1. 越野跑年資？為什麼開始越野跑？
大約 7 年，以往參與童軍運動接近 10 年時間，透過露營/行山活動慢慢愛上大自然，中學時因為住近慈雲山，每星期放學做完功課都會間中跑上飛鵝山走一圈，繼而展開越野跑嘅旅程，並真正跑入山徑。
2. 跑步跟工作有沒有關係？
沒有關係。
3. 最深刻的一場賽事？原因？
2019 年台灣 Formosa Trail，原因是自己首次踏足台灣的山野，覺得台灣的山徑很原始，而天然的林徑每踏一步都很軟綿綿，跟香港以及歐洲的山徑截然不同。加上賽事起終點位於台中埔里，充滿風土人情之餘，當地物價水平亦比香港低，所以是一場深刻而十分推介香港跑手參加的比賽。
4. 以前你試過不同品牌產品評測，有哪個品牌或產品最為喜歡？
近年自己比較欣賞 The North Face 的越野跑鞋款，主因是相較其他大眾品牌，TNF 鞋款系列並不是以時尚為主要考慮，而是從用家角度設計。有留意 TNF 的朋友會發現它多數每季有三至四對不同定位的鞋款同步推出，明顯有投放資源研發。近代有出色緩震表現的 Enduris；適合短途衝刺的 Infinite；具長途表現而同時有能量回饋的碳纖維版鞋款。
5. 你平時多數會於哪處練習（原因？）
自己比較少固定練習路線，不過上山嘅話多數會選擇沙田一帶，例如麥徑 5-7 段，因為自己住沙田區，而麥徑每一段都有位置可以中途下徹返落屋企，非常方便。
6. 未來有什麼比賽目標？會否計畫參加外國比賽？
暫時都未有任何比賽計劃，不過下年都希望參加一至兩場東南亞賽事，可能係日本或台灣。
7. 會否挑戰四徑？女友 Kimmy 亦已挑戰成功。如你參加會想她 support 你嗎？
完成四徑一直都有放喺心底，但係暫時未搵返 2018 年第一次參加時嗰種期待、興奮、渴望嘅感覺。
喺四徑路上自己離開過三次，亦曾經以一個滿意嘅時間完成 4in4，一直深信完成四徑並唔困難，只係在於你要有好大原因或者信念俾自己，而唔係一時嘅衝動。過程中即使有幾攰幾辛苦，你都可以揸緊信念而忘記「放棄」兩個字。當我搵返當年參加嘅初衷，我就會搵佢 support 返我喇！
8. 你與 Kimmy 都有一起越野跑，會否一齊練習？會怎樣互相提點/支持對方？
我間中會 join 佢假日嘅練習。佢越野跑能力比我高，練習時間亦付出比我多，所以技巧上我較少提點佢。
反而我經常提示佢要注重休息，唔好盲目追求里數，始終每次長課會令身體流失大量水份、肌肉，亦會令器官承受唔少負荷。機器都要間中熄機休息，更何況係人？凡事都要適可而止。
而上年慶幸自己考到車牌，所以而家都轉咗做「車手」角色，練習/比賽嘅過程會支援佢同埋朋友。
9. 夏天上山練習有什麼要注意？
時刻要提醒自己「量力而為」，夏天一定要走返自己熟悉嘅路線，要清楚知道路線邊度有撤退點以及補給位置。
10. 將於15/7舉行的3球野系列賽第1球 – 柏架山段，你有什麼比賽tips可以建議參賽者？
路線會包含好多上斜/樓梯路段，參加者賽前可以揀選一啲屋企附近嘅近似路段加以練習，同埋可以嘗試黃昏練跑，模擬到時賽事嘅感覺。
