Puma Fast-Trac Nitro Trail 英國Parkrun實測

在英國有很多公園可以跑步,而路面似香港山路,有石屎路、草地、碎石…所以前陣子筆者到英國旅行,就專登帶上Puma Fast-Trac Nitro Trail在公園內作Parkrun實測

Puma Fast-Trac Nitro Trail使用的是Nitro中底,跟路跑鞋一樣,顧名思義在中底物料加入氮氣 – nitrogen。但其實是包含了兩層物料(Dual-Foam),即是Nitro物料和一層ProFoamLite而成。
Nitro負責回彈;ProFoamLite較硬,包裹全掌Nitro物料,提供穩定以及觸地感。

鞋面是防撕裂網布,比路跑版本硬,但用在山鞋上,穩定先行。不過筆者試鞋地方是英國,天氣涼快,未有試出透氣度。

跟大多數山鞋一樣,鞋頭腳趾位置有壓膠用作保護腳趾;鞋楦有足夠的闊度給予闊腳掌跑手空間。

PUMAGRIP ATR外底可算是跟之前Nitro系列最大的不同,橡皮物料堅硬,膠粒 3mm,是提供足夠咬地力的長度。

鞋踭加固位有點硬和重身,但在碎石路上卻有穩定作用;鞋帶位加置背橡筋,用作收藏鞋帶,也不會卡到樹枝雜物。

通常鞋踭用作幫忙穿鞋的「耳仔」會用尼龍物料,但Fast-Trac Nitro Trail就用上了橡根,令外觀更好。

筆者用它Easy了20公里左右開鞋,上腳即感受到外底的堅硬。以5k左右開鞋後才習慣。之後再用作於Sutton Park 5k Parkrun,路線既有石路、泥地、草地、水泥地,完全可以將鞋物盡其用。

要容易形容Puma Fast-Trac Nitro Trail,筆者會說它是Puma Nitro Velocity 的硬底版。鞋面及中底的靈活度跟路跑鞋差不多,只是換上了較硬的外底。
而外底能用於多種類的跑道上,即是香港的石屎山路一定沒問題;而打算到到「英國長期旅行」的,也可以先買下用作之後 Parkrun

PUMA Fast-Trac Nitro 易上「腳」越野跑鞋

PUMA 近兩年重新進入跑者嘅眼球,先有 Molly Seidel 穿著於奥運全馬攞到第三,近日又有本地年輕跑手 Vincent 喺半馬比賽勝出,可見佢哋推出嘅跑鞋已經好有競爭力。PUMA 以 Nitro Foam 氮氣中底技術推出咗一系列跑鞋:有練習用嘅 Velocity NITRO 2,或者競賽用嘅 Deviate NITRO ELITE,但係我今次介紹嘅係用同一中底技術推出嘅越野跑鞋 Fast-Trac Nitro。

第一對 PUMA 用同樣中底技術推出嘅 trail running 鞋款,其實係 2021 嘅 Voyage Nitro,但今次 Fast-Trac Nitro 明顯係要話俾大家知,佢係攞嚟跑,因為喺外觀、反應同重量上都做得幾出色。

Fast-Trac Nitro 有以下功能點值得留意:
・鞋身採用 Ripstop 網眼鞋面,會較輕身,鞋舌同鞋領都夠厚同貼腳,跑起上嚟冇咁易甩踭。鞋頭有防護橡膠塗層,踢到石仔冇咁痛;鞋踭仲有橡筋方便著鞋。
・中底係全掌 Nitro Foam,輕得嚟唔會影響反應,又提供足夠緩衝。外面就用 ProFoam Lite 包裹保護,提供輕量同舒適腳感,同時保護番腳掌及避震。
・外底用咗 PumaGrip ATR 呢種耐磨橡膠合成物料製造,專為山路同不同地形而設,可以話係一個全能型設計。廠方增加顆粒數量同時縮短間距,用密集排列增加同地面接觸面積,提升防跣效果。

襯住好天,簡單走一轉 16K 大嶼山試鞋。有山路有平路,順便睇埋芒草。
首先著上之後感覺好輕,資料顯示佢只係 205g 左右(US9),前後掌差係 8mm,同路跑鞋差唔多。基本上對一般路跑人嚟講會跑得幾爽,而係 Light trail 嘅路段上面更加感受到 Nitro Foam 嘅反應同緩震, 加上對鞋包腳,配合 PumaGrip ATR 嘅出色抓地力,即使踩中碎石,只要即時修正就唔怕會拗到。

總結:以我一個業餘路跑人學跑山嚟講,Fast-Trac Nitro 比較適合中短途(30K 或以下)、山路平路結合嘅越野跑比賽穿著,因為佢輕巧靈敏,對追求敏捷度嘅經驗跑者,只要加上佢哋嘅越野跑技術,絕對有助爭取理想成績。