INTERVIEW

跑步與人：Keith

02 6 月

1. 跑步年資？為什麼開始跑步？
應該是2009開始，因為當時經常工作開夜，自覺對身體很不健康，所以就與同事一起去附近的公園慢跑一下練返道氣，跑咗幾次就愛上！ 一跑就跑了十幾年！

2. 跑步跟工作有沒有關係？
本身工作係做廣告，完全同工作無關係，但恆常跑步本身可以減壓，所以對舒緩工作壓力都有啲幫助。

3. 日常跑步路線？點解鐘意係呢條路練？
平日跑步路線都係由烏溪沙 –> 馬鞍山海濱 –> 孖橋，來回剛好10K。至於長課就會伸延至大埔海濱來回大約30K，間中會加多段上梅子林。鐘意原因係本身住馬鞍山，跑步路線可以好flexible，如果有時長課想偷懶hea跑嘅話又可以跑落大圍！

4. 那最喜歡的練跑運動場地？原因？
都係馬鞍山海濱！因為落街就跑得，真係好方便！唯一最唔鐘意就係佢嘅地磚都幾滑，落雨跑要小心點。

5. 最喜歡的跑步用品品牌？
試過很多牌子跑鞋，目前使用嘅品牌都係HOKA。因為我有偏平足，好多牌子嘅跑鞋都做到鞋弓位好窄，而HOKA嘅鞋籠比較寬、鞋底物料舒適，佢嘅碳板鞋又有一定推進力。所以而家無論訓練鞋或比賽鞋都著佢。

6. 最喜歡的跑鞋？
Nike Vaporfly 4%同Hoka Carbon X2，兩對都分別令我PB過半馬及全馬。

*照片由被訪者提供

7. 有沒有試過跑步傷患？如何處理？
有！有一段時間太倚賴碳板鞋做訓練鞋。長時間使用反而令我跑傷咗腳踝筋鍵，用咗好長時間（差不多一年）先完全復原。所以用合適嘅鞋做比賽/訓練好重要，唔好因為過份追時間而用比賽鞋做訓練。

8. 因為你都玩了滑板一段時間，滑板對跑步有幫助嗎？會怕踩板會受傷而影響跑步？
踩板絕對對跑步有幫助！雖然兩者好似都係下肢運動，但其實都屬於全身運動，下肢要靠上肢動作連動配合，先做得正確。而滑板中跳板嘅動作「POP板」需要用到腳腕力量，對跑步中提腳都有啲幫助；當然亦都因踩板「拗柴」而影響跑步，仲要係比賽前夕！所以而家都盡力而為，畢竟受傷而無得運動好痛苦！

*相片由被訪者提供

9. 現時跑步目標是什麼？
而家全馬成績最快係3:24，想快少少挑戰sub315。

10. 想到外國跑馬拉松嗎？想跑哪個地方？
曾經試過喺溫哥華跑半馬，當時-5度仲落雪，但都PB咗令我好深刻！而家我最想去東京或者大阪跑一次馬拉松，經常聽日人講好容易PB！

11. 喜歡什麼時段跑步（晏跑/晚跑）？為什麼？
疫情前我通常都係放工夜跑， 但近幾年WFH模式令我轉咗朝早跑，自我感覺良好， 做嘢仲精神咗，同埋朝早跑好似減磅得快啲！

12. 阿女現在有跟屈旨盈學跑步，期望未來同阿女一起跑步嗎？
當然期待啦！同阿女一齊跑步同踩板可以視為親子活動呀！

13. 有什麼社交媒體可以找到你？
IG: keithymh
FB: Keith Yeung

Tags:
, ,
Newer 華哥不專業鞋評 Saucony Endorphin Elite
Back to list
Older 實測 On Cloudboom Echo 碳纖板鞋

Related Posts

20 5 月
INTERVIEW

跑步與人：Pete

1) 跑步年資？為什麼開始跑步？
我會答 3 年。
因為踢開波關係，十幾年前無乜點練嘅情況下跟同事跑咗 2 次渣打半馬 Sub 2，1 次全馬 Sub 5，中間因為膝頭傷咗 / 𠱼喘問題停咗 8 年無乜點跑，直到疫情後呢 3 年先行番山跑番步，重新認識番跑步。

2) 有沒有跟跑會或教練跑？選擇原因？
上年開始有不定期跟 RMAC / 330 跑團玩唔同嘅 Program / 長課，不過主要都係自己跑 / 儲里數為主，因為想搵一個啱自己生活 / 作息嘅訓練方法。

3) 最深刻的一場賽事？原因？
2023 年 11 月福岡馬拉松，亦係第一隻海外馬。起初無概念填目標時間 Sub 4，因為對上一隻全馬已經係 10 年前，同埋香港夏天練跑好辛苦，但睇住自己狀態慢慢進步，亦都佩服自己擺咁多心機 / 時間去準備一場比賽。

4) 海外馬跟香港馬的分別？
大部分海外馬嘅起跑時間都唔會特別早，會感受到成個地區 / 一般民眾都非常支持呢項運動，賽道嘅設計唔會令到你跑得好孤單，大部分民眾會出哂嚟為你打氣，仲有不同嘅私補免費供應。

5) 日常跑步路線
住屯門，所以都係離不開屯門入元朗 / 屯赤 / 經青公去荃灣西。

6) 最喜歡的跑步用品品牌？最喜歡一對跑鞋
Asics Novablast 3。係一對由 Recovery Run 到 Tempo 都可以駕馭到嘅 Daily Trainer。 

7) 另一半有跑步嗎？對你跑步有意見嗎？
好少，不過有時都會陪佢慢跑 3-4km；因為秋 / 冬天跑步會有機會哮喘發作，所以會份外擔心。

8) 有沒有跑步傷患？如何處理？
福岡馬之後腳底出現筋膜問題，主要都係控制住訓練強度，做多少少拉筋，定時用按摩球 / 滾輪拉鬆肌肉，覺得恢復比訓練更重要。

9) 有沒有因為跑步而放棄了其他運動？
冇放棄咁誇張但真係踢少咗波。因踢波需要更多轉向 / 急停 / 加速嘅動作，對膝頭嘅負荷仲大，同埋長跑多咗，膝頭附近嘅肌肉反而增強咗，最近膝痛問題有所改善。

10) 有沒有跑步偶像？原因？
最接近嘅應該係大迫傑，跑姿真係好靚。

11) 現時跑步目標是什麼？
希望做好跑步經濟性。
自己一向心率唔算太低，想練好少少低心率，再慢慢練番多啲中長課 / 速耐，希望下一個全馬 30k 打後唔會咁易爆 / 跌速。

12) 除了跑步，有沒有做交叉訓練？（例如舉重/游泳/瑜伽）對跑步有沒有幫助？
自己係比較懶做 Gym，主要行下山、踢下波。今年希望會想做番多少少 Gym，加強番 Core 同 Hip 嘅發力。

13) 最想到外國哪裏跑馬拉松？
哥本哈根馬拉松，希望 2025 / 26 年可以跑到。

09 5 月
INTERVIEW

跑步與人：Sharon

1. 跑步年資？為什麼開始跑步？
中小學時期， 曾經有 4-5 年是田徑校隊的成員，參加過幾年 D1 組的 100 米 / 200 米短跑賽。但過了加拿大留學之後，完全沒有再跑。真正開始接觸長跑是在 2021 年，玩 CrossFit 受傷後，加上疫情悶悶哋，俾朋友叫了出去一起練 Ironman 70.3。為了完成三鐵最後一個項目 – 跑半馬，才開始接觸長跑。

2022 年年尾參加了 Garmin City Run，機緣巧合之下又報考了 Garmin Pacer，之後正式開始跑步。算下來差不多有 3 年跑步經驗了。

2. 有沒有跟跑會或教練跑？選擇原因？
現在是 Garmin 的 Pacer ，會跟 Garmin 教練安排的 Regular Pacer Training 和 Garmin Run 賽前訓練。這些訓練都是針對我們 Pacer 的配速穩定性。由於工作時間不太穩定，一直都沒有參加跑會。一般都是自己一個人練。最近打算跑一場馬拉松，正考慮開始跟教練，跟一個更有系統和效率的訓練計劃。

3. 最喜歡的跑步用品品牌？最喜歡一對跑鞋
一直都是 On 跑鞋的忠實擁躉，一直都是穿著 On Cloudmonster 來跑步，平時也會穿 Cloudventure 去遠足，週末出街/旅行時也是默認穿 On Cloud。剛開始時由於 On 在香港還沒有正式代理，很難買到；但現在已普及，更多地方可以買到，也推出了很多不同款式，我自己也買了幾雙作為替換。目前 On Cloudmonster 2 和 Cloudrunner 是我最常穿的。

4. 日常跑步路線? 最喜歡的練跑運動場地 (原因？)
因為住在港島區，所以馬場是我最喜歡的練跑場地，不用擔心要避開人和車，還有一些上下坡，而且還有停車場和淋浴。如果和朋友一起練長距離，有時候會去馬鞍山跑到白石角/大埔再回頭，也很方便，不用像跑圈那樣悶。

5. 有沒有跑步傷患？如何處理？
遇到過很多跑步傷患！一開始跑時，CrossFit 留下來的腰傷還沒完全康復，加上經驗不足，導致跑姿不正確，造成了腳弓、腳踝和膝蓋的傷害。之後練習單車時不小心摔了一次車，導致下腰和盤骨錯位，使得整個腰胸椎的轉動幅度一直無法恢復。最近又遇到 Achilles 腱撕裂問題。

我每週都會堅持去看物理治療師，慢慢累積，有時間的話也會做更多的輔助訓練，家裡也準備了按摩槍、超聲波和熱敷墊等。對我來說，恢復訓練是訓練過程中最重要的一環。

6. 最深刻的一場賽事？原因？
2023 年 10 月的墾丁 Ironman 70.3。單車一直都是我的弱項，相比之下，游泳和跑步對我來說更簡單直接，所以我以為最後的半馬會很輕鬆，誰知單車環節有一些小意外，膝蓋受了傷，一下單車開始跑步時發現每一步彎曲膝蓋都很痛。再加上賽事的半馬路段有一半以上都是上坡，跑到第 15 公里時我差點就要放棄了。

幸好在路上遇到一位當地的 Garmin 教練，在馬路對面對我說：「再跑一公里就是下坡路了，加油撐住！」這句話給了我很大的鼓舞；儘管後來每一公里都是艱難地跑，但所有之前的訓練都在支撐著我，最終還是跑到了終點。比賽結束後，我只有一個想法：能夠參與運動真的太好了，一定要堅持下去！

7. 現時跑步目標是什麼？
希望在 2024 可以系統化地進行訓練，完成一次不需要走路的半馬山地賽事，跑兩場公路半馬，並取得理想成績。之後在 2025 再挑戰全馬，並再次參加 70.3 賽事！

8. 除了跑步，有沒有做交叉訓練？（例如舉重/游泳/瑜伽）對跑步有沒有幫助？
除了三鐵的游泳和單車訓練之外，會堅持進行力量訓練和拉伸。偶爾也會去做一兩次瑜伽。

力量訓練是必須的，這樣才能鍛煉跑步所需的肌肉，發揮應有作用。同時也很重要的是要做好活動度和穩定性訓練。不過一天只有 24 小時，永遠都做不夠！

9. 喜歡跑山還是路跑？
一直以來我都很害怕上山，主要是因為心率跟不上。過去一年有時候會跟 Garmin 的教練一起上山，雖然也不排斥，但我還是更喜歡路跑，因為對我來說更簡單一些。

10. 自己跑步跟作為品牌 pacer 跑步的分別是什麼？
自己跑步是為了追求成績，不斷進步和突破，希望得到大家的掌聲；作為 Pacer 就不一樣，首先需要進行更多的訓練，將自己的體能提升到超過所需要帶領的配速，這需要 Pacer 自己額外花時間負責任地自我訓練。

而在比賽中，Pacer 其實是不會有自己的成績，作為 Pacer 首先要學會放下自我，為了幫助其他跑者保持穩定配速，控制好自己的速度，同時還要注意路線安全、路面情況，為大家打氣，保持良好的氛圍，解答跑者的問題等等。

11. 跑步對人生有沒有幫助/改變？
跑步對我來說就像是一個可以獨處的時間，相當於我的冥想。每次跑步都帶著 Garmin 錶，都會有種放鬆和解壓的感覺。為了準時參加跑步訓練，我不得不更好地安排休息和工作時間，間接地讓我變得更有行動力，也更願意提早規劃每週行程。為了參加國外的賽事，我也會提早安排好其他旅行和公幹，減少時間上的衝突。總的來說，跑步讓我的生活變得更有規律，飲食也更加健康，這絕對改善了我的生活！

最後，有什麼社交媒體可以找到你？
IG: lsk_ron lsk_run

02 5 月
INTERVIEW

跑步與人：Emily

1. 跑步年資？為什麼開始跑步？
長跑的跑齡大概 7 年。當初看到 Sportsoho 的跑班「油尖旺 x 青年跑」招生，想挑戰長跑而報名參加，中學時代的專項是短跑，只跑過 100 米和 200 米，訓練的里數也不多，都想嘗試短跑以外的距離。

2. 最深刻的一場賽事？原因？
「敢跑慈善籌款賽」最讓我難忘，我與男朋友 Wing 組隊參加，雖然我們跑步的速度相差一大截，但他儼如 pacer 一直帶著我跑，又提前跑到水站為我取下水杯。最後 400 米參賽者需與同伴撓手跑，我和 Wing 的動作不協調，跑得很滑稽。隨著不斷調整跑姿，很快就合拍地越過終點。每逢參加比賽，我們都各自為目標奮鬥，這是唯一一個比賽我們肩並肩完成，合力贏得一個獎座，別具意義。

3. 有沒有跟跑會或教練跑？選擇原因？
跑步教練是 Formula Run 的王容儲，他的教學理念與我相近，態度認真，又非常細心，因應每個學生的情況而編寫課表。

左圖credit: Simon Cheung

4. 最喜歡的跑步用品品牌？ 最喜歡一對跑鞋，原因？
我沒有特別喜愛的運動品牌。不過 Nike Pegasus 系列是我認真練跑後首對購買的跑鞋，因此特別情有獨鍾。無論快跑或慢跑，穿上這雙鞋子的感覺很舒適。

5. 日常跑步路線或最喜歡的練跑運動場地（原因？）
我最喜歡在青公跑長課，紅綠燈的燈位不多，無垠天空與大海的景色百看不厭，跑完更可以去海灘玩呢！

6. 喜歡什麼時段跑步（晏跑/晚跑）？為什麼？
我喜歡晨跑，欣賞早上被太陽照耀的風景，每逢繁花盛放的季節，邊跑邊賞花，目不暇給，心情特別放鬆。

左圖credit: yiphenryphotography；右圖credit: Gary Lee

7. 跑步對人生有沒有幫助/改變？
跑步讓我更懂得分配時間。以前為了練習而推掉朋友的飯聚。直至認識到很多跑友，他們或許年紀比我大，生活又有多重身份，但沒有自訂界限，反而提前安排時間表，又利用清晨的時間跑步，晚上的空檔就留給家人和朋友，令我開始調整作息時間，平衡運動和社交的生活。

8. 有沒有因為跑步而放棄了其他運動？
沒有，只要調整好跑步訓練，仍然會有時間做其他運動。

Photo credit: Ah Lam

9. 有沒有跑步傷患？如何處理？
慶幸傷患未有找上我，但肌肉變得繃緊卻是傷患的警號，甚至影響比賽表現。我會用按摩球和 Foam Roller 放鬆肌肉，同時增加肌力訓練，避免受傷。

10. 現時跑步目標是什麼？會否考慮跑較長距離如半馬全馬？
現在的目標是 5000 米 20 分內，終極目標是跑全馬。我都想在不同距離的項目有新的嘗試，身邊的跑友亦不時分享跑馬的感想，令我很期待有天跑進這個未知的領域。

右圖credit: Ah Lam

11. 除了跑步，有沒有做交叉訓練（例如舉重/游泳/瑜伽）？對跑步有沒有幫助？
我會做體能強化肌肉，例如阻力帶訓練和舉啞鈴，訓練身體協調和改善跑步姿勢。

12. 見你也有參加田徑系列賽，田徑場比賽同路賽有什麼分別？喜歡參加哪類比賽？
田徑場的比賽需要留意賽事規則，例如比賽鞋的要求，而運動場一圈 400 米，配速容易計算， 賽道相對平坦，但風景單一。而路跑則需留意每公里的標示牌，時刻注意路況，景色相對多變化。兩者都很喜歡，但我比較喜歡路賽，看著風景，時間變得容易過，有時迎面看到認識的跑友更會互相打氣。

13. 最後一題，有什麼社交媒體可以找到你？
IG: emiririme

29 4 月
MAGAZINE

HOKA 與 UTMB 合作延伸至 2028 年

日前 UTMB 宣佈了一項重要的商業資訊，就是和贊助商 HOKA 的合作加簽 5 年至 2028 年，同時 HOKA 的贊助級別也提升至冠名贊助商（Title Partner），之前的冠名贊助商 Dacia 汽車則成為首席合作夥伴（Premier Partnership）。 兩者合作是在 2022 年開始，攜手兩年後就宣布繼續合作，說明雙方對合作都是滿意的。

UTMB 是由法國賽事總監 Catherine Poletti 和 Michel Poletti 於 2003 年創立的一項繞勃朗峰地 Mont-Blanc、全長171 公里（106 英里）的賽事。 多年來已發展成為法國夏蒙尼（Chamonix）的賽事節，並於 2022 年成為 42 場 UTMB 世界大賽的全球巡迴賽。 最初的 UTMB 及其 OCC 50K 和 CCC 100K 已成為超長越野跑的全球冠軍賽。

加簽後代表從今年起到 2028 年，UTMB 總決賽（Finals）和大滿貫賽事（Majors）的名稱前面都要加上 HOKA 。 


UTMB 總決賽：HOKA UTMB® Mont-Blanc· UTMB
美洲大滿貫：2024 HOKA Canyons Endurance Runs™ by UTMB® 和 2025 HOKA Kodiak Ultra Marathons™ by UTMB®· UTMB
歐洲大滿貫：HOKA Val d’Aran by UTMB®· UTMB
亞洲大滿貫：HOKA Chiang Mai Thailand by UTMB® （之前是 Doi Inthanon Thailand by UTMB）
當然，香港的 TransLantau™ by UTMB® 都是由 HOKA 贊助。

UTMB 集團 CEO Frédéric Lénart 說：「這兩年多來，我們很高興與 HOKA 合作，大家是一個出生於法國的品牌，而且對越野跑和戶外體驗有著相同的熱情。 懷著共同成長的願景，我們很高興能夠將我們的參與度提升到一個新的水準，朝著同樣的方向和目標，支援這項運動的發展。」UTMB 已經走過 20 年歷史，是世界上殿堂級的越野賽賽事。 在過去幾年，UTMB 的版圖持續擴大，今年其系列賽將達到 43 場，遍佈五大洲。

HOKA 於 2009 年在 Chamonix 附近，由法國越野跑運動員和冒險賽車手 Jean-Luc Diard、Nico Mermound 和 Christophe Aubonnet 創立。推出時，該品牌主打其產品是最大緩衝鞋，旨在減輕法國阿爾卑斯山長距離越野跑的影響，但很快它也將高疊緩衝概念應用到公路跑鞋中。 

當時，跑鞋產業正處於一場革新概念中，開啟了厚中底、高緩震和回彈設計。而 HOKA 在過去幾年也迅速成長為越野跑圈和跑界中其中一個受歡迎的運動品牌。 

News from: https://run.outsideonline.com

15 4 月
MAGAZINE

Nike Air助力的十大永恆運動時刻

運動員在 Nike Air 上創造了無數令人難忘的時刻，每個時刻都散發著獨特氣息。每 一個瞬間，都是建立在勝利之上的世界。透過 Air，運動員打破紀錄，樹立里程碑、贏得冠軍。在 Air 的助力 下，運動員改變著文化，塑造了集體的想像力。

她得了多少分？他跑得有多快？
這似乎遙不可及。但有了 Air 呢？
在 Air 的助力下，這一切都成為了現實。
重溫 Nike Air 助力的偉大時刻，便能理解這些瞬間的不可思議與必然性。沒有哪項紀錄是牢不可破 的；在 Air 的助力下，運動員正朝著目標邁進。

在沒有 Air 的世界裡，我們會失去所有這些珍貴的勝利時刻。
在擁有 Air 的世界裡，我們已經贏得了勝利 – 並且我們會繼續贏得勝利。讓我們一起回顧 Nike Air 助力的十大精彩運動時刻。

01 – Eliud Kipchoge – “Breaking 2” 與 Nike Alphafly 跑鞋的原型

Eliud Kipchoge 是「無限可能性」的化身，他不斷打破紀錄，重新定義整個運動的可能性。2017 年，在意大利蒙扎舉行的 Nike Breaking2 挑戰賽中，Kipchoge 將馬拉松世界紀錄提高了近三分鐘，這一成績令人瞠目。

兩年後，在奧地利維也納，Kipchoge 穿著 Nike Air Zoom Alphafly Next% 的跑鞋原型，完成了前所未有的壯舉：在兩小時內完成馬拉松。Kipchoge 以 1 小時 59 分 40 秒的成績宣揚他的信條：「人類是沒有極限的。」（No Human is Limited）。

02 – Kelvin Kiptum – 馬拉松世界紀錄與 Nike Alphafly 3

Kelvin Kiptum 一生中參加過三次馬拉松比賽，並且全部獲勝。2022 年在瓦倫西亞，Kiptum 創造了馬拉松首賽的最快紀錄。2023 年 4 月，Kiptum 在倫敦馬拉松刷新了賽道紀錄，並在同年 10 月贏得芝加哥馬拉松。

Kiptum 在芝加哥馬拉松上穿著 Nike Alphafly 3 跑鞋衝過終點線，創造了有資格參與紀錄認證的比賽中最快的馬拉松成績。然而，不幸的是，Kiptum 在 2024 年 2 月因車禍離世。但他目前仍是馬拉松世界紀錄的保持者。

03 – Sheryl Swoopes – 稱霸 WNBA 與 Air Tuned Swoopes V

籃球先驅 Sheryl Swoopes 是 WNBA 最重要的球員，也是 1996 年首位與聯盟簽約的球員。她創下了聯盟的首個三雙紀錄，成為聯盟首位三次榮膺最有價值球員的選手，也是第一位三次當選年度最佳防守球員的 人。

在 Swoopes 加入 WNBA 的前四年裡，她帶領她所在的休士頓彗星隊贏得了聯盟的前四個總冠軍。 Sheryl Swoopes 也當之無愧地成為首位擁有 Nike 簽名鞋的女運動員。

04 – Kobe Bryant – 單場 81 分與 Nike Zoom Kobe 1

在 1963 年至 2006 年期間，沒有 NBA 球員能在單場比賽中得分超過 70 分。然而，在 2006 年 1 月 22 日，Kobe Bryant 穿著 Nike Zoom Kobe 1 戰靴，在與多倫多暴龍隊的比賽中打破了這一塵封 43 年的紀錄。

Kobe 狂砍 81 分，成為 NBA 史上單場得分第二高的球員。自此之後，再也沒有任何 NBA 球員能突破 80 分的大 關。81 分這數字震撼人心，永載史冊。

05 – Sha’Carri Richardson – 世界上跑得最快的女性與 Air Zoom Maxfly

2023 年 8 月，Sha’Carri Richardson 在匈牙利布達佩斯舉行的世界田徑錦標賽女子 100 米決賽中勇奪冠軍，成功加冕「世界上跑得最快的女性」的稱號。

她穿著 Nike Air Zoom Maxfly 跑鞋，以 10 秒 65 的成績打破了 賽事紀錄，寫下了新的輝煌篇章。

06 – Michael Jordan – 精彩的騰空時刻與 Air Jordan 14

在 1998 年 NBA 總決賽第六場比賽中，Michael Jordan 所在的球隊落後一分，比賽只剩幾秒鐘。Jordan 從猶他爵士隊手中獲得球權，掌控了比賽。在罰球線前，Jordan 假裝加速，突然急停，起跳騰空，併後仰跳投，防守球員只能望球輕嘆。當然，投籃命中了。Jordan 率領的公牛隊贏得了他們的第六個總冠軍，完成 了第二次三連冠。

從來沒有哪位運動員能像 Jordan 一樣，將我們帶入那精彩絕倫的空中世界。他最後一次奪冠的瞬間，堪稱他的最佳時刻之一。

07  – Serena Williams – 一個驚人的夏天與 Air Max Mirabella 3

只有 Serena Williams 才配得上用整個賽季來紀念她。

在 2012 年的夏天，Serena Williams 大放異彩，稱霸賽 場，贏得了溫布頓網球公開賽的單打和雙打冠軍、美國網球公開賽的單打冠軍，以及她的第一枚奧運單打網球獎牌。在倫敦獲得單打金牌後，Serena Williams 成為史上首位獲得單雙打「金滿貫」的網球運動員。

08 – Caitlin Clark – 歷史得分紀錄與 Nike Kobe 5 Protro

Caitlin Clark 在大學生涯的最後一場比賽中通過一次罰球，得到了她的第 3,668 分，從而成為目前 NCAA 史 上得分最多的球員。

Caitlin 幾乎全程穿著復刻版的 Nike Kobe 球鞋，打破一項又一項得分紀錄，吸引了全球球迷的注意。Caitlin 超越了所有參加過大學籃球比賽的男女球員，如今獨自站在這項運動的得分巔峰。

09 – Ken Griffey Jr – 父親節壯舉與 Swingman Air Griffey

在棒球史上，Ken Griffey Jr 漂亮的揮桿擊球應佔有一席之地。2004 年父親節，在辛辛那提的一場主場比賽中，Ken Griffey Jr 走到擊球區，揮出了載入史冊的一擊，成為大聯盟棒球史上第 20 位打出 500 次全壘打的 球員。

更令人興奮的是，Ken Griffey Jr 與他的父親、曾經的 MLB 隊友和紅人隊傳奇球星 Ken Griffey 共同分享了這個時刻。在跑完各壘並觸及本壘後，穿著 Swingman Air Griffey 球鞋的 Ken Griffey Jr 在人群中找到了他的父親，給了他一個父親節的擁抱。

10 – LeBron James – NBA 得分王和 Nike LeBron XX

在 2023 賽季 NBA 常規賽主場迎戰俄克拉荷馬雷霆的比賽第三節快要結束時，LeBron 完成了一記 21 英尺（約 6.4 米）遠的後撤步跳投。命中這一球之後，他慢慢跑過中線，高舉雙臂，時間彷彿靜止了。比賽暫停，全世界都在見證 LeBron 慶祝自己成為 NBA 歷史得分王，打破了一項保持了 40 年的紀錄。

LeBron 以王者姿態將 38,388 分的紀錄收入囊中，腳上穿著 Nike LeBron XX，向觀眾表達了他的感激之情，告訴他們，他的夢想已經成真。

10 4 月
INTERVIEW

跑步與人：Mandy

1.跑步年資？為什麼開始跑步？
可以話係10年？2014 第一次參加 SC Marathon 10k，之後斷斷續續跑，中間幾年因為情緒問題所以冇跑，但係發覺唔跑仲衰，所以pickup 返。

2.最深刻的一場賽事？原因？
Salomon Trail Series 大帽山 28k，著新鞋但係冇試過對鞋就玩呢個比賽，對鞋刮腳刮到兩隻腳踭甩晒皮，痛咗成個星期！   

3.日常跑步路線？
屋企附近、城門河。

4.最喜歡的跑步用品品牌？最喜歡一對跑鞋？
adidas adizero boston 12。

5.跑步對人生有沒有幫助/改變？
有，跑步嘅時候可以放空自己唔需要諗太多嘢，同埋我本身有失眠嘅習慣，要食安眠藥，跑咗步之後個人攰啲就瞓得好啲。

6.最喜歡的練跑運動場地（原因？）
城門河 因為夠近返屋企😅。

7.喜歡跑山還是路跑？為什麼
跑山，可以離開城市範圍，可以吸收大自然嘅空氣。山上可以令我暫時忘憂，同埋kill time。

8.現時跑步目標是什麼？
最長都係跑16k，想挑戰半馬。

9.有沒有因為跑步而放棄了其他運動？
冇。

10.除了跑步，有沒有做交叉訓練？（例如舉重/游泳/瑜伽）對跑步有沒有幫助？
以前有玩瑜伽，都有幫助；幫助伸展根骨，跑步冇咁易受傷。

11.喜歡什麼時段跑步（晏跑/晚跑）？為什麼？
黃昏跑，冇咁曬，唔會太熱，跑得舒服啲。

12.跑步時會想些什麼 ?
唔會諗野，跑完可以食嘢！

最後，有什麼社交媒體可以找到你？
IG: mmmleeee

03 4 月
INTERVIEW

跑步與人：Jay

1) 跑步年資？為什麼開始跑步？
2010 年開始接觸跑步，因為要考英國海軍。

2) 跑步跟工作有沒有關係？
以前係當兵，而家教三項鐵人。

3) 最深刻的一場賽事？原因？
其實每場都好深刻，最辛苦應該係第一隻 full Ironman，因為從來未試過玩咁長。

4) 日常跑步路線，原因？
通常一出門就跑，大部份都係西貢同將軍澳，夠晒方便，近屋企！

5) 最喜歡的跑步用品品牌？最喜歡一對跑鞋
近期開始試得多跑鞋，最特別嘅感覺應該係 Hoka Cielo X1。

6) 跑步對人生有沒有幫助/改變？
都係當運動保持身體健康為主，唔想見到自己有肚腩！

7) 有沒有跑步傷患？如何處理？
對受傷都比較着緊， 一有唔妥就 cross training，好彩玩三鐵仲有游水跑步。

8) 有沒有因為跑步而放棄了其他運動？
之前有教 crossfit，不過太鍾意玩三鐵，所以放棄咗 crossfit。

9) 除了跑步，有沒有做交叉訓練？（例如舉重/游泳/瑜伽）對跑步有沒有幫助？
會做下 body weight，久唔久有攀石，其他都係游水、跑步單車。

10) 現時跑步目標是什麼？
都好想試下 sub 3 究竟要練幾耐？

11) 最想到外國哪裏比賽？原因？
鐵人夢想都係去夏威夷 Kona。

12) 自己跑步跟做教練的分別是什麼？
差唔多，提自己要做啲咩，就會點樣提學生；自己跑快咗開心，學生跑快咗都好開心，最開心都係一齊練。

13) 見你近排開始拍攝產品介紹嘅 Reels，什麼原因令你開始？當中對你揀選裝備有沒有幫助？
其實之前都有整 YouTube，不過疫情嗰陣時搞到我生計有問題，所以停咗幾年；幾年後覺得個模式轉咗，所以而家主打 IG Reels 多，1 分鐘內會比較多人睇。對揀裝備非常有幫助，有比較有傷害 😂 ，因為當真係實測嘅時候起碼跑10K先知道對鞋嘅感覺，反覆着嚟練跑嘅時候，就會知道邊對鞋真係幫到我 ，所以暫時最愛係 hoka Cielo X1。

最後，有什麼社交媒體可以找到你？
IG: jmarine22

14 3 月
INTERVIEW

跑步與人：Keny

1. 跑步的年資？為什麼開始跑步？
如果按認真投入訓練開始計，大約4至5年咗右。跑步之前我係一個籃球愛好者，但因為年紀漸大同受傷問題，所以放棄籃球而選擇其他主項運動，最後考慮到長跑嘅好處係可以唔需要同其他對手比較，你真正嘅對手永遠只有你自己一個，所以選擇咗長跑。

2. 有沒有跟跑會或教練跑？選擇原因？
冇，因為現在已經係一位長跑教練，所以大多數練習都會self coach為主。

3. 最深刻的一場賽事？原因？
應該係2023年台北馬拉松，因為賽前一星期隻腳嘅傷患都唔輕，落床都會感到不適，所以賽前定下目標時間較為保守，但最後正因為前30多公里配速較為保守嘅關係，所以到咗比賽尾段仲有能力加速完成，跑出自己PB時間。

4. 日常跑步路線？ 最喜歡的練習場地，原因是什麼？
以青山公路同深水埗運動場為主，主要原因係因為方便同近。另外間中都會去跑馬地同吐露港練習。

5. 喜歡什麼時段跑步（早上、黃昏或晚上）？為什麼？
黃昏或晚上為主，因為朝早通常都起唔到身。但到咗比賽前一星期，要俾身體適應番比賽時間，都會逼自己朝早練習。

6. 最喜歡的跑步用品品牌？ 最喜歡的一對跑鞋？
Nike，因為暫時自己大部份PB時間都係著Nike完成，最喜歡跑鞋係Alphafly。

7. 有沒有跑步傷患？如何處理？
以前有過跑步傷患，主要都係去睇物理治療處理，但當你愈來愈了解跑步同自己身體，你就可以用另一些方法去處理或盡量減少傷患出現，例如：跑姿、技術、訓練強度、訓練量、休息時間、強化體力等等。

8. 有沒有因為跑步而放棄了其他運動？
冇，相反係因為放棄了其他運動而選擇咗跑步。

9. 有沒有跑步偶像？原因？
大迫傑，因為佢令大家知道除咗實力之外形象嘅重要性。

10. 現時跑步的目標是什麼？
全馬3:04吧，因為係我年齡組別嘅BQ時間。

11. 最想到外國哪裏跑馬拉松？
暫時最想去嘅外國馬拉松會係柏林同華倫西亞，因為呢兩個地方無論天氣同賽道質素都好好，可以有利於做出個人好成績。仲有嘅就係東京，因為本身比較喜歡東京呢個地方，所以跑完之後仲可以旅遊一下，可惜抽咗幾年都未抽到。

12. 作為教練，自己跑步跟教跑步的分別是什麼？
自己跑同教跑最主要嘅分別係點樣可以灌輸一啲正確嘅知識俾學生，同埋令佢哋知道應該用點樣嘅態度去面對長跑呢個運動，因為如果可以將長跑融入lifestyle，係可以令大家身體更健康。

至於訓練內容分別就唔會太大，因為我自己本身都係年紀比較大先接觸跑步，天份亦唔高，所以更加可以以一個以身作則嘅形式令佢哋知道，只要經過循序漸進同適當嘅訓練，學生同教練一樣都可以跑出好成績。

13. 有什麼社交媒體可以找到你？
IG: kkkenyyy
FB: Keny Wong

14 2 月
MAGAZINE

Kelvin Kiptum 3場馬拉松著用鞋

Kelvin Kiptum 於周日（11/2）死於一場道路交通事故，年僅 24 歲。 

Kiptum 生涯只跑過三場馬拉松：2022 華倫西亞馬拉松、2023 倫敦馬拉松和 2023 芝加哥馬拉松，但已經做出多項紀錄。

在 2022 華倫西亞馬拉松是 Kiptum 第一場全馬拉松比賽，著用了 Nike ZoomX Vaporfly Next% 2 Raptors 配色。

跑出的時間是 2小時01分53秒，後半程用時 1小時00分11秒，比前半程快。是人類馬拉松初馬最快成績，亦是當時歷史第三快成績。

在 2023 倫敦馬拉松，同樣是著用華倫西亞馬拉松的 Vaporfly Next% 2 Raptors 配色。不過就在中底後跟寫上了 2:01:50，應該是他的賽前目標吧？

 

結果他以 2小時01分25秒完賽，跑出新的賽道紀錄，比之前的快了 72 秒，亦刷新了自己的 PB。

而這場比賽也帶出另一個話題，就是 Kiptum 原本和中國品牌喬丹有簽過代言人之類的合約，但最終都是穿著 Nike 完成賽事。

到 2023 芝加哥馬拉松，上腳了最新的 Nike Alphafly 3，跑出了 2小時00分35秒，刷新了新的世界紀錄，後半程比前半程快了 61 秒。

可惜的是人類最有可能在馬拉松正式賽事跑進 2 小時的選手，被意外終結了生命，RIP。

09 2 月
INTERVIEW

跑步與人：Ivy Chan

1. 跑步年資？為什麼開始跑步？
跑步約 2 年，跑山 1 年左右，我玩咗 yoga 同 gym 十幾年，完全唔跑步，因為疫情關係所有 gym、yoga 關門，迫住落街慢跑 😝， 我本身好憎跑步㗎！（到而家都係🤣）

2. 最喜歡的跑步用品品牌？最喜歡的跑鞋？
路跑就 ASICS Magic Speed 3、Saucony Endorphin Pro 3；越野跑就 HOKA Speedgoat 5、Zinal、The North Face Vectiv Enduris 3。

3. 有沒有跟跑會或教練跑？選擇原因？
RMAC Wilson Sir – 因為港島近我，係我第一個接觸嘅越野跑班。
火車站 – 因為朋友介紹，師資優良，有火車 Sir、鷹鷹 Sir、Lucas Sir，經驗豐富；戰神班 – 都係朋友推介，上堂之後發覺 Joe Sir 會用心教導每一個不同程度嘅同學。

4. 日常跑步路線，最喜歡的練習場地（原因？）
路跑會去跑馬地馬場，而上山都係港島徑為主，最主要係地點方便我。

5. 最深刻的一場賽事？原因？
一定係今年嘅 HK100 大滿貫，當初係想抽 100k 但抽錯咗🤦‍♀️！ 心諗人生乜都試下啦，就報咗名。真係唔知自己可唔可以完成，決定玩之後就訓練 back to back。

第一日 33k 比賽，要以好輕鬆嘅狀態完成，提醒自己要跑完好似冇跑過咁，輕鬆完成但也好彩能做到top10；第二日 56k 也 keep 住要輕鬆的腳步完成，完賽係比第一天攰啲，但冇加速。

第三日打大佬 103k, 嗰朝已經 feel 到有少少唔舒服，我用享受比賽嘅心情去面對，嗰日日間好熱🥵，差唔多中暑！頭 57k 都輕鬆，到水浪窩狀態仍然 ok，知道夜晚會凍換上薄外套，去到基維爾巳經好凍，到草山更凍，當時我覺得自己已經失溫，又反胃🤢、又嘔🤮、又頭暈，好唔容易先到鉛鑛坳，到終點只剩 7k，當時諗又要上大帽山再凍過，我會唔會死㗎？但又諗已經玩左 185k 唔通玩多次咩🤣？我同自己講點都要頂埋佢…最後順利完成✅！

賽後 review 係自己冇經驗，睇少咗山上嘅天氣變化，幸好可以完成大滿貫😝！
真心好多謝嗰日幫我做 support 嘅戰神、🍒、Eric ，佢哋第二朝要跑渣馬都留到咁夜做我 support，就係為咗支持學生💪🙌！

6. 海外比賽跟香港比賽的分別？
我只去過一次清邁 UTMB 玩 50k，最大分別係唔熟識賽道，天氣變化更大，CP 嘢飲有冰㗎香港 CP 冇冰🤣，同埋外國冇樓梯（香港特色特別多樓梯，但我至愛🤣）…

7. 最想到外國哪裏比賽？
去 Chamonix 玩 UTMB。喺網絡上見到當地嘅氣氛好好呀，今年會去 Chamonix 玩 CCC，希望下年抽到UTMB。另外，亦想參加世界各地嘅比賽如 Skyrunning 等等 , 順道可以去旅行，認識更多新朋友，擴闊視野！

8. 有沒有跑步傷患？如何處理？
幸好冇咩大傷患，冇睇過任何醫療，平時比賽完可能會用按摩藥膏或活絡油搽下。

9. 有沒有因為跑步而放棄了其他運動？
又冇喎！跑步係我新加上去人生嘅運動。

10. 除了跑步，有沒有做交叉訓練？（例如舉重/游泳/瑜伽）對跑步有沒有幫助？
我 keep 住做 yoga、室內單車、打拳、舉重等等，呢啲運動對跑步好有幫助，可以用到平時跑步冇用到嘅部位，亦可加強四頭肌、core 等唔同嘅肌肉，令雙腳冇咁易受傷，yoga 更加係重要啦，幫助拉筋。

11. 跑完步最想吃什麼？
其實跑完後乜都唔太想食，只想飲凍嘢😝。

12. 有沒有跑步偶像？原因？
Kilian Jornet 同 Courtney Dauwalter。欣賞佢地嘅毅力同心態，而且可以好好享受每場比賽但又可以取得好成績！

其實教過我嘅阿 Sir 們 – Wilson Sir、火車 Sir、鷹鷹 Sir、Lucas Sir 、戰 Sir 都係我偶像嚟㗎😍！

13. 現時跑步目標是什麼？
我本身唔太喜歡路跑，真係覺得好悶😝！但嚟緊可能要玩隻馬拉松（我連 10k、半馬賽事都未參與過🤣），教練話要跑山跑得好，一定要路跑好，我真係要講句：Joe Sir「真係」冇迫我跑馬拉松🤣，希望遲啲可以跑到 330 啦😝！越野跑方便希望可以挑戰自己更多，做出更好成績啦！

最後一題，有什麼社交媒體可以找到你？
IG: ivychan_430

31 1 月
INTERVIEW

跑步與人：Jeffrey Leung

1. 跑步年資？為什麼開始跑步？
兩年。年紀漸長，有感要開始養生😆😆，加上搬了去深井，有跑步的地理優勢，不跑也太浪費了吧？

2. 有沒有跟跑會或教練跑？選擇原因？
沒有，喜歡一個人跑時的me time。

3. 最深刻的一場賽事？原因？
一場私人跑會的半馬比賽。因為比賽前大病了一場，狀態非常差，不過仍然堅持下去，完成比賽，最後更得到了第三名。

4. 最喜歡的跑步用品品牌？
最喜歡一對跑鞋是Nike Vaporfly 2。

5. 另一半有跑步嗎？有沒有一起跑步或比賽？
有，太太也會跑步，會間中一起跑步，不過速度有差距，還是喜歡一個人跑的me time，也會一起比賽，互相支持鼓勵。

6. 在訓練或比賽上，會怎樣互相帶動/鼓勵？
會互相關心大家的跑步進度，做好家務，讓對方安心跑步，我覺得也算是支持的一種😂。

7. 想到外國跑馬拉松嗎？目標會是哪個地方？
想呀，想到東京，還沒有試過到國外比賽。

8. 有沒有跑步傷患？如何處理？
Touchwood，很慶幸暫時沒有。

9. 現時跑步目標是什麼？
10k：42:00；半馬：1:40:00 （維持沒有傷病的狀態，我想這也是所有跑手的目標吧？）

10. 除了跑步，有沒有做交叉訓練？（如舉重/游泳/單車）對跑步有沒有幫助？
會打籃球、健身。絕對有幫助，交叉的訓練對我來說能夠協助身體的協調性和加強肌肉的穩定性。而且多元化的訓練，能夠令身心靈更加得到滿足。

11. 又有沒有因為跑步而放棄了其他運動？
不能說是放棄，只能說是要犧牲。打籃球跟跑步，我絕對會選擇打籃球。不過為了跑步比賽，犧牲其他運動的時間是必須的。

12. 喜歡什麼時段跑步（晏跑/晚跑）？為什麼？
喜歡晨跑，喜歡看着日岀（太美了）。而且工作一天後，已經沒有什麼力量了。所以我很佩服工作一天後仍然有動力去運動的人。

 最後一題，有什麼社交媒體可以找到你？
IG: jeffff_leung

24 1 月
INTERVIEW

跑步與人：Ivy

1. 跑步年資？為什麼開始跑步？
2015，當時爸爸離世，精神上需要一點支撐，就開始運動了。

2. 最喜歡的跑步用品品牌？最喜歡一對跑鞋？
Asics。跑鞋最近喜歡New Balance FuelCell SuperComp Elite V3。

3. 最深刻的一場賽事？原因？
2022年9月柏林初馬。當時大師兄Max一句：「一齊抽一齊跑」，我就落坑。從未跑過馬拉松，一跑就係六大馬，心情固然興奮。烈陽練習好艱辛，感謝戰神Joseph總會叫埋跑友們一齊練長課，令訓練並不孤單，仲好熱血。

直到8月中加操時突然Groin Strain，之後被迫減里數 + 針灸，前往柏林時一直忐忑不安。

然後隻錶臨出發前先嚟壞，上線後完全唔知自己跑緊咩pace，唯有周圍望風景分散緊張心情，順便睇km牌計時，點知跑到中途跌gel，過咗32km又突然叉錯腳痛到企定定…點都好，都係要繼續跑…最終排除萬難跑過Brandenburg Gate，真係好感觸！ 開心接過完賽牌，再望下錶 – 4:15的初馬，收貨了！

4. 日常跑步路線？
沿沙田城門河跑，可以跑去大埔或者跑上穗禾路、梅子林。

5. 喜歡什麼時段跑步（晏跑/晚跑）？為什麼？
黃昏跑，順便欣賞日落。

6. 有沒有因為跑步而放棄了其他運動？
無，但其實練跑里數高咗，好似無咩時間玩其他運動。

7. 喜歡跑山還是路跑？
兩樣都鍾意。較偏愛路跑，係可以聽住歌隨心周圍跑嘅me time。

8. 除了跑步，有沒有做交叉訓練？（例如舉重/游泳/瑜伽）對跑步有沒有幫助？
瑜珈，可以拉筋同練到平衡力。

9. 最喜歡的練跑運動場地（原因？）
沙田運動場，有因為著好多練習回憶。

10. 跑步對人生有沒有幫助/改變？
一定有！專注跑步令人生更圓滿，跑完步可以食乜都得😆！

11. 現時跑步目標是什麼？
完成六大馬！

最後一題，有什麼社交媒體可以找到你？
IG: ggivy