1. 跑步年資？為什麼開始跑步？
一直都有自己跑下，開始regular 同一班跑友一齊跑係7年前join 咗 Mikkeller Running Club HK，之後就真正開始跑步。後來都有join 其他跑會（WAZUP），同跑友一齊玩有長有短嘅跑賽同挑戰。
2. 喜歡一個人跑還是一班人跑步？為什麼？
50/50，一個人跑可以自由自在跑自己嘅路、Pace，最近喜歡返工前跑上屋企後山睇日出，如果要夾其他人時間、地點，相信冇乜可能。
當然，一班人又有開心嘅地方，跑下傾下計，team work 去完成個路線再一齊飲番杯啤酒係最開心！最近就同跑友一齊完成想做好耐嘅「杯零相渡」同「劏大魚」。
3. 最喜歡的練跑運動場地？為什麼 ?
要練長課，吐露港必定係香港 number one，但我個人就偏愛青公，有上有落加上好靚好靚嘅景。
要衝圈，都係馬場啦！運動場嘅400m圈好悶，同對左膝頭唔好，馬場 1,400m 大圈加上可以順或逆就健康啲。
4, 喜歡跑山還是路跑？
唔同時間有唔同嘅目標，最近呢年由路轉山。路跑追求喺簡單直接嘅速度，山嘅要求就更全面，上到山可以欣賞同體驗嘅就更多。
5. 最喜歡的跑步用品品牌？有沒有原因？
哈，太多。似前鐘意 Nike，但而家有好多唔同嘅品牌，唔少都好型，最近就買咗 SAYSKY、Compressport、OTSO、Rapha同topo 山鞋。
6. 參加過最長距離的山賽是？過程辛苦嗎？
今年做咗3個50k+ VR 山賽，HK100 half 兩次再加Salomon 50。全力去做HK100 half 嘅體會最深，當去到一半就開始兩腳360 抽筋，深深體會到自己嘅弱點，要針對性加強操練！
7. 會以同一對跑鞋進行山賽及路賽訓練嗎？
唔會啦！
8. 你覺得最能影響山賽表現的因素是？訓練／裝備／十卜／天氣？為什麼？
訓練！訓練！訓練！重要嘅嘢要講3次。 當然，有十卜都好緊要，不論山跑或路跑，都唔只係一個人嘅事，team play 係最開心同好大嘅推動力。
9. 最喜歡一對跑鞋。
我想講 Asics Tarther MIJ！係回憶！
10. 最深刻的一場賽事？原因？
Osaka Marathon 2019，需然唔係第一隻馬，但個過程同喺日本做自己鐘意嘅事係好開心難忘。
11. 跑完步最想吃什麼？我估是啤酒，有冇介紹？
YES！跑完啤一啤是常識吧！開心好簡單，跑完同朋友喺7 仔買罐Suntory 一齊飲！另外香港都有唔少bottle shop/taproom，可以跑完買個 craft beer 喺外面飲，西灣河有「一步」、上環有 Craftissmo、西環有 Alvys。
12. 有什麼社交媒體可以找到你？
Instagram: lw_now、wander.pixx、hoppyrunninghike
