相信唔少七八十後、鐘情日本文化嘅跑友，都對經典日劇《恋愛世紀Love Generation》第一話，木村同松隆子夜晚漫步彩虹橋嘅一幕，留有深刻印象。原來彩虹橋係可以俾人行同俾人跑㗎！準備出發去東京嘅哈日跑友，不妨計畫親身去體驗一下狂奔彩虹橋嘅浪漫！
作者跟長年定居東京嘅捷克籍跑友Radim，就相約跑呢條佢幾乎日日都跑嘅定番路線。建議起終點係交通方便嘅JR山手線浜松町駅，呢度出發圍繞東京灣一周，經彩虹橋返嚟大概12K，比起皇居一周，呢條路線比較需要先做功課，或者當日跑時要睇下地圖，因為會有分叉位、馬路位，同要過幾道橋。
沿途大部份位置都可以見到彩虹橋，不同角度、不同時間帶，見到嘅景色都非常獨特。作者推介4pm左右喺浜松町駅順時針出發，咁就可以一次過睇到黃昏同入夜嘅東京灣同彩虹橋美景！
2022年11月至2023年3月嘅每個月第3個星期一，係彩虹橋人行道嘅休息日，其他日子就10am-6pm（最後上橋時間為5:30pm），當然如果有緊急維修或者天氣影響，都會臨時關閉，記住出發前上網確定！
每次旅行除咗觀光、食嘢、跑步、行山…當然唔少得就係啡遊！今次4日4夜，真正啡遊嘅時間其實得半日！
頭兩日比較忙，都係飲7仔啡解決，而事實上日本7仔啡都唔差，所以我先會一飲再飲。聽講香港7仔即磨都唔差的～不過日本7仔飲杯啡只係120yen …才$6，真係平得太過份。
第二日去咗下吉田，天氣凍凍地，見到杯雪糕嘅同時，有間大啡店係隔離，仲寫住Specialty Coffee，無理由唔試啦，兩日無飲手沖，點都會好飲嘅…應該。
於是就行入去睇下有咩豆揀，唔熟嘅環境一般都會揀Ethiopia，簡單，易入口，衰極有個譜，揀完豆仲可以揀隻杯添，我就揀隻貓貓杯襯返我隻Kuma！手沖送上，比我想像中好，花香雖然唔算太出眾不過沖出來好甜，起碼俾我止止渴。
第三日行完目黑川，知道附近唔少啡店，就求其揀咗間小店，基本上無店內坐位，只有店外小櫈，繼續點Style Coffee Ethiopia，今次明顯好花香，有佛手柑，好好飲！啡師都會問下你邊度嚟，有冇睇櫻花之類，閒談幾句，享受完杯咖啡就準備下一站。
Fuglen新店，今次Cloud叔叔比指令叫我去了解下軍情，由於新店以日本Omakase形式招待客人，所以必須提前預約時間，整個體驗約一個鐘，提供兩杯唔同沖法啡精品啡，一杯係店內當天選定兩款豆其一，另一杯係house blend，用挪威沖法去沖煮，還有指定小點心，唔會飲到餓，過程啡師跟客人好多互動，介紹兩款豆嘅分別，風味，過程中亦會介紹法器。
工具我都略知一二，對於會露營嘅我，挪威沖法用嘅露營水煲、戶外爐都唔陌生，最吸睛當然係我眼前價值超多一萬蚊嘅手磨同木長枱。有飲開Fuglen嘅豆對呢兩杯咖啡出嚟嘅風味唔會surprise，不過佢用咗快紙過濾，酸度相對明顯，後段飲得舒服！而挪威沖法其實就係方便喺野外較簡單嘅沖法，雖然佢直接倒粉攪拌浸泡，但最後用濾紙過濾，所以乾淨程度跟手沖無異，風味比較balance 順喉！最後啡師仲問我係咪啡師？唔通我知得太多…（講笑）！
整個體驗很不錯，感覺回到最初喺香港飲手沖啡一樣。自己好鍾意坐bar枱，一來可以跟啡師交流，又可以觀察唔同啡師嘅沖煮方式及細節，呢個係最直接學習方法。而且店內以舊屋簡約裝修保留日式風格，感覺放鬆享受，有機會記得去體驗。
見時間尚可，順便去埋Leaves Coffee。其實啡店收5點，到達時4點，估唔到仲有咁多人而且要排隊，大概等咗10分鐘就可以入坐，二話不說揀咗杯貴東西 – Panama Deborah Geisha！
平時飲開Accro都會識，店內算多人飲手沖，不過無論我喺Accro現場飲又或者買豆自己沖嘅比較之下，Leaves呢杯明顯無喺香港咁出色，不過都買咗三包豆返香港～
原本想係最後一日去Glitch飲多杯兼買豆返嚟，點知10點前去到嘅我，驚見長長人龍，詢問後連淨係買豆都要排…心諗有冇咁多人飲手沖呀？最後打消念頭，去食早餐，唯有帶住一點點唔完美留待下一次。
從名古屋回港後個半月，把最後一個跑步點介紹完成 – 名城公園。
名城公園，即是名古屋城下的公園，以名古屋城為中心的二之丸、三之丸、北園等幾個公園組成。還設有棒球場、網球場、愛知縣體育館等等；對跑手來說，重點是有一條跑步徑。
到名城公園可以乘搭地鐵（Subway）到名古屋城駅，跟名古屋市中心榮駅相距只有一個站，約 2 公里路程。
進入名古屋城參觀是要收費，而在外面公園跑，既免費又可以遠觀整座名古屋城。
名城公園對跑者有另一個吸引力，就是有一條 1,270m 的跑步徑跑步徑每 100-200m 就會有提示：100m 位置比寬敞，可以放補給品。
筆者見到不少跑手都把車泊在小馬路旁後，就直接起跑；在早上人流不多下，應該沒有問題吧。自駕遊的可以一試。
名城公園，既可慢跑觀光名古屋城，又可以在跑步徑作 interval 或 tempo 訓練，是一個旅跑的好地方。
繼續回顧日本中部之旅跑，今次去到諏訪湖。諏訪湖是信州最大的湖泊，出名的原因主要是因為電影《你的名字。》中「系守湖」的原型。（網上圖片）
筆者住的酒店靠著諏訪市湖畔公園，除了有溫泉和可以近距離欣賞夏季花火大會之外，沿著湖畔設置的行人及自行車步道，可用作跑步。
大部分行人路段都蓋上田徑場的地面，跑起來很舒服；路段都分了行人和單車用，跑步時沿著行人線就相對安全。
有些路段的單車和行人更完全分開。而路段上當然會有諏訪湖的平面圖以供參考。
筆者慢跑當天遇上好天氣，還遇到了彩虹！湖畔間中還可以找到健身設施。
圍湖畔跑一圈為 16k，按圖示可消耗 4 個飯團的熱量。每一至兩公里亦會有路牌提醒。
沿路跑經多間咖啡店，筆者看中了「自家焙煎珈琲てるてるぼ～ず」，跑完後駕車到店。店內有不同咖啡豆可供選擇，hand drip 都只是 450 円，而且非常高質。
沿途設有飲水機，水用扭動式開關，飲完後要記得關水制。跑到斧口水門，即是水閘位，亦算是湖的盡頭就要轉彎。
設有斧口水門周邊介紹板。
這裡沿途景色都是湖景，看得多可能會覺得悶。但跑得多跑馬地馬場的 1.4k 一圈之下，一圈 16k 又有不同景觀，可以說是心曠神怡。
諏訪湖的遊客以日本人渡假為主，反而少外國遊客，除非要追《你的名字。》景點。同樣以湖比湖，跟河口湖比較，諏訪湖更有日本本土的感覺。
下次不妨在自駕遊中右入諏訪湖的行程，好好享受 16k 湖畔跑的感覺。
跟家人到名古屋遊玩，行程是名古屋 > 高山 > 白川鄉 > 松本 > 諏訪 > 河口湖 > 名古屋。筆者正在練10k 課表，旅程中要找公園或運動場來做 interval。
第一站找到了白川公園，旁邊是名古屋市美術館和科學館的所在地。正門水池就寫著 「白川公園」。名古屋市科學館似香港的太空館一樣，非常易認，外觀有一個大球體。
圍著白川公園的距離是530米左右。路面全都是磚頭路，非常平坦，四分三路段有樹陰，公園中間是沙地，有小朋友在公園沙地位置做田徑訓練。而最後他們都是圍白川公園作接力賽作練習。
雖然一圈只有 500多米，但找不到田徑場下，都是一個不錯的跑步練習地方。
名古屋之旅旅跑第二站，中山公園，當然不是香港西區的那一個；亦應該跟臺灣國民黨和臺灣國父孫中山無關。
中山公園競技場位於岐阜縣高山市，公園除了有競技場（即田徑場）外，還有野球場、相撲場、草地網球賽和體育館。
自駕遊下，要先搵停車場泊車；在體育館門外有免費泊車。
一橋之隔就是競技場；運動場開放時間為0800-1800。筆者因為跑步後要繼續行程，所以比開場時間早到達運動場。
不過，前一天筆者已經預先視察環境，在圍著運動場外，有一個520米的環型緩跑徑。
路面為石屎路（瀝青路），跟一向跑慣的跑馬地地面一樣。而且還設有洗手間。
運動場門外設有飲水機，日本的水好像特別清甜。場地的坐位是長凳設計，似香港的旺角足球場。
筆者在外圈跑完課表2 x 5k tempo （即大約兩個外圈）後，運動場終於開放，可以入內cool down慢跑。
跑道質素很不錯，應該使用率不太高。
中山公園競技場跟高山市市中心大約十分鐘車程，非常方便。就算要早開課表遷就旅程，亦可在外圈跑步，是個不錯的好地方。
去年跟朋友說想試試登上位於海拔3,776米的富士山，今年很開心可以跟大伙兒一起征服這座大山！每年的開山期由7月1日至9月10日，我是7月2號開始登山的。出發前幾天都在下雨，但出發當天很幸運，天公造美，陽光普照，藍天白雲。
我們這次的行程是第一天先一口氣攀登到3,450米的御來光館，隔天早上慢慢地登上3,776米的富士山最高峰觀賞日出，然後回程。
我們選了吉田口線（由五合目開始），因為路線相對簡單和親民，沿路比較多小山屋和補給站。登上八合目前，我覺得路段不算太難，只是體力需求比較大（剛好一個月前開始逐步恢復我的三項鐵人訓練，所以在體能方面沒有太大的問題）。
登上八合目後，我發現身體出現了一點反應，視力變得模糊，難以聚焦。可能高山空氣變得稀薄、身體疲勞或是補水不足，導致血液中氧氣含量降低。其實小屋有售賣氧氣罐，但我覺得狀況還可以，所以沒有吸氧，按著自己的步伐，保持深呼吸和放鬆心情。我想說定時補充水份和電解質飲料真的很重要，感覺到口渴再補水就不夠了。很多人都會有高山反應，但如果真的呼吸不了，要靠氧氣罐的話，應立刻停止並下山。
山路沿路有補給的地方可以買飲料、杯麵等，但我建議自己也要帶適量的水、電解質飲料、乾糧和糖果（我自己都是靠吃果汁軟糖來維持戰鬥力）。
上山望著一間間的小屋，相對有目標和動力。最後我們大約5點到達御來光館，然後6點吃晚餐，差不多八點就開始休息。那天晚上我狠狠地失眠，穿了很多衣服也覺得好冷，又不能洗澡，只能夠用濕紙巾擦擦身體，渾身不舒服。不過山上小屋的居住情況都差不多，聽說御來光館已經算是不錯了。
第二天早上2點多就出發攻頂，大概4點就到達了。因為出發前下了大雨，所以山上濕濕的，加上融雪，冷到手指和腳趾都沒感覺，真的很難熬。我想強調一點，無論什麼天氣，都一定要帶羽絨，因為山上的溫度是不能預計的，走著你不覺，但一停下來還是會冷。
雖然我在山上冷得快要失溫，但我還是很期待看傳說中的「御來光」，可惜當天的日出一半都比雲給遮住了。
說到下山簡直是絕望之路 ，大家通宵未眠，又累又睏，看到一望無際的的下坡路，遍地都是碎石和火山灰，很難站住腳，一不留神就很容易摔倒（沿途看到有人受傷，真的建議大家用兩支登山杖來平衡，尤其是膝蓋不好的朋友）。
下山沿途沒有甚麼休息站，每次都只能在轉角位置等候伙伴或停歇。最後我們用了5個小時下山，還好平安完成。
總結來說，這次的登山之旅很圓滿，天氣和隊友給力，身體支持得住，看到了美景，挑戰了自己。雖然在山頂冷到快死的樣子，但登頂的那一刻突然很感慨，熱淚盈眶，真的不枉此行。一路上看到樹林、荒石、雲海、星空、鳥居和日出，所有的辛苦都值得的！
穿搭 + 裝備：
頭燈（Decathlon）、登山仗（Decathlon）、越野跑鞋（Salomon Sense Ride 5)
運動長筒厚襪子2雙（萬一下雨也可以替換）、冷帽、太陽眼鏡、運動漁夫帽、手套（會用到手攀爬）
運動T恤／排汗衣 X 2（Montbell）
瑜伽褲 、防水保暖登山褲（Montbell)
抓毛外套（The North Face)、功能／GOR-TEX 外套（The North Face、Decathlon)
羽絨 、背包、防曬、零錢（上廁所是需要付費的）、袋子（必須把自己的垃圾帶走）
P.S. 富士山是國立公園，需要得到環境省的許可才可以使用航拍機的，所以基本上是禁止的！
相中就是旅館的共用空間，吃飯、集合等都會在這裡。至於休息的地方就是一個大空間，幾人床位的通鋪（有上下的）、中間有布簾隔開，有枕頭、被子和一個掛鈎。每人獲派發眼罩和耳塞（但基本上戴了都睡不著） ，因為周遭的人都在打鼾（就像聽交響樂一樣XD）。
其他小提示：
我出發的時候是穿著短袖的排汗T恤，然後隨著溫度的變化，我添加了長袖…..有一點我要提醒大家，當時的LIFE LESSON，就是山頂溫度都在零度左右，一定一定一定要帶備羽絨要做好保暖，因為登頂的時候還是零晨時分，體力開始有點透支加上低溫，真的冷到發抖 ，就算戴了手套和穿了鞋子，手腳也會冷到僵硬。
紀念燒印木仗：
出發前在五合目買一支標誌式木仗（有長有短的），因為沿途的每間小木屋都可以燒印章，記錄你去到那一個海拔高度和每一個checkpoint，我買的是短仗，不能見一間木屋就蓋一個章，還有小木屋的數量也不少，所以我覺得可以選擇性蓋看到自己喜歡的圖章才燒，每一個大約300日元。我們說笑說光是燒印都用了接近數千日元（可以在山上喝很多碗熱湯）。
小總結：
路線：吉田道
住宿：7合目的御來光館 （吉田登山線上最高的一間山屋,建議兩個月前預約，包第一天的晚餐和第二天的早餐）
出發時間：11：30am
到第一天達旅館時間：5 pm
晚飯時間：6pm
第二天出發時間：2:30am（本來打算2am出發，但因為突然下大雨，所以延遲了一點）
登頂時間：4am
日出時間：4:30am
回到五合目：9:30am
P.S. 平常少運動的朋友最好在出發前的一個月做點帶氧鍛鍊或健健身，真的不要盡信網上的分享，說不運動也能輕鬆登山。
6月中完成了自己首個實體越野跑比賽，亦是首個超馬距離賽事，比賽叫「Rockin Bear妙高Trail Running Race」。
比賽地點位於日本中部新潟県和長野県交界的妙高高原，從東京乘新幹線經長野往妙高高原，全程約2.5小時，都算方便。比賽全長48k，標高在約700-1,400m之間，累積攀升2,000m。
6月中本應是日本梅雨季節，比賽前一日和後一日都是微雨陰天，唯獨比賽當日天公做美，全日放晴，氣溫約18-23C，是極度舒適的跑山天氣。
48k比賽的時限是10小時，早上8:30am出發，黃昏6:30pm前要回終點。中途有4個補給站（8、17、24、43k），提供清水、可樂、香蕉、冬甩、薯片、塩糖等。
起點至CP1是微下坡，經過稻田、河邊等田野風景，大家都跑得非常舒服。
過了CP1後就開始比較technical的上山路，前幾日一直下雨，即使當日晴天，山徑也很濕滑。但辛苦同時，旁邊的森間瀑布，大量負離子釋放，很爽快。過了瀑布便到了比賽的天梯段，雖然不算長，但原始沒修飾而且幾斜，所以大家都小心翼翼上行。
CP2至CP3是在標高1,100m左右的平坦林道環一圈，雖然是正午時分，但都在樹蔭下，非常涼快。
CP3至CP4是先有少許上落然後大落，我在這段追過了約20位跑手，自我感覺良好！
而CP4至終點的最後5k是上暗斜，慶幸體力還能應付，於9小時1分鐘52秒成功完賽。不能做到9小時內有少許失落，但完走了自己的首個山賽，已經萬分感恩！
三浦半島位於東京近郊一個暫時少海外遊客嘅hidden gem。以前住喺東京嘅時候，去過三浦半島東岸海港横須賀，西岸就一直未有機會去。
見到好多日本跑友打咭西岸富士山海景，我都決定跟佢哋跑一次三浦半島！
起步點係JR横須賀線逗子駅，東京市區坐火車去，大概1小時車程，都幾方便。今次路線基本上係沿海岸線南下，經過好幾個可以遠眺富士山嘅沙灘。
亦有當地神社、絕景巴士站、地質公園、菜田、花海…最緊要係景靚，但遊客唔多，唔會同人撞相！
路面情況就主要係石屎行人道，沿途有燈位但唔算多，亦冇乜分叉路，如果唔係停低打咭都可以跑得幾順。
終點係京急三崎口駅，可以喺旁邊嘅便利店小休再返東京。其實最初想「綑邊」跑返上東岸横須賀，不過當日太熱而且觀光時間太長，唯有下次！
這次選了東京山跑最熱門路線，由JR藤野駅出發，先登陣馬山，然後沿関東山道縱走至大家熟悉的高尾山。
當日舒服天氣，15C，但天陰陰。這種天氣能在路途中數次見到這麼近那麼遠的富士山，超感恩！
這段跑程除了最初1/3的攀升外，其餘路段起伏不大，適合新手；山徑管理做得不錯，有很清晰的路標。
陣馬山頂有展望茶屋可作小休補給，幸運的我在茶屋望到富士山。離開茶屋，往前走幾步，就見到打咭位 – 陣馬山白馬。
往後至高尾山的路不算風景優美，但很能夠感受到森林的氛圍，特別是這天人很少，大部份時間都和森林獨處。
提醒一下，在日本登山，最好準備熊鈴，特別是春天，熊們冬眠蘇醒覓食，如果沒有熊鈴，就用電話播點音樂。一般來說，牠們聽到聲音是會避的。
這次行程的終點是JR高尾駅，以JR駅作起終點很方便。完成後坐火車很快就回到市區，在目黑和朋友居酒屋小聚！
這天身體狀態不算好，而且第一次走，不大熟路，沒有怎麼起腳跑，都是以行為主。下次再來的話，希望可以jog下。
筆者很少會選擇3月份到日本旅遊，因為是櫻花盛開的季節，所以機票和酒店都特別貴。
不過3月份碰巧是跑馬拉松最好的季節，所以機緣巧合下，做就了廿多年日本旅行的第一次真正賞櫻。
筆者為了方便到荒川參加馬拉松，所以選擇了上野的酒店。就如前衛輝說：「咁近城隍廟都唔抽番支好簽。」當然要到上野公園一邊賞櫻一邊跑步。
上野公園全名上野恩賜公園，包括了上野動物園的東園和西園、國立西洋美術館、科學館、東京國立美術館等。而重點是園內有1,200棵櫻花。
筆者由國立科學館跑進園內，會先經過噴水池。
再到Starbucks，這店是排隊店，可以邊賞櫻邊飲啡。而日本的星巴克不是香港美心經營的，可以安心食用。
之後經過公園裡的櫻花街道，通稱上野公園園內的中央大道。筆者早上7點多到達時，還不是太多人。
中央通道雖然很闊，但亦有分上落方向。8時後，遊人開始多，大家都跟著同一方向前進。
在中央通道途中有清晰指示，可以到上野京成駅或美術館等地。
筆者就選擇轉右，沿樓梯直落可以到達上野動物園西園的一邊，不忍池。
不忍池分成三部分，其中在蓮池和艇池中間有另一條櫻花大道，不少跑者都會一邊慢跑一邊賞櫻。
圍著蓮池跑到對岸可以清楚看到櫻花樹群全景，加上把天空倒影於湖上，成為一幅美麗的圖畫。
圍著蓮池跑一圈大概1k，但不要幻想可以衝interval，因為上7時後已經有不少上班族和遊客。
最後，筆者建議跑步要在9時前完成，因為之後會有大量遊客賞櫻，擠迫得水洩不通，要慢跑是完全不可能。
文章刊登之時，已經過了櫻花在日本最盛放之時，如果有興趣來一轉櫻花跑，下年就要預早計劃。
最受歡迎東京近郊，一定要數鎌倉！
鎌倉位於関東神奈川県，東京市區坐JR一個鐘就到，除咗鎌倉大佛、江之島、湘南海岸外，好多人都為咗坐江之電小火車而來。
江之電連結JR鎌倉駅至名勝江之島，大部分路線近距離沿湘南海岸而行，景觀靚到冇得頂。當中最多人打咭嘅就一定係《Slam Dunk》聖地鎌倉高校前駅！
咁出名嘅線路，剩係坐又點能夠滿足跑友？
所以我決定沿路跑一次。
我喺JR鎌倉駅出發，最初2km喺舊商店街同民居穿梭，充滿懷舊樸素情懷。到達由比之浜後就一直沿海岸線跑，當日天氣好到望見遠處富士山。
接近尾段有running station可供跑友沖涼換衫。我就一直跑到入江之島嘅大鳥居前先停步。
非常推薦呢條鎌倉絶景旅跑路線， 大家快啲plan吓啦！
之前分享過4條東京旅跑路線，今次帶大家嚟跑吓東京旁邊嘅另一大都會 – 横浜。
横浜距離東京唔夠一個鐘火車程，觀光點集中喺港未來臨海一帶，即日來回過嚟跑吓玩吓，係唔錯嘅選擇。
建議起點係横浜地鐵港未来線嘅港未来站，呢度連接大型商場同遊樂場，如果朋友唔跑嘅話，都可以行街打咭等你。
開始可以先跑去横浜新港碼頭兜一圈，望返轉頭影摩天輪好靚！
跟住再沿路跑去赤磚倉庫同紅磚牆打咭，再沿海邊跑到山下公園，吹住海風非常爽快。
去到盡頭再轉上港見丘公園，呢度開始進入住宅區，可以同放學嘅小朋友一齊跑公園。
公園連接山手洋風建築區，最後嚟到日式庭園 – 三溪園。鍾意觀光嘅朋友可以留低參觀，愛跑嘅朋友可以沿路折返港未來站。
下次去東京，不妨落去横浜跑一轉，相信你都會有唔少新發現！
有冇跑友將會同另一半出發去東京玩同跑？不妨同另一半喺東京留個心心印 💜！
呢條心心路線我唔係上網搵，亦冇人傳俾我，係自己腳痕坐喺酒店，睇地圖搵路跑嘅時候無意中發現。呢啲就係非比賽式旅跑嘅樂趣！
我今次跑嘅8k路線主要途經以下大站：
-JR山手線恵比寿駅
-JR山手線目黒駅
-地下鉄南北線 / 三田線白金台駅
-地下鉄南北線 / 三田線白金高輪駅
恵比寿駅至目黒駅嗰一段，係沿住山手線火車軌嘅小路跑，中段有條短短嘅天橋仔，嗰個位可以同山手線火車一齊打卡，非常Perfect！
如果條路線近大家住嘅酒店或者出沒嘅地方，不妨試吓搵呢個心心跑下。不過東京咁多大小交錯嘅馬路，我相信你都可能會搵到屬於自己嘅「東京愛的故事」！
