400m Interval,一字記之曰:爽!就似夏蘭特終於解鎖可以放題施射過足癮!

即使Cielo Road嘅鞋底厚度都係厚過昔日嘅Racing Flat,不過每次觸地都會即時、直接、有力地發揮回彈作用,甚至青出於藍,而且比傳統Racing Flat更討好係緩震更強,加上厚度「節制」得宜及只有3mm Heel-Toe Drop,實測時發覺緩震只發生喺觸地嘅微秒之間,隨後就極速轉化為回彈,全掌式PEBA泡棉中底與弧形METAROCKER鞋頭輪廓果然交足貨。

雖然中底冇TPU或碳纖底板,但Cielo Road一早講明作戰距離係10km內,的確毋須靠底板幫用家慳力;反應、輕量化(以男裝US 9為例重約201g)更係重要。

另一個似足Racing Flat嘅地方係鞋楦布局,以單層薄身網面為主,雖然底部貼有支撐骨架,但後者嘅硬度只屬輔度,真正發揮穩定性嘅原因係貼腳剪裁,所以闊掌嘅跑友未必啱用。另一方面,即使鞋領內有薄墊,不過實測發現都係有少少空位,所以綁鞋帶時建議用埋最頂嘅鞋帶窿鎖實足踝。

今次實測另一驚喜,係試埋超輕身嘅CEGERO 5-Panel Running Cap ,正如「七孔流血還七孔流血,死還死」,雖然天氣凉咗但唔代表唔曬,況且呢頂帽表面唔只跣水、透氣,仲有UPF 50+ 防曬系數阻隔紫外線,減少面部曬傷機會,fit晒長課用,尤其是女生。

New Balance FuelCell Propel v4 靈活推進 快慢適宜

雖然教練會建議,儘量將日常街鞋及練習跑鞋分開著用,但有時工作日需要、為求輕便,遇上easy run的日子,或者速度不太高的tempo run課表,都會選著New BalanceFuelCell Propel v4

一來其外形根本就是lifestyle鞋無異,筆者擁有的是跑鞋專門店Runderful獨售配色 – off white / blue,在配襯日常根本輕而易舉,「上身咩色都襯到」、「唔使用腦襯都唔失手」。但請勿誤會以為它外形好看就欠缺實力?其實FuelCell Propel v4的「跑步力」相當高而廣。

來到第4代,今次FuelCell Propel用上了升級及雙層FuelCell泡棉中底,增加回彈及長時間跑動的舒適感;中底間置入TPU推進板,增強適中的前推力。整體設置其實可以售價更高,但現在定價不到$900,無疑超具市場競爭力。

中底可明顯看到兩層FuelCell泡棉,不同紋理及軟硬度以提供緩震及回彈兩種功能;中掌外側位置有一塊PTU膠片,以增強需要提速跑時的穩定性。

鞋身用上一幅過無縫工程網布,疏氣而輕身,可隱約透視鞋內;後踭置入heel counter固定片於網布內,維持外觀簡約風格之餘,亦提供要有的跑步安全功能。

鞋面平闊型,闊腳掌跑者都照顧到,不會感到壓迫局束。鞋舌及鞋領加有軟墊,厚度適中,不會令你感到過熱(當跑長途時)或過厚。
*注意:尺碼方面偏大,最好入手前試鞋

鞋底部分偷空一條長形凹坑,可清楚見到搶眼的PTU推進板(與中掌外側那PTU膠片屬一樣物料),以提供加速或變速的前推力;鞋頭輕微上翹,與PTU推進板共同協作,給予跑者不太強烈又控制到的rocker effect。

鞋底分佈不同區間,動用不同物料及坑紋,以路跑鞋來說,我覺得咬地力是相當之好。甚至覺得用上FuelCell Propel v4去參加一些短途且需要很多平路跑程的越野賽(如引水道、尖沙徑),也是可以。

作為日常著用跑鞋,FuelCell Propel v4是滿有吸引力的。31mm厚雙層FuelCell中底,用作easy run時實在是舒適感滿載,加上鞋內充裕的空間、緩震而又不會太軟稔的回彈,跑上60mins的easy也未有出現倦怠感,雙腿仍能維持動力與回彈,且有愈跑愈快的衝動。

始終內置了推進板,rocker effect仍是有的,但不太強烈,也保持一定靈活性。對於想一嚐推進板的跑者,FuelCell Propel v4絕對是很好的門檻。Easy run外,你也可以Propel v4作一些提速或變速訓練(如Fartlek),感受一下板鞋與無板鞋的腳感,與及自己跑姿對於板鞋的掌控能力。

至於剛才提過可著用FuelCell Propel v4出戰一些短途及包含較多平地跑程的越野山賽,是基於現在潮流已愈來愈多越野跑者動用路跑鞋出戰,而且以Prople v4的中底及外底來說,在荒山野徑上的緩震及咬地力都足夠應付。

另一特點是,PTU板一方面可賜予跑者前推力,又可免卻於山坡梯級上因抗扭性太強而減低跑山的靈活度。在這數方面而言,所以說FuelCell Propel v4亦可以是一對具平衡性的「山賽」著用鞋。

華哥不專業鞋評 – Craft Nordlite Speed

Craft前幾年就出咗幾對有碳板嘅路跑 + 山跑鞋 – CTM Ultra carbonCTM Ultra Carbon 2CTM Ultra Carbon Race Rebel。而今年就出咗對真真正正剩係屬於路跑嘅碳板鞋 – Nordlite Speed,同Craft Nordlite Ultra一樣,同以往自家嘅跑鞋都好唔同,直頭成對鞋款都改晒。

鞋面嘅網布比起Nordlite Ultra唔同,係一塊鞋紗網狀面嘅物料,利用咗無縫剪裁技術去做成個鞋面,佢非常輕、軟熟同透氣性好高。而呢對鞋個前掌位置都係加闊咗,俾前掌同腳趾有更加多位置,再喺鞋頭腳趾位上加咗猄皮作穩定同耐磨、對於闊掌嘅朋友係一個福音。

之前都講過,以往Craft嘅中底用咗UD Foam(即係以前嘅EVA膠),相對較硬身(需要過100公里去run in對鞋)。而Nordlite Speed同Nordlite Ultra一樣,都係改用咗CR Foam,就咁踩落去個下已經覺得有啲淋,大大縮短咗run in嘅時間(當然呢對鞋我都係覺得屬於半百公里去run in對鞋)。

加上用咗Ultra-Rebound 鞋墊,呢對鞋墊除咗大大增加彈性之外,更夠厚,可以增加保護性。而今次鞋底就冇用到膠釘(lug),反而用咗一塊過嘅橡膠,橡膠開窿之外仲有啲暗紋增加抓地性,款式同之前其他嘅Craft鞋唔同晒。

對於喺乾爽嘅地下,抓地性唔錯嘅,但心諗喺濕滑嘅路上面,可能要小心啲,不過今次落雨試跑,都冇乜大問題,抓地性可以。Craft Nordlite Speed拎嚟作強度練習、LSD同比賽我建議可以試吓著。但如果慢跑就著用返啲冇碳板嘅跑鞋會比較好啲。

支撐跑鞋的頂尖系列 ASICS GEL-KAYANO 30

ASICS GELKAYANO 30,我細細個就聽過呢個名啦。

KAYANO 是支撐跑鞋(Stability)的頂尖系列,即是主要針對扁平足或高弓足的跑手,提供腳內側足弓位的支撐。
KAYANO 系列在 30 週年的重要年份時間,在款式上作出重大的改變。

外觀看上去變化是非常的大,之前後踭外置的 GEL 緩震膠不見了,取而代之的是 PureGEL 緩震技術。中底同樣都是 FFBlast+ 物料,用了約 24% 的環保材料。

相較於 KAYANO 29,中底厚度增加了 4mm,但重量卻並沒有增加太多。

官方資料提到的 4D Guidance System,是從時間、長度、寬度、高度四大維度出發,為跑者提供始終如一的穩定性。不過筆者沒太大懂解讀。反而感覺到以下四項特點:

1. 闊楦位令前掌穩定性增加。
2. 加大外擴角度,特別是後掌。中底有一個切角位,令鞋成梯型來引導落地時依靠腳掌外側。

3. 中底外側切割設計,上面打了不同小孔,更易壓縮外側來減少外翻。
4. 足弓支撐物料改變,以為是加硬了?錯了,反而是更軟但更彈。以回彈來減少足弓的壓力,完全是逆思考。

另外在內側亦加有 TPU 來加強支撐;其他部件都是偏向厚身(鞋領、鞋舌、鞋面等等),以穩定性先行。

Stability 跑鞋不一定是給扁平足跑手著用,筆者之前右腳外翻拗柴,使內足踝脛後肌肉發炎一直沒處理,脛後肌的止點就在腳眼,即足弓支撐位。在脛後肌沒有支撐下,原來是會導致足底筋膜炎。

所以不要以為只有扁平足和高足弓才需要穿着足弓有支撐的跑鞋,而筆者近期慢跑(只能慢跑)都著用 KAYANO 30,的確令足弓位得到支撐來減少筋膜壓力。

KAYANO 30 實際上腳跑動的感覺,是沒有其他 Stability shoes 的「硬」、「頂腳」感,這是給我最大驚喜的。

當然 KAYANO 30 的功能是用作慢跑鞋(而且相當舒適),但是速度提不上去,所以 Tempo 或更快的配速,就不應選擇此鞋。
若果想潮,就應該選 KAYANO 14 

用途:慢跑訓練鞋
內旋:穩定性
重量(size US9):303g
足跟差:10mm40/30
尺碼:Ture to size

3D級穩定 x 支撐跑鞋 – ASICS GT-2000 12

筆者因足底筋膜發炎停了課表一個月,只在週末 LSD,之前亦著用了保護性超強的 ASICS Kayano 30
針灸了好幾次,傷患開始痊癒,雖然跑鞋保護性可以減少,又想跑快一點配速,所以改為著用比較輕身的 ASICS GT-2000 12

GT-2000 12 代,算是次頂級的穩定支撐型跑鞋,是按照頂級的 Kayano 30  全新設計概念來打造。

GT-2000 12 搭載了 3D 引導系統,比起 K30 4D 少。上圖亦可以看到加有一小塊 TPU 去穩定後踭。少了的是足弓另加帶有回彈的支撐物料,GT-2000 12 只是用回 FF Blast+ 在足弓位置做工上加高作支撐。

GT-2000 12 K30 都是通過加寬外底和增加腳踭傾斜角度等細節設計來重新演繹穩定性;領口和鞋舌都是慢跑鞋設定,加有厚棉,主要求穩定。

中底物料跟 K30 一樣選用全掌 FF Blast+ 緩震材料,除了帶來更柔軟度來提高整體舒適性,還能為在跑動時提供更有力的能量反饋。

GT-2000 12 K30 一樣用了 PureGEL 緩震技術,不再有外露的 GELPureGEL 其實是很小的一塊類似硅膠的材料內嵌在腳踭位置內,比傳統的 GEL 膠體積更小、更輕。
其實以現時中底泡棉的質素,根本可以不用 GEL,特別是中前掌落地的跑手更加不需要。

腳感上 GT-2000 12 K30 輕身,對於中階跑手更適合。當然,若果需要很強支撐的跑手,例如嚴重受傷(即是之前筆者)、嚴重足弓問題、體重太高的跑手,就可以選回 K30。另外 GT-2000 12 的鞋面比較包腳,鞋楦修長,前掌觸地時的穩定性也更高。

最後一提,GT-2000 同時亦有潮著版 ▶️ GT-2160,如果筆者有就好啦!🤣 

華哥不專業鞋評 Craft Nordlite Ultra

Craft 前幾年就出咗幾對路跑 + 山跑嘅兩用鞋, 當中包括 CTM Ultra CarbonCTM Ultra 3 等等。而今年出咗對 Nordlite Ultra,同以往自家嘅跑鞋都好唔同, 直頭成對鞋款都改晒。

鞋面嘅網布比起 Ultra 3 更加軟身同透氣,比較似用咗布料而唔喺網布,比起以前嘅款式著落更加舒服。鞋舌位用膠做主料,內側加上網布,減少鞋舌同腳背磨擦;前掌位置加闊咗,俾前掌同腳趾有更加多嘅空間,對於闊掌嘅朋友係一個福音(可能Craft想開拓埋亞洲市場!?)

以往 Craft 嘅中底就用咗UD Foam(即係以前嘅EVA膠),相對比較硬身(需要接近 100 公里去 run in 對鞋)。今次嘅 Nordlite Ultra 就改用 CR Foam,就咁踩落去個吓已經覺得有啲淋,大大縮短咗 run in 嘅時間。加上用咗 Ortholite 鞋墊,大大增加彈性之外,更加透氣、防臭、防霉同吸汗。

今次鞋底嘅膠釘(lug)形狀比以前大,款式唔同咗,中底連接位置設有細孔,每次跑步落地個吓中底都會有一定嘅空間俾佢減壓。

喺乾爽嘅地下有唔錯嘅抓地性,但係濕滑嘅路上面可能就要小心啲,有機會跣。如果係短途山賽、炎熱乾爽嘅地面,甚至拎嚟 easy runlong jog,我會好建議著呢款鞋。但如果落雨天、濕嘅地面,或者對自己肌力好有信心嘅朋友,可以一試。

拾回薄底練習鞋感覺 On Cloudflow 3

原本薄底跑鞋是跑者們比賽和速度訓練的首選,但隨著厚底碳板競速跑鞋(Super shoes)的出現,如今跑手們最常著用的已大多數換作了厚底碳板競速鞋。

厚底碳板競速跑鞋的回彈、緩震、滾動能力都能推高跑者的跑步能力,所以在比賽時著用是無可厚非,因為比賽追求的是成績,是更強更快。

但是從訓練的角度而言,經常著用碳板競速跑鞋則不見得全是益處。其實訓練是提高自身能力的過程,助力太多,相應自身做功就會少,鍛鍊的效果就會差。

所以有時候日常的速度訓練,著一些偏薄底、腳感強的鞋款可能更佳,因為卸下助力才能有更好的鍛鍊自身實力。

今次介紹的 Cloudflow 3 雖然不是新鞋款,卻是筆者經常用作 interval 的訓練鞋。

Cloudflow 3 賣點是薄中底,前掌 CloudTec 的雲模空間只有 3mm,是 On 鞋中最少。雲模的中空作用就是利用中空位置製造緩震。亦即是 Cloudflow 3 前掌幾乎沒有緩震,觸地感很強。

後腳踭中底不同色的部份密度較高,觸地時有穩定作用。筆者跑 4 分配速時,雖然中前掌先落地,但後踭都會有稍稍觸地。

鞋楦適中的闊,既不太窄,又有點包腳感;鞋面大孔布物料,以一對練習鞋來說是足夠的。

鞋領位沒有特別做輕量優化,有少量棉作穩定;由於筆者多用 Cloudflow 3 在田徑場訓練,外底的磨蝕度很低。

Cloudflow 3 嵌有 TPU 板,滾動力比碳板少。可以在中底隙間見到 Speedboard 字樣。

On 的鞋有很多試穿者都覺得偏硬,Cloudflow 3 更加有這感覺。但在做快跑練習下,強觸地感來抽起雙腳,以加快步頻,正正是快跑時所需要。若果要跑 LSD ,就應該選 Cloudstratus Cloudsurfer

要知道自己跑什麼練習,來選一對合適的鞋,才能令跑步更加有效率。相對地,薄底跑鞋在市場買少見少,Cloudflow 3 就是可以在田徑場練習的快跑鞋。

用途:短距離快跑訓練鞋
內旋:中性
重量(size US8.5):255g
足跟差:6mm30/24
True to size