上年4月被 @edward_lo @dylanlee0513 @joechung2314 撻著嘅一團火，驅使我今年1月決定同隊友一齊報首爾馬。
原定渣馬後會按照 @ka_chun1110 教練安排嘅4星期訓去準備首爾馬，但係可能因跑完渣馬，個人免疫力下降，導致病足一星期，狀態大跌，影響仲大過中Covid。之後唔夠3個星期，主要係保持信心，進取地保守調整。初期復操，跑平時中速同嘗試馬速都非常吃力。多謝教練嘅遙距指導關心，同埋隊友提升整個訓練氣氛，同安排首爾需要嘅嘢 🫡。
比賽兩日前到達首爾，第一次去旅行食嘢咁有保留，同一個手卷地方，重複去咗食4次，韓國拌飯走醬。
首爾馬當日，4:00起身，沖涼/食嘢/痾清/整理情緒，7:00會合大隊去bag drop熱身，8:05 B區起跑。原本係諗住跟 @fung.lauf @edward_lo @dylanlee0513 @joechung2314 @soccerberson 開4:10-4:15，開跑後2分鐘見到大會3小時pacer喺右前方（配速開緊4:10內），而隊友列車喺稍後位置無追上，我跟隨體感無減慢繼續順住去；5k split pace 4:07。
大概10k後，過咗3小時pacer 集團，搵到個啱pacing嘅黃衫男一齊跑，後面就有個asics背心男緊貼住。現場氣氛都正，最重要係有打氣團 @misslaichukong @shita_cheung @furbabyintong ☺️。
30k後，開始有疲態，pacing亦都跌到落4:15，之後盡量放鬆保持，感覺如果刻意俾力keep 4分頭會有風險。而嗰位asics男仍然喺我後面，佢由10k後一跟就跟到我去41.5k。
終點喺奧林匹克主競技場，其實好有feel，感動激動位除咗自己衝線，仲有迎接隊友返嚟 🥹，asics男都走咗過嚟都我講Kamsamida。
PB 2:55:17。Boston qualified。
慶功宴之夜盡興，第二朝先知自己埋咗張單同點樣俾大家護送行返酒店。
完滿嘅旅程，難忘嘅訓練過程，珍貴嘅熱血隊友情。
多謝所有同我講過加油嘅人。
