1. 跑步年資？為什麼開始跑步？
跑步大約5年。因工作關係，經常都要試食，體重就自然不斷上升！
所以開始跑步嘅原因都是為咗keep fit。之後習慣咗，就慢慢加長跑步時間，由30分鐘加到1小時…到2018年第一次參加渣打馬拉松10k後，就一直參加10k、半馬，到2019挑戰全馬，之後就一直keep住跑。
2. 最喜歡的練跑運動場地？為什麼 ?
通常練習速度課都會喺運動場練，長課就喺吐露港、科學園、沙田附近；短距離10k可以，長距離20k-30k又得。
夜晚就有時會由斧山道運動場跑上飛鵝山，順便看看香港夜景。
3. 最喜歡的跑步用品品牌？有沒有原因？
Nike。在跑鞋方面，品牌產品分類得多元化，無論係運動場上嘅練習鞋，山上嘅越野跑鞋，又或者比賽用嘅競速鞋。Nike都有各種產品線供跑友選擇。整體嚟講，Nike跑鞋俾到我推動力之外，回彈及緩震都十分出色。
4. 自己跑步跟作為 pacer 跑步的分別是什麼？
自己跑，目標係為咗做成績/PB。我10k PB sub 40都係朋友做pacer帶我跑而做到嘅，所以我覺得pacer呢個角色好重要。講真，要自己一個人跑到目標時間完成，其實都幾悶，同會覺得好孤獨，好難做到。
但如果係有一群受過訓練嘅pacer，一路以穩定配速帶動跑者，從而做到目標時間內完成，會比我自己做到PB有更大嘅滿足感。
5. 最深刻的一場賽事？原因？
其實都冇咩深刻嘅賽事。我而家係將重點放喺下一埸全馬賽事，因為覺得自己係時候要認真咁做一次成績，睇吓自己實力究竟去到邊。
6. 現在最想到外國哪裏跑馬拉松？
一定係日本。旅行加跑埋馬拉松，諗起都興奮！
7. 有遇到過跑步低潮/傷患嗎？怎樣克服過來？
有！2019年9月，約咗幾位朋友一齊去跑12月廣州馬拉松全馬賽事，因一直都想做好成績，所以訓練一直加量，最終因過量而令小腿肌肉筋鍵撕裂！嗰次係我第一次跑步受傷，物理治療師話要休8-12個星期，當時我心情真係好低落，慶幸有一班跑友安慰。之後一直聽從物理治療師療程去做，到11月初，腳傷有好轉，已可以開始慢跑…其實一早打定輸數，跑馬幾時都有得跑，等好返又咪一條好漢！最終都係去咗，冇目標時間，純粹完成。
8. 現時跑步目標是什麼？
10K sub 37
HM sub 130
FM SUB 3
9. 有沒有跟跑會或教練跑？選擇原因？
有跟教練跑。因為教練會針對個人目標而定下合適嘅program.
除咗跟program，教練都會加入體能課同跑步技術課，以增強
肌力及改善跑姿，令我們更容易達成目標及減少受傷機會。另外：最喜歡團跑嘅原因係：可以互相鼓勵。
10. 最喜歡一對跑鞋
Nike ZoomX Vaporfly Next% 2。相信冇人唔認識呢對世界級競速鞋，從腳跟延伸到腳尖的專利嘅ZoomX泡棉、中底採用全掌式碳纖維鞋底墊片，令我係每次喺速度課上都有良好表現。
11. 另一半對有跑步嗎？對你跑步有意見嗎？
冇，另一半係零運動。
我話冇就呃你嘅，時間管理好啲囉！一星期隔日去練習，放假選擇晨早去跑長課，喺佢瞓醒之前就返到屋企；晚上要去練習就早少少申請，盡量減少不必要嘅爭拗。
12. 有什麼社交媒體可以找到你？
Facebook: Billy Kit
Instagram: billy__kit
