跑步活動逐步復常，跑手已由數月前有限度參加虛擬跑，到現時大部分實體賽均陸續復辦。跑手們當然心情興奮、磨拳擦腿，對自己過去不曾放棄嘅操練歲月有個交代。而能推動大家維持最高漲情緒、練習熱度不減嘅，當然就係今個星期日嘅渣馬賽事！
「機會係留俾有準備嘅人！」
就算處於嚴峻嘅疫情階段，一班NBRC（New Balance Run Club）成員都未有減速或者停落嚟，一路保持恆常訓練，無論係對自己嘅鞭策，又或於活動中帶領其他跑步愛好者。近呢幾星期，成員們嘅訓練亦已進入最佳狀態及賽前調整期。一眾NBRC成員都已準備就緒！
乘住New Balance最新頂尖功能賽鞋FuelCell SuperComp Elite v3嘅推出，大部分NBRC成員喺近幾星期嘅訓練時都有率先著上，究竟v3功能有幾強？點樣提升跑手速度？Insports Hub就訪問咗其中兩位NBRC成員。
Roy（圖右）同Mon EE都會參加今年嘅渣馬賽事，都係全馬組別，Mon EE更係首度挑戰全馬，目標希望能夠成為萬金小姐（3小時30分內完成）；Roy則希望能夠sub3，完成一路以嚟好想做到嘅渣馬目標。
決定出賽渣馬，set好目標後，你地點樣準備同安排訓練？
Roy：「呢次係自己嘅第2次渣打全馬，上次好似係2019年，當時因為冇乜長課嘅訓練，所以要成4個鐘先跑得完，中間抽筋又唞咗一陣…今年嘅準備就充足好多，練習上都係主力喺儲返一定程度嘅里數，多數係馬速（Marathon Pace）嘅Tempo同Easy Run為主嘅。」
「而家開始就休息多啲啦，去少啲玩啦，少食啲唔健康嘅嘢！」
Mon EE：「練習嘅Program以Easy Jog為主，速度及長課每星期都會有一課，長課最長有練到35k；由決定跑全馬起，會慢慢調節練習嘅距離、速度、作息時間及心態，以及準備好唔同嘅裝備以配合練習。」
「當然，練習時嘅表現都有好壞，我諗主要係調節好個心態，一課做得好，諗下係邊方面好；如果做得唔好，下一課點樣改善？盡力練好每一課，及逐步加強信心！」
平日訓練時多數會著咩鞋？點解會揀？
Roy：「因為我比較鐘意衝圈同速度課，所以平時都會著啲薄底鞋做練習，Easy或長距離嘅話，就會著番厚底嘅，好似New Balance Fresh Foam 1080、More呢類。至於碳板鞋會去到比賽前一星期先會著嚟跑，以比賽pacing跑5k左右，習慣番對鞋嘅比賽感覺。」
Mon EE：「喺唔同嘅訓練都會用到唔同嘅鞋：Easy嗰時會首選Fresh Foam 1080系列，貪佢輕至中強度都得；Interval速度課會用RC Elite v2；Tempo長課就會著Fresh Foam More v4，鍾意對鞋加多咗緩衝泡綿，同埋楦形較闊，跑時會更平衡同穩定。」
見你地今日練習都著上咗白色嘅FuelCell SuperComp Elite v3，感覺係點？
Roy：「首先我覺得v3個鞋面彈性同強度都upgrade咗，貼合度亦更好，比v2更包覆；雙層FuelCell中底比v2更穩定，冇咗之前v2踩落去仍有少少向內傾嘅問題。」
「今日我跑咗個10k同2個5k，配速4:10左右，明題v3比v2更推（前後差增至10mm），有啲似FuelCell SuperComp Trainer，大家個底都差唔多設計，你唔煞掣，係俾到你一直向前『碌』嘅動力！總體係鞋面更舒服，而推進力就更強，跑跑下好易會快咗！」
Mon EE：「我覺得v3係為馬拉松跑手而設，啱我！一來用咗雙層FuelCell泡綿中底，亦係全掌Energy Arc碳板，反應、能量回傳嘅表現都好好，加埋鞋面設計又包得貼成隻腳，亦透氣咗；外底碳板位偷空咗條大坑，成對鞋就更加輕！」
試過上腳後，覺得v3點樣幫到訓練或比賽時發揮？
Roy：「主要係慳力方面，同埋幫到我一路以同樣嘅輸出去keep住個pacing。」
Mon EE：「都係幫到慳力同提腿，對跑全馬嘅跑手有好好嘅幫助。」
咁會用Elite v3去出戰今年渣馬嗎？
Roy：「會呀！因為唔係揀v2就係v3，試過後v3確實係更輕同推動更強，所以都會揀佢！」
Mon EE：「綜合試咗幾次長課，都會著v3呀，大家都加油呀！」
經過呢幾年，原來能夠跑個實體賽，係件非常幸福嘅事！
今屆渣馬，希望大家都可以盡情跑、盡情珍惜、盡情發揮，人人PB！
