REPORT

華哥不專業鞋評 CRAFT CTM ULTRA 3

06 2 月

繼上次試完CRAFT CTM ULTRA CARBON，今次試吓CRAFT新一對 CTM ULTRA 3。先介紹吓呢對鞋先，佢最大賣點就係無碳板嘅日常練習 + 比賽鞋（對於我嚟講喺好重要）。

佢嘅鞋面今次喺一塊薄得嚟（薄身嘅程度可以好易就睇到入面），而又透氣性高（都喺啲好細密嘅窿）無縫工程網布，加上塊布好軟熟，所以落大雨或大汗跑友都唔使擔心對腳會跑到罨住。

另外，佢用咗Craft Regular Fit，緊貼住後踭同腳面，出色嘅鎖定能力同前掌嘅額外空間感，加埋鞋帶位置改咗做打斜，希望減少腳背受壓；後踭又加咗海綿，喺跑嗰陣會增加舒適性、鞏固性同穩定性。

鞋嘅中底喺輕得嚟襟用UD Foam（仲係以前嘅EVA膠），有兩個唔同嘅密度，上面個層就硬身啲用作回彈、下面個層就軟身啲，作為緩震。

配合Ultra-Rebound™️ 鞋墊，幫對腳提供最大能量回饋。而高度方面，繼續鞋踭40mm，前掌為30mm，只得 10mm 嘅微細差距，配合佢嘅滾動鞋底設計，都有助跑手縮短觸地時間（增加跑步經濟性）。

鞋底繼續用返三段式lug，俾大家可以喺公路、越野路或者唔同嘅天氣環境上有更好嘅抓地性表現。

個人覺得呢對鞋比較適合日常速度或長距離練習，甚至一般比賽都值得考慮（如果唔太鍾意個鞋硬感就另計）。

因為鞋嘅前掌同後踭高度差距較細，可以減輕小腿同腳踝嘅負擔，避免一般著碳板鞋會出現嘅問題，同時減低受傷風險，呢個先至最緊要。

author-avatar

About 余顯華

自稱想做全職運動員嘅全職教練; Zero Running Club Head Coach; 2012 亞洲青年田徑錦標賽香港代表; 2017 亞洲田徑錦標賽香港代表

Tags:
, , ,
Newer DareToRun 敢唔敢：中高難度跑山推介 – 杯靈雙渡
Back to list
Older 日本旅跑 – 隅田川

Related Posts

26 5 月
REPORT

Craft Xplor 結合單車輪胎與越野跑靈感

東京馬拉松期間，跑鞋頭參觀了一個運動攝影展，是倫敦來的 ASPEKT （Curated for Runners）展出過往拍攝的跑步照片。席間其訪問中提到，英國從中學就舉辦越野賽，真的是跑在草地上的越野賽，幾位攝影師稱越野賽比田徑賽或其他跑步比賽更能拍到照片的多樣化，有不同年齡層、全身污糟、上下坡的表情變化…等等。

而筆者覺得，若要參加越野賽，最合適的跑鞋應該是 Craft，因為鞋款是專門設計作山跑和路跑兩用，所以外底坑紋特別深、抓地力特別強。而最新推出的 Xplor 更加配以單車輪胎物料製造的外底，提升山、路混合功能。

Craft Xplor 的外底由單車輪胎製造商 Vittoria 製造，無論公路單車、 越野單車和砂石單車（Gravel Bike）等輪胎都有生產。砂石單車定位與混合型跑鞋相似，均能走於公路，兼能奔馳於草地與碎石地等自然路況，而要應付到不同路況，接觸地面的介面即是鞋底或輪胎就起了關鍵作用。

因此 Craft 與 Vittoria 一拍即合，於 Terreno Mix 與 Terreno Dry 兩款砂石輪胎中找出靈感，研發出混合型跑鞋 Xplor 的 Vittoria 外底。

Vittoria 外底結合了 Terreno Mix 與 Terreno Dry 特點，外圍靈感來自 Terreno Mix，鞋紋深的箭頭增強向前動力和耐用度，內圍魚鱗形鞋紋靈感來自 Terreno Dry，確保在濕滑路況仍能提供出色抓地力。外與內交織，構成厚度不一的外底，讓 Xplor 能應對公路與山徑，協助跑手自在奔馳。（這兩段是直抄 PR 稿，因為太深，但寫得令人容易明白。）

不過筆者反而最喜歡 Craft Xplor 的中底物料 Px foam，比傳統 EVA 物料輕達 20%。腳感夠回彈又夠緩震，比筆者常用作 tempo 的 Craft CTM Ultra 系列更似 Pebax。

鞋面是無縫的一件式工程網布，但由於是一件式，所以結構性上沒太多的支撐，但比之前的 Nordlite Ultra 更厚但更穩定

Xplor 鞋領位做工沒有跟 Nordlite Speed 一樣用上猄皮，而是大衆化的薄棉領口。

筆者曾在跑馬地著用 Craft Xplor，而當日碰巧下著微雨，Vittoria 外底在每步都抓地得發出「唧、唧」聲。Xplor 中底的回彈跟之前的 Nordlite Speed 腳感差不多，但就沒有碳板，最合適作訓練著用。

而在山跑過程中，Xplor 外底的抓地力當然沒問題，但最令人滿意的是鞋面的緊綴度。要知道就算外底抓著地面，但鞋面太軟是很容易因搖動而拗柴。Xplor 的鞋面雖然偏厚，但卻能穩定腳掌，跟外底配合得很不錯。

中底物料 Px foam 的軟硬度適中，在落地過程中不會太軟身而不穩；外底外側則印上鞋的所有資料。

唯一問題是鞋的內長偏長和楦較闊，購買時可先試細半碼，而筆者就選擇穿厚襪來解決問題。

用途 : Tempo Run 或山跑或越野跑
內旋 : 正常
中底：Px foam（EVA）
重量：261g（size US9）
足跟差：6mm（38.5/32.5）
偏大，可試細半碼

首尾呼應下，最後來一張ASPEKT（Curated for Runners）3 位 founders 的合照。
27 3 月
REPORT

CRAFT Xplor 帶來驚喜的混用跑鞋

CRAFT出品跑鞋的其中一個方向，是以Hybrid（混用）為定位，即是路跑及輕山跑兩種著用，如Ultra 3及Nordlite Ultra等等。今次的Xplor同樣走這個路線，但驚喜的是，在跑感及咬地功能上都帶來很好表現，可以這樣說，Xplor是我迄今穿過最好跑的CRAFT兩用跑鞋。

合作夥伴名、品牌名及前後掌高都印於外底側，一目了然。

Xplor的其中一個賣點，其外底橡膠及膠粒設定是與單車輪胎品牌Vittoria共同研發。來自意大利的Vittoria擅於生產公路單車、越野單車及砂石單車（Gravel Bike）輪胎，由於砂石單車定位與混用型跑鞋相似，既能走於公路，也要奔馳於草地或碎石地等自然路況，CRAFT就是看中此點，於是Xplor的外底就此而生。

在Xplor的外底上，我們除看到雙方logo之外，也能明顯見到其形態與單車輪胎確實十分相似，中間與外圍膠釘的分佈亦有顯著分別。

據官資所述：「外圍靈感來自Terreno Mix輪胎，鞋紋深的箭頭增強向前動力和耐用度；內圍魚鱗形鞋紋靈感來自Terreno Dry輪胎，確保在濕滑路況仍能提供出色抓地力。」至於表現如何，下文將補充。

另一Xplor的驚喜位，是中底的回彈性及穩定性。

雖然今次Xplor中底依然沿用品牌的Px foam，但在配方上應作出了調整，初著easy run時明顯能感受其回彈性增強了，中底橫幅也很足夠，配合鞋身的較闊設定，令跑時每步著地都絕對平穩，尤其是於雨天或濕地訓練時，外、中底的配合，令跑者很有信心落腳。

筆者首次開鞋Xplor，就盡得「天時地利」- 落雨濕地。

原定是著用來作60mins easy run，去到跑馬地時遇上雨天，心諗「乜咁啱！」由於Xplor的鞋型偏闊，對於筆者正常腳掌闊度的用家來說，兩邊會有點鬆動，但一經索緊鞋帶或穿厚一點襪，都可解決；相對地，如果你是屬於闊腳掌型跑手，Xplor就更適合。

當然Xplor較闊腳掌型態的設定，是造就其更為穩定的因素。

開鞋當日就算是微雨或停雨後濕地，Xplor落地每步都有很足夠的著地面積及穩定性，如果你的跑姿是「前中掌落地型」，那就更加萬無一失；其二是Vittoria外底提供的優勢，直接一點形容，就像是穿著單車輪胎在跑，每步都很啜地，跑時更會發出「唧唧」聲（尤其濕地跑），你已可想像到表現是有幾咬地了！

Xplor沒有加置碳板或纖維板，前後差6mm（32.5mm/38.5mm）；前掌鞋型呈適中上翹，帶來一定程度的推進力，很適合用作easy run或tempo訓練，筆者著用過數次來作easy run（由於近期off season課表沒tempo，都是以speed train為主），亦有愈跑愈順的感覺。

試完路，就上山。

筆者已報名21k「香港五峰」，早前與隊友試路時亦著用Xplor，以測試其山跑力及咬地性能。「香港五峰」21k屬於「地形變化多端的混合路線」，由大潭郊野公園燒烤區二號場起步，途經大風坳、畢拿山、小馬山、金督馳馬徑、渣甸山、紫羅蘭山等等，有上落山梯、有爆林、有石澗、有砂石平路等等，應有盡有，可試盡一對跑山鞋的性能。

首先是Vittoria外底的發揮，無論是落梯、砂石上落斜坡、澗間石頭，其咬地力都屬無庸置疑，很踏實的對應每一步著地；除了我自己感受到，我隊友在後面目睹我上落不同地形事後都說：「你對鞋好咬地！」鞋面是一件式工程網布，著用時能保持舒適透氣；試路當日「忽然」遇上30+度高溫（1884年有記錄以來的最高溫3月日子），亦感受到Xplor於跑山時提供到的乾爽。

至於砂石平地的表現，則延續著路跑的平穩跑感。

石屎地引水道不在話下，金督馳馬徑的砂石平路也能令跑者可以盡情發揮，保有速度及砂石地上的回彈性之餘，亦兼顧穩定性，針對香港山賽某些會較多平路跑段的特色來說，Xplor是很適合用以訓練及出賽（唯獨是到迄今都未有試到落雨或霧濕時其上山表現）。

總結：Xplor今次帶來很好的混用鞋體驗，無論於路跑及山跑都有很平均而偏上的表現，同時亦兼具了自身的個性（如Vittoria外底、中底Px foam泡棉那近似Pebax的回彈配方）。對於筆者既會路跑又會上山走走的混合型跑者來說，Hybrid跑鞋確實是有所需求，CRAFT Xplor今次的表現我會以7.7/10來評分，就來期望下對出品可以達至9/10吧！

21 11 月
REPORT

華哥不專業鞋評 – On Cloudboom Echo 3

之前一直試 On 嘅跑鞋都喺一啲慢跑款，未有試過比賽鞋款，今次收到呢對 On Cloudboom Echo 3，有種眼前一亮嘅感覺。

On 嘅第一對碳板跑鞋 – Cloudsurfer 喺 2010 年面世，當中有 TPU 同碳纖維唔同物料作為板材。而去到今代，物料上已經進步咗唔少，因為 On 喺推出前已同運動員一齊研發；喺唔同嘅練習、比賽都有亮相過。

鞋面喺用咗一塊高科技嘅編織布料，除咗透氣性高之外，仲好薄。大家唔好以為佢薄就好易爛，其實都好堅挺（一般嘅跑鞋網面如果好薄，都會易爛）。

鞋舌面係一塊好薄、軟嘅薄猄皮薄棉，再喺面上額外加咗兩塊軟薄墊，減低長時間跑步鞋帶對腳背嘅壓力。而鞋帶有啲膠質，係希望增加磨擦力，減少鬆脫嘅機會。而雙層鞋眼設計俾唔同腳背⾼度嘅用家用嚟調節。

⽤咗 Pebax 材料打造最新 Helion HF 超級泡綿⾼性能中底，除咗提供輕盈緩震之外，仲提供極好嘅回彈。而 CloudTec 只喺前面，後面只保留三個細細嘅空間（同慢跑款嘅大粒 CloudTec 好唔同）。

利用三明治結構將全掌碳纖維速度板 Speedboard 放喺兩層 Helion HF 之間，以提升推動⼒。鞋底前掌用咗⼤⾯積橡膠外底，喺離地推進嗰陣提供更好嘅助⼒，後踭關鍵受⼒位置都配置咗輕薄防滑嘅橡膠墊。

一對比賽鞋未必可以捱多過 2-3 場比賽，我相信呢對鞋就可以跑大概 4 場馬拉松，而過咗 4 場賽之後，以佢嚟作為練習鞋都好唔錯。但如果唔係經常比賽，或者未有興趣比賽嘅朋友，就未必建議買呢對，個人覺得反而 Cloudmonster 可能會更好。

31 10 月
REPORT

華哥不專業鞋評 – Craft Nordlite Speed

Craft前幾年就出咗幾對有碳板嘅路跑 + 山跑鞋 – CTM Ultra carbon、CTM Ultra Carbon 2、CTM Ultra Carbon Race Rebel。而今年就出咗對真真正正剩係屬於路跑嘅碳板鞋 – Nordlite Speed，同Craft Nordlite Ultra一樣，同以往自家嘅跑鞋都好唔同，直頭成對鞋款都改晒。

鞋面嘅網布比起Nordlite Ultra唔同，係一塊鞋紗網狀面嘅物料，利用咗無縫剪裁技術去做成個鞋面，佢非常輕、軟熟同透氣性好高。而呢對鞋個前掌位置都係加闊咗，俾前掌同腳趾有更加多位置，再喺鞋頭腳趾位上加咗猄皮作穩定同耐磨、對於闊掌嘅朋友係一個福音。

之前都講過，以往Craft嘅中底用咗UD Foam（即係以前嘅EVA膠），相對較硬身（需要過100公里去run in對鞋）。而Nordlite Speed同Nordlite Ultra一樣，都係改用咗CR Foam，就咁踩落去個下已經覺得有啲淋，大大縮短咗run in嘅時間（當然呢對鞋我都係覺得屬於半百公里去run in對鞋）。

加上用咗Ultra-Rebound 鞋墊，呢對鞋墊除咗大大增加彈性之外，更夠厚，可以增加保護性。而今次鞋底就冇用到膠釘（lug），反而用咗一塊過嘅橡膠，橡膠開窿之外仲有啲暗紋增加抓地性，款式同之前其他嘅Craft鞋唔同晒。

對於喺乾爽嘅地下，抓地性唔錯嘅，但心諗喺濕滑嘅路上面，可能要小心啲，不過今次落雨試跑，都冇乜大問題，抓地性可以。Craft Nordlite Speed拎嚟作強度練習、LSD同比賽我建議可以試吓著。但如果慢跑就著用返啲冇碳板嘅跑鞋會比較好啲。

27 10 月
INTERVIEW

馬拉松與人：Fiona 柏林馬拉松

我們是Gogogo Auntcle（aunties + uncles，亦即叔叔與姨姨），喜歡相約一起跑步的香港中年人士。

暫別馬拉松比賽3年後，我們作出了一個瘋狂的決定，就是參加2023年柏林馬拉松。我們選擇柏林馬出於以下原因，不僅因為這是世界六大馬拉松之一；行程費用合理（與倫敦和波士頓相比）；大家均有信心適應當地與香港間的6小時時差；還有最重要的就是比賽路段大部分是平路。

雖然比賽在平路上進行，然而不論以什麼速度跑畢42公里都絕對不是一件兒嬉事。由於大家平時家庭和工作忙碌，因此制定有效的練跑計劃尤其重要。有見及此，我們邀請了余顯華教練（Zero）協助我們每人設計一個訓練方案。

Zero因應我們各自的目標和能力，分析各人的練習進度，並就我們的個別需要安排每星期訓練。在合共25週的計劃期間，我們每星期都要在炎炎夏日下跑80 – 90公里，對我們來說絕不輕鬆。每逢星期六，我們都會從早上6時開始接受各種艱苦長跑訓練。

在比賽舉行前的星期四，我們一行人已抵達柏林。在酒店卸下行裝後，便動身前往博覽會。會場人山人海，Adidas展覽區更擠得水泄不通，幸運地我們是在首天入場，因此能順利找到我們尺寸的裝備和衣著。後來才知道酒店（柏林皇宮飯店）旁邊的Adidas旗艦店亦有售賣相關產品。

馬拉松比賽當日早上天氣相當寒冷，起跑時間早上9時40分。有別於在日本舉行的其他馬拉松，由於這裡提供的洗手間數量並不足夠，光是輪候洗手間已花了接近一小時。從行李放置區步行到起跑區大約需時15分鐘，到達起跑區已是上午9時20分了。

比賽快將開始，現場氣氛亦逐漸熾熱起來。我們遇到不少香港的參賽者，包括林海峰，他非常友善，而且樂意與我們合照。過了不久，起跑進入最後倒數階段：10、9、8…，我們都更為緊張而心跳加速。 

比賽初期一切都順利進行，直到跑了大約20公里，開始感到腸胃不適，只好停下上洗手間。大會在沿途提供足夠的洗手間，無需浪費時間排隊。在整場比賽期間，我因緊急狀況而上了3次洗手間，沿途的洗手間成為了我的救星。

大約上午10時30分開始，天氣逐漸暖起來，我跑到供水站希望儘快補充水份，可是大會提供的是不能折疊的塑膠杯，因此喝水時90%的水都灑在臉上，真正喝下去的只有幾滴。

另外，大會未有提供電解質飲品！當跑到38公里時，我因為開始抽筋而必須減速，當時還抱著一絲希望能夠在3小時30分鐘目標時間內跑畢。

然而，當看見330的配速員在我身邊經過時，希望幻滅了；在看到布蘭登堡門之際，比賽只剩下最後400米，終點在望。但這400米感覺就如4000米般長！

結果，雖然我比目標時間慢了40秒，可是考慮到沿途上了3次洗手間，再加上在尾段抽筋，因此我還是對自己的成績感到滿意。

雖然已過終點線，但雀躍的心情絲毫未退。大批參賽者不約而同地坐在草地上休息。對於GoGoGo Auntcles每一位成員所付出努力，我感到無比驕傲，同時亦希望向其中一位以1小時8分鐘跑出PB，以及另一位在膝痛下仍盡力完成比賽的朋友，致上衷心祝賀。經過這次，我再一次體驗到年齡只是一個數字。

以下是柏林馬拉松之旅的一些心得：

  • 現場氣氛極佳，賽道十分理想，比賽期間無需聽音樂調息心情，建議一邊享受四周的歡呼聲，一邊努力完成比賽。 
  • 起跑位置洗手間數量不足，建議在比賽開始前預留一小時以上，提前到達起跑區。
  • 大會沒提供電解質飲料，需要自備或另行攜帶鹽片。
  • 確保自己適時補充水分，當發現自己需要補水時，便應停下來喝水。
04 10 月
REPORT

華哥不專業鞋評 Craft Nordlite Ultra

Craft 前幾年就出咗幾對路跑 + 山跑嘅兩用鞋， 當中包括 CTM Ultra Carbon、CTM Ultra 3 等等。而今年出咗對 Nordlite Ultra，同以往自家嘅跑鞋都好唔同， 直頭成對鞋款都改晒。

鞋面嘅網布比起 Ultra 3 更加軟身同透氣，比較似用咗布料而唔喺網布，比起以前嘅款式著落更加舒服。鞋舌位用膠做主料，內側加上網布，減少鞋舌同腳背磨擦；前掌位置加闊咗，俾前掌同腳趾有更加多嘅空間，對於闊掌嘅朋友係一個福音（可能Craft想開拓埋亞洲市場！？）

以往 Craft 嘅中底就用咗UD Foam（即係以前嘅EVA膠），相對比較硬身（需要接近 100 公里去 run in 對鞋）。今次嘅 Nordlite Ultra 就改用 CR Foam，就咁踩落去個吓已經覺得有啲淋，大大縮短咗 run in 嘅時間。加上用咗 Ortholite 鞋墊，大大增加彈性之外，更加透氣、防臭、防霉同吸汗。

今次鞋底嘅膠釘（lug）形狀比以前大，款式唔同咗，中底連接位置設有細孔，每次跑步落地個吓中底都會有一定嘅空間俾佢減壓。

喺乾爽嘅地下有唔錯嘅抓地性，但係濕滑嘅路上面可能就要小心啲，有機會跣。如果係短途山賽、炎熱乾爽嘅地面，甚至拎嚟 easy run、long jog，我會好建議著呢款鞋。但如果落雨天、濕嘅地面，或者對自己肌力好有信心嘅朋友，可以一試。

21 9 月
REPORT

華哥不專業鞋評 Mizuno Wave Rebellion Pro

以前日本牌子嘅比賽鞋出名輕、薄同抓地性強。近呢幾年碳板跑鞋陸續出現，Mizuno 一開始都不為所動；去到後期發現大眾同精英嘅需求，開始努力去研發碳板鞋。
今次Mizuno將碳板鞋同石墨底融合埋一齊，希望革新到鞋外，又可以保留番原本嘅長處。Wave Rebellion Pro鞋面相當輕、平滑，係一塊冇太多縫線嘅布面，帶嚟最好包覆感；鞋面兩邊同前面都有透氣洞，目的增加鞋內散熱效果，可以維持鞋內乾爽同透氣。
足弓內外兩側同鞋頭周圍都有利用熱壓合貼片嚟增加鞋面結構強度，鞋脷就用單層式設計，利用特殊雙孔鞋帶固定環，等鞋脷唔會輕易滑動。

中底用咗兩層膠去造，上層係Enerzy Lite+，而下層就用咗Enerzy Lite，希望可以為用家帶來更淋、回彈更好嘅感覺，能夠每一步都有更好嘅腳感。兩層膠之間再夾入一塊碳纖維強化尼龍波浪片（類似三文治咁夾住），前掌位更加偷空咗，中掌位置以蜂巢狀結構強化碳板嘅硬度。
鞋底方面繼續用G3大底（即係石墨底），但同以前嘅分別，係成對鞋底都有石墨，而以前只會得腳掌位置有石墨。
鞋底設計就用咗全新SMOOTH SPEED ASSIST（簡稱SSA）技術，透過腳前掌到腳踭嘅特殊形狀，能夠支援用家更流暢利用前掌落地，減少肌腱嘅負擔。

前掌加寬增大面積用嚟提供穩定嘅觸地感，中間位置就提高雙腳落地過渡時嘅平穩性，強化向前動力；後踭嘅特殊裁切，幫助用家以自然方式前腳掌落地。
對鞋雖然係一對比賽鞋，同以前嘅好唔同，無論喺設計、鞋感、發力方法都好大改變。建議喺比賽前都要著一段時間去適應同習慣，咁先可以發揮到佢最大用處。我自己覺得有Sub3 能力嘅用家先好嘗試呢一對鞋。

05 9 月
REPORT

華哥不專業鞋評 Asics GEL-Kayano 30

適逢今年係Kayano 30週年 – 自1993年開始主攻為偏平足或腳掌有過度外翻（內旋）問題而設計嘅一對厚慢跑鞋，而呢對鞋以足弓有足夠支撐為主 – 所以今代嚟一個華麗變身，除咗鞋型改咗之外，亦轉用新物料。Kayano 30係Asics第一對計算完整碳足跡嘅環保型跑鞋，利用環保中底物料同低碳製造，佢嘅碳排放量為10.7kg，低於其他品牌平均嘅14%，喺鞋盒同鞋墊上有明確標示碳足跡。

今代Kayano 30鞋面改用一塊工程網布，喺跑嗰陣透氣得嚟又唔會左右歪。佢腳踝位個包覆做得比較細緻同舒服，另外腳跟位有刻意加強支撐性，鞋踭內側邊高度會比外側高少少，應該係為咗加強內側嘅支撐。

中底改用FF BLAST PLUS ECO（環保概念中底）同將PureGEL放喺鞋内嘅後踭位，再利用4D GUIDANCE SYSTEM穩定系統，由寬度、長度、高度、時間4方面去改良。
寬度係加寬咗前、中、後掌，希望增加鞋底面積用嚟分散壓力。長度就係加長咗弧度引導重心轉移，減少足弓持續受力；高度係加厚咗中底，通過唔同嘅幾何設計嚟支撐內外側，希望有更好嘅緩衝。
時間就係指足弓位轉用咗更軟同更彈嘅物料（以前係用DUOMAX或LITETRUSS去支撐，物料比較硬），目的係俾足弓更快回復到原位、減少足弓負擔。鞋底就用咗AHAR+膠增加耐用性。

呢對鞋喺著上去就已經覺得好柔軟同有彈性，唔似以前著慢跑鞋咁覺得好硬、好笨重。慢跑方面佢都算無可挑剔，當嘗試跑快小小，會發現佢都可以輕易控制到，同佢嘅外觀感覺有啲唔同。
當然跑到4分內/公里就會有少少吃力，始終佢定位係一對慢跑恢復同日常活動鞋，所以要求都唔可以太過份。呢對鞋我建議著嚟恢復慢跑同日常活動都好夠用。

24 8 月
REPORT

Craft全新中底加持 路跑 x 越野Nordlite Ultra

筆者擁有的Craft（Craft Sportswear）跑鞋包括CTM Ultra 3、CTM Ultra Trail及CTM Endurance Trail，有些是路跑 x 輕山跑，有些是專攻山跑。
針對兩路著用，一向是Craft的獨家定位。而這款新推的Nordlite Ultra，定位同樣是路跑 x 輕山跑，而今次升級重點是：中底物料換上了更軟彈的Cr Foam。

一向有著用開Craft跑鞋的跑手都有概念，以往出品大多都會用上Ud Foam，也屬於EVA物料，撳落較硬身，耐用性亦較高，但同時亦意味著要用較長時間去「開鞋」。但今次換上新的 Cr Foam，手感就很接近時下大部分跑鞋，代表著「開鞋」時間可以縮短，較快地讓跑鞋進入狀態。

鞋面的工程網布比起Ultra 3更柔軟透氣，較似布料的觸感，穿落更為舒適；從外邊更可隱約見到襪的logo，很適合於夏天跑用。而且採用漸變色染色設計，外觀上同時加了分。
鞋舌位以膠質為主，內側補有網布，以減少磨擦；鞋舌內部沒有與鞋身相連，但外形上造成了V形，筆者在山上多方向移動，都沒有「走位」。細心看，鞋舌兩側都加入了一個微微內凹的網布作透氣之用。

鞋面剛性不大，於是鞋帶位就加有橡膠模組固定；像Ultra 3一樣，Heel Lock位更有雙重橡膠補強，耐用度令人放心。
前掌位置加闊，讓前掌和腳趾兩側有更多舒展空間，這設定對於跑山時很有幫助，可減緩因長時間壓迫的勞累。若由跑者視角望下去，可看到中底比鞋身闊，明顯Nordlite Ultra比其他Craft鞋款，更著重著地時的穩定性。

鞋踭Hell Counter兩邊及後中位置都有補強膠片，以加強穩定性；鞋身今次沒有加入品牌的招牌式設計 – 印上型號及物料等等，不知fans會否若有所失。
中底物料是今次重點。全新採用的Cr Foam，觸感很接近時下大部分跑鞋所用到的中底物料，升級了，沒以往Craft多數採用的Ud Foam那種硬度，撳落是很適中的軟硬感；中底區間也有分成上下層及不用形狀，去分工緩震及回彈性。

由於要符合山路兩食的功能設定，外底的膠釘（lug）形狀偏向大粒，對於路跑來說可能未必用得到，但於山跑著用就很適中。
筆者試山路那天就剛好是雨天之後，大部分石塊或梯路段仍濕，Nordlite Ultra都可應付；只有一些仍濕滑或有青苔的，就未能克服，但實為正常，這時就要靠跑者的技術及判斷去補救。

筆者先著用Nordlite Ultra作路跑easy run，pacing維持在筆者的VDOT區間 – 約5:30，雖然它的外形似Super Shoe，但因沒有置入碳板，前後差也維持在6mm（後40mm / 前34mm），所以跑起來仍十分流暢，沒有強推，滾動動作亦很自然。
中底的回彈明顯比以往Craft鞋款來得「有力」，同時沒有偏向太軟的著地感，很容易及自然地令跑者做出「拉腳」的動作，反應直接；以大約20k左右easy run來開鞋，已可令它進入狀態。

要試齊Nordlite Ultra功能，當然要「上埋山」。試鞋當日，走的正是3球野畢架山賽段，無論是引水道或尖沙徑（平坦山路），這路段要jog的情況都頗多，上落山只是前段及後段，所以頗適合著用Nordlite Ultra試路。

在山野平路上的表現，Nordlite Ultra很大程度都複製了路跑的感覺，反應同樣直接，泥路面也有適中的回彈。雖然鞋後踭有40mm高，但亦沒造成與路面很大的距離感及傾斜感，這點於落山時很重要。

由於筆者都會參加長或短途的山跑訓練或賽事，而香港的短途山賽，很多時都會加入石屎路或考驗跑者路跑能力的路段；有著一定的路跑感、能提供咬地性，也能隨時轉換山跑或路跑應用性，對於這類型山賽，Nordlite Ultra是很合適其hybrid著用的選擇。

13 8 月
INTERVIEW, MAGAZINE

ON釘鞋Cloudspike 余顯華率先試著

余顯華，人稱「九龍仔打躉王」，因為經常在九仔出現。但其實 Zero Running Club 在斧山道運動場或跑馬地遊樂場亦有跑步訓練班。
而剛重新入選香港隊名單的華哥，將會有什麼計劃呢？

1）將會有什麼比賽計劃？
本來想跑柏林馬拉松，但因太遲決定，所以精英選手報名資格一直未作實。Agency 回覆因為明年奧運年，很多跑手需要爭取取分數，令精英選手名額供不應求而最後放棄參賽。剛決定主攻田徑場賽事，地點應該是臺灣，順便跟老婆去旅行。

2）為什麼不轉到另一個馬拉松？
主要怕突然改整個訓練計劃，勉強練會效果不理想。香港太熱，怕會熱衰竭😂。

3）現時日常訓練會是怎樣？
多數上午練跑，晚上教跑班。間中上午都有跑班，就下午找時間在教跑班前練習。無論長課、interval 地點多數在九龍仔。
跑班除了九龍仔，就在跑馬地、沙田、斧山道都有。

4）經常看到你寫鞋評，家中有多少跑鞋？
無數過，老婆唔會怪我但外母會😂；始終係是阻了屋企地方。

5）平常訓練會多用品牌提供的跑鞋嗎？
因為跑量高，而多數著用300多里數後，功能會減弱，就會換鞋。正常計算，大概兩至三個月就會用盡一對鞋。

6）現在跟哪一位教練？
澳洲 Run Crew 的 Gary。因為之前跑黃金海岸馬拉松前，在悉尼跟跑會訓練時認識，一直跟到現在。

7）遙距教練是怎樣運作的？當中有難度嗎？
有教練在身邊當然會好一點，有問題時可以即時有答案和糾正錯誤。
遙距的話，首先一定要自律性很高，又要跟教練有一定的信任，而且亦要很清楚自己身體狀況。
Gary 現時的課表都沒有給我配速，靠自己身體感覺應該跑什麼配速。

8）相比本地教練，遙距教練有什麼好處令你選用？
香港當然有不少好教練，教出很多好運動員。
不過，我之前都有跟外國教練的經驗，比較香港教練的教學方法，會喜歡全外國模式，感覺上較適合我。
雖然外國教練未必能完全了解香港的訓練天氣或地理等因素，但經過溝通後，教練會對訓練有所修改來配合。

9）為什麼會成為香港 10,000 米代表？
今年沒想過成為港隊，該場賽事是渣馬後兩星期的，並沒有特別部署。特別是渣馬時拉傷，但全力跑之下，竟意外成為香港全年最快時間而再次成為港隊代表。

10）成為香港代表有什麼感想？
好彩。
十年前都是靠 10,000 米成為港隊，估不到十年後沒太大目標下再做一次。
其實主要是比賽當天是亞妹過大禮，要快點跑完回家，所以時間跑快了😂！

11）坊間田徑釘鞋選擇很少，品牌亦少有入貨而做 seeding，比賽會如何入手？
從前多數跟釘鞋舖訂，近年就可以自己上網訂。間中會有品牌贊助，但品牌在香港的貨源都不太穩定，所以多數會自己購買。（現在 On 的網上可以直接網購）

12）會在下場比賽試著 On 的 Cloudspike 嗎？
感覺是一對好鞋，輕身及有推動力，只是尺碼要大半號才合適。
釘鞋一定要先開鞋，用來練習一段時間作適應，之後才會用作比賽。

13）下一場比賽是什麼時候？
9月香港有田徑系列賽 Round 4；台灣有兩場比賽，或日本日體大的比賽都有可能參加。
全部自費報名，先取得田總批准，再嘗試申請集訓基金。

14）最後一條，傳聞你很多時在 LSD 中吹無聊水，對跑步訓練有沒有幫肋？
其實「吹水」是很有益處啦，LSD 需時長，咁 x 辛苦，90-120 分鐘不等，吹水會令時間過的快一點，何樂而不為呢？

Zero Running Club 的學生們或九龍仔的跑友們，都對華哥的「癈up」非常受落，但其實華哥對待教練和運動員的身份都非常認真。
要不是認真，就不會香成為港隊代表吧

03 7 月
REPORT

華哥不專業鞋評 Brooks Hyperion Elite 3

試完 Hyperion系列嘅訓練鞋 Hyperion Max，今次就試最高級別比賽款 – Hyperion Elite 3，同樣以 “Find Your Lightspeed” 為口號。上次都提過，佢同 Hyperion Max 係兄弟鞋款，前者係一對長距離比賽訓練鞋（無碳板），後者就係長距離比賽鞋（有碳板）。今次就講吓 Hyperion Elite 3 有咩特別？

Hyperion Elite 3 鞋面用咗 QuicKnit 針織面料、立體結構嘅凹凸紋理編織製作鞋身，令成對鞋更加透氣同耐用。鞋帶用咗 100% 回收聚酯纖維，而半開放式鞋脷設計上就設置咗固定鞋帶嘅彈性收納位，能夠穩固鞋帶，降低快跑時嘅干擾。同時 Brooks 喺鞋帶邊緣做出立體螺紋，俾鞋帶能夠咬得更加實，喺跑步過程中不易鬆脫。後踭同鞋口設計都比 Hyperion Max 短身，提供更好嘅舒適同穩定感。

中底同 Hyperion Max 唔同，入面除咗都係 DNA FLASH – 加入咗液態氮氣轉化成密閉式氣囊結構之外，並用咗兩層 DNA FLASH，仲加入咗碳板係入面，有助跑手喺跑比賽個陣，對鞋輕亦同時喺避震同加速反應效果前提下，利用槓桿原理，將落腳時嘅蹬地作用力轉做推力，幫助推蹬，以增加跑步經濟性，有利跑手喺更加慳力嘅情況之下跑出好成績。

前後掌用咗 Rapid Roll 弧形設計，落腳嗰下可以加快力量轉移到前掌，做好成個推蹬動作。而前、後鞋底厚度都係同 Hyperion Max 一樣相差 8mm，提供良好嘅避震同回彈感。

筆者第一次著上腳無開鞋就拎去跑 30K，感覺比較硬，雖然每一步都好平穩過渡，但都幾彈吓。如果著嚟跑速度練習，每步反應都唔差，仲可以幫你每一步都推向前。

如果想試 Hyperion Elite，要考慮得好清楚，佢唔係唔好，只覺得著佢上腳對跑手嘅要求比較高同定價都貴，市面會有更好嘅選擇。記得都係買鞋亦要買細半個 size。

26 6 月
REPORT

華哥不專業鞋評 Brooks Hyperion Max

繼上次試完 Levitate 6 呢對訓練鞋後，今次就試下比賽訓練鞋款 – Hyperion 系列，以 “Find Your Lightspeed” 為口號嘅一個系列。

Hyperion Max 同 Hyperion Elite 3 係兄弟鞋款，前者係一對長距離嘅比賽訓練鞋（無碳板），後者就係長距離比賽鞋（有碳板）。今次就先講 Hyperion Max 有咩特別？

Hyperion Max 鞋頭面設計係流線同網狀，帶有現代感，由鞋頭到鞋中間嘅平織彈性鞋面，提供咗好好嘅穩定性，加埋啲雷射透氣孔，亦增加透氣性。

鞋脷就有固定孔去穩定鞋帶，跑嗰陣鞋脷唔會周圍走，亦更貼腳背。腳踝位就係設計成 V 領，符合人體工學，跑嗰陣更穩定腳踝同跟腱，後踭就用咗 3D 打印技術加長後踭位去支撐貼合同穩定度。

中底用咗 DNA FLASH，加入咗液態氮氣轉化成密閉式氣囊結構，跑高強度嗰陣輕得嚟又有避震同加速反應效果。前後掌用咗 Rapid Roll 弧形設計，落腳嗰下可以加快力量轉移到前掌，做好成個推蹬動作。

而前、後鞋底厚度差 8mm，提供良好嘅避震同回彈感。鞋底就分咗 4 個部分，鞋紋用橫向紋路設計增加咗抓地性，仲有條長延伸嘅溝槽設計，加快每步之間轉換嘅速度。鞋墊會有加減 0.5 size 俾你 cut 返啱自己腳趾嘅 size。

筆者第一次著上腳係無開鞋就去跑 120 分鐘，一心以為會好硬？但著上去又唔係，佢比較軟身同好似著緊碳板比賽鞋咁，同一時間每一步都好平穩咁過渡，亦冇碳板鞋咁彈。有次著嚟跑短啲時間、速度快小小嘅練習，每步反應都唔差，令我有驚喜。

我覺得大家如果想試著碳板鞋款，但唔知啱唔啱自己腳感，又或者想用一對類近碳板鞋嘅練習鞋去跑長課/長距離 Tempo…咁可以考慮 Hyperion Max，可以試到自己啱唔啱著碳板鞋，同埋可以搵到一對練習代替品，以減低著碳板鞋對雙腳受嘅傷害。

記得買鞋時要預細返半個 size。