跑步與人：粒兒

1. 跑步年資？為什麼開始跑步？

大約5年前吧，當時剛剛畢業，面對人生新一輪挑戰、對所有事情都很焦急、擔憂，只想出街跑一跑、出一出汗，後來發現跑步很無拘無束，穿起跑鞋，想跑去邊就邊、想幾時跑就幾時跑，第一次感覺到自由自在，真的好爽！

2. 自己跑步跟作為 pacer 跑步的分別是什麼？？

在於滿足感。自己跑步是為自己，努力不放棄，想跑出自己想要的成績、目標；作為pacer，是一種責任、使命感，帶領尾隨的跑手完成他們的目標，兩者帶給我的滿足感都不能用文字能表達，因為跑步真係好開心。

3. 最喜歡的練跑運動場地？為什麼 ?

跑馬地運動場，因為圍繞馬場大圈跑一圈已經1.4km，又有少少上落斜、感覺不太悶。

4. 最喜歡的跑步用品品牌？有沒有原因？

Nike，我絕對係Nike die-hard fan，因為好舒服！跑步、行街都可以著，「都係嗰句，易襯衫嘛」。哈哈！

5. 見你平時有一個人練跑，亦有跟pacer們一齊跑。到底喜歡一個人跑還是一班人跑步？為什麼？

我很喜歡這個問題。因為跑步對我來說是一個好治癒的嗜好。跑步可以好個人，亦可以好團體。例如：我想今日點跑就點跑，我可以不需要理會別人，同時都是一個與自己溝通的最好時間。一邊跑步，一邊聆聽自己的呼吸聲，放空自己。而一班人跑，我又有另一種體會，大家會有相同的目標去奮鬥，例如：今日要練15隻400米，一個人練會好容易放棄，可能愈跑愈慢，甚至會「跳船」，但一班人跑會互相鼓勵，一齊完成整個課表，齊齊進步，是一件好熱血的事。

6. 有沒有跟跑會或教練跑 (應該是吳師傅)？選擇原因？？

我早年參加過「吳師傅長跑大本營」練跑，但因疫情關係，復課無期，機緣巧合加入了Zero Running Club。感謝吳輝揚師傅及余顯華教練教懂我很多長跑的知識，行少好多冤枉路。

7. 本來是直立板教練，為什麼會轉了去跑步？

其實我無特別只轉去了跑步。我除了有正職，亦兼職教直立板，只要我有時間，我就會跑步，所以我會叫自己做「兩棲運動員」。

想玩直立板，可以Instagram PM我，哈！

8. 海外馬跟香港馬的分別？

我未跑過香港馬（全馬），但我可以分享我人生海外初馬的經驗：柏林馬拉松。接近5萬人一齊跑步，再配合當地人的支持，氣氛實在一流，畢生難忘。海外馬令我有另一種身份、感受去體驗當地文化，不只是飲飲食食、Shopping，好期待下一次海外馬。

9. 現時跑步目標是什麼？

馬拉松3小時內完成（Sub 3）。

10. 最喜歡一對跑鞋

Nike ZoomX Vaporfly Next% Pink。

11. 有什麼社交媒體可以找到你？

Facebook: Jacky.SUP 

Instagram: jacky.sup

1. 跑步年資？為什麼開始跑步？

2016 開始接觸跑步，不知不覺都跑咗 6 年，嗰時因為想戒煙同埋減肥…嗰時成 170磅！

2. 最喜歡的一對跑鞋。

暫時我最鐘意New Balance SuperComp Trainer，有碳板鞋喺入面，而且跑得好舒服。

3. 選擇跑鞋的第一個條件是甚麼？

其實好簡單，著上腳舒服、啱自己嘅。

4. 喜歡跑山還是路跑？原因？

成日都會問自己鐘意跑山定係跑路？之後我會話無所謂啦，跑山如跑路，最緊要有得跑就好滿足！當然有時有時間、天氣好，會同朋友跑上山睇下風景；路跑好多時都係一個人去修煉咁，其實都係一句說話，做鍾意嘅嘢就唔會覺得辛苦，所以兩樣都好鍾意。

5. 香港哪一段山跑路線覺得最具挑戰性？

最近試過 35 度天氣下走杯靈，真係訓練意志呀，由頭曬到尾，全程無樹蔭。

6. 你覺得最能影響山賽表現的因素是？訓練／裝備／十卜／天氣？為什麼？

我覺得最能影響山賽表現一定係訓練，如果你對比賽路線好熟悉，你會好清楚自己係邊一段路把握到自己強項咁去跑，同埋唔會跑錯路，所以要俾多啲時間去對待一個比賽，練習到位，比賽可以火力全開；十卜都好重要！不論大會或朋友…尤其係朋友，我好幸運每一次都有個幾個朋友去支持我比賽，真係好多謝佢哋，會令自己更加落力跑。

7. 你認為香港是適合跑步的城市嗎？為什麼？

我覺得香港係一個好適合跑步嘅地方，因為好方便已可去到你想跑嘅路線。

8. 現時跑步目標是什麼？

現時跑步嘅目標其實只求長跑長有…日日有得跑就係我嘅目標。

9. 有遇到過跑步低潮/傷患嗎？怎樣克服過來？

最低潮其實未試過，我覺得應該要輕鬆啲去跑，唔好太執着用咩pacing ，享受跑步最緊要。

10. 喜歡一個人跑還是一班人跑步/跑山？為什麼？

最近喜歡一班人跑，因為推動力會大好多，同埋大家會一齊迫害大家，好自然大家一齊進步！

11. 跑步跟工作有沒有關係？請介紹一下。

我正職其實係一個「裝修佬」，哈！

12. 跑步途中會想什麼？

跑步我都多時都係放空左自己，無咩嘢諗，純粹享受跑步。

13. 可用一句說話總結跑步對你的意義嗎？

媽咪我會走過你未走過嘅路，我會一直跑落去！

14. 有什麼社交媒體可以找到你？

Facebook: kelvin tse  

Instagram: tkw910

（相片由受訪者提供）

1. 跑步年資？為什麼開始跑步？

以前工作日夜顛倒，精神壓力大，pressure eating令自己體重上升到56kg,  我個子唔高，漸漸感覺身體狀況唔太好，亦因為爸爸喺07年突然離世，鬱悶感加劇，想搵個出口振作起來，於是的起心肝開始做運動，由減肥出發！起初我只係游下水，後來覺得每次游水都要帶好些東西，又要計來回車程，好花時間，就想到以往讀書時都有跑步，不如就試試喺屋企附近跑，同自己講，萬一拗柴都可以喺最短時間內回家。😅

2. 最喜歡的一對跑鞋。

Nike Flyknit Racer。

3. 選擇跑鞋的第一個條件是甚麼？

舒適、抓地、輕及有足夠保護腳跟。

4. 有沒有喜歡的日常跑步路線？

屋企附近（九龍塘一帶，尖沙咀海旁、畢架山龍欣道）。

5. 喜歡一個人跑還是一班人跑步？為什麼？

兩者都喜歡，自己一個跑嘅時候，會專注啲，用自己嘅節奏去諗吓日常生活嘅人和事，一個人跑係我嘅mindful practice 時間，會漸漸地進入自己同自己溝通嘅狀態，好純粹，冇鬥爭冇憂慮，係一個很好嘅自我減壓方法。但一班人跑嗰種歡樂又會比任何時候跑步更hyper，尤其有一班熱愛跑步嘅朋友喺周圍時，可以互相鼓勵，講吓笑吹吓水，喺不經不覺下跑得更遠。

6. 有遇到過跑步低潮/傷患嗎？怎樣克服過來？

2015年尾得悉自己得了癌症，需要很漫長嘅時間治療，那段期間，沒有跑步嘅日子覺得好痛苦，因為身體於化療後變得虛弱，冇體力練跑，漸漸地失去咗嗰種動力與熱情，覺得自己好冇用！1公里都跑唔郁，我係一個心急嘅人，要還原基本步，喺完成所有治療後，我決定再游水，希望自己能夠一點一點鍛練返耐力與及心肺功能，找回當初嗰份做運動嘅熱情。當其時我嘅一班朋友準備去泰國布吉參加三項鐵人賽，我膽粗粗叫朋友問大會可唔可以轉做隊制賽，佢負責騎單車和跑步，我幫佢游水。起初練習嘅時候，20米都游唔到，就似係洩咗氣嘅氣球一樣，我唯有一點點嘅「游返嚟」，游水可以令我肺活量增加，有助之後我嘅跑步訓練。慶幸當初自己有這份勇氣叫朋友畀我嘗試參加三鐵，使我喺嗰段練習期繼續運動，雖然慢，但一點點找回來嗰種感覺係開心嘅。康復後我冇停低，喺2016年下半年至2018年三年裏面完成咗一次嘅三項鐵人比賽同3隻海外全馬；包括倫敦馬、芝加哥馬同紐約馬。所以那些掛在口邊：「今天都是不跑了，唔會有進步的了……」都是藉口，只要你肯繼續，沒有做不到的。

7. 現你身為品牌賽事Pacer，你覺得成為Pacer要具體哪些條件？及對你的跑步有甚麼影響？

成為Pacer 最主要係能夠帶動和鼓勵身邊人開始跑步，喺互相鼓勵支持同一齊訓練下，令大家向着同一目標進步。

我認為成位Pacer首要條件一定係熱愛跑步，要有紀律，團隊裏邊我哋會互相鼓勵，營造一個很好嘅氣氛，亦會鼓勵到身邊嘅人愛上跑步。自從我跑返步以後，我都影響咗我身邊嘅家人，一啲舊朋友、舊同事都愛上跑步，當中已經有數十人投入到跑步世界，而且都會每天訓練，也繼續影響佢哋身邊嘅人去跑步。

8. 跑步途中會想什麼？

以往跑步嘅時間都係我放空嘅時間，留白、沒有想太多，只是跟住自己嘅節奏同呼吸跑；近年就有啲唔同，因為加入咗Pacer 嘅大家庭，所以會注重返自己嘅跑姿、跑步時間、里數、飲食配合同自己是否有足夠休息等等。現在跑步嘅時候都會想一轉以上提到嘅各種，同嗰星期嘅訓練內容！

9. 有沒有因為跑步而放棄了其他運動？

以往未跑步嘅時候，所有運動與我都無緣，因為工作嘅關係，冇太多可以運動嘅時間，近年放慢工作，反而做多咗運動。除咗跑步之外會行山、游水、踩單車，挑戰三項鐵人；喜歡打網球、自由潛水，重會學一啲較小眾嘅運動，例如水底曲棍球。

10. 你認為香港是適合跑步的城市嗎？為什麼？

香港絕對適合跑步，相比起其他國際大都市，香港跑步十分安全，跑街你會感到安心。而家跑步風氣盛行，香港其實有好多風景怡人嘅跑步路線，好適合初入門至資深跑手。其實我覺得香港重有很多路段可以發掘，加以推廣，吸引多啲遊客嚟香港旅遊嘅時候，喺安全嘅情況下喺城中跑步，去認識我哋嘅社區。

一年一度的香港馬拉松亦可以研究修改一下路段，可以唔需要跑入充滿廢氣嘅隧道，亦希望更多本港市民可以多啲參與，等同我哋喺海外跑馬時，當地嘅市民會好踴躍跑上街上支持。

11. 喜歡什麼時段跑步（晏跑/晚跑）？為什麼？ 

喜歡晨跑，因為我有個 #GoodmorningHKSeries 😂，夜晚跑步好多時會瞓唔着，安多芬滿瀉……休息對跑手好重要，睡眠質素對我尤其重要，所以我寧願早起都唔想夜跑。

12. 現時跑步目標是什麼？

以往跑步嘅時候係朝著比賽為目標，喺賽事上做出好成績；現時心態有所轉變，同時亦因為加入咗Pacer，會覺得可以帶到一眾跑者係佢哋設定嘅目標時間內一齊完成，嗰種快感比任何自己完成時間更為高興。

13. 可用一句說話總結跑步對你的意義嗎？

停低落嚟你就輸掉了！

14. 有什麼社交媒體可以找到你？

Facebook:  Vivian Leung

Instagram:  vivwyleung

1. 跑步年資？為什麼開始跑步？

9年， 起初是因為學校陸運會，於誤打誤撞的情況下贏下第一場比賽。此後便正式開始接受有系統的訓練。經過4年時間的短跑訓練後，在2016年有幸從短跑項目轉型去接受長跑項目訓練。初初不習慣跑步的長時間，以及肌肉運用上的轉變，所以頭半年都是一種煎熬。跑了兩年長跑後，在2018年第一次接觸跑山，以及第一次100公里的比賽。

2. 會在哪裡購買跑鞋？為什麼？

我會去 Sugoi Sports 買跑鞋，因為那裏 比較多特別款式及特別版跑鞋。

3. 最喜歡的跑步用品品牌（Fate.hk 唔計）？有沒有特別原因？

Salomon，因為他們有出路跑和山跑的產品，產品的設計、款式、色調都很出眾，出色的外形也十分吸引我。色系配搭十分適合我這種喜歡衣服襯搭的跑手。

4. 可否介紹下 Fate 這個品牌？例如：品牌理念，成立過程 …？

Fate 是由三位大學生創立的品牌，我們注意到著名的運動裝備品牌可能對某些人來說有點昂貴。考慮到這一點，我們希望能設計和銷售更實惠的產品，以提升大家的運動體驗。

很多人都說命運無法改變，但我們堅信，儘管困難重重，但只要有決心和毅力，命運都會掌握在我們手中；一切皆有可能。這也適用於體育領域 – 雖然許多人認為卓越需要與生俱來的才能，但我們認為激情和決心才是成功關鍵。 因此，我們希望熱愛運動的人，能夠利用Fate的產品挑戰極限、突破自我。

5. 喜歡跑山還是路跑？

個人比較喜歡跑山。對我而言，每次跑山都是一種新體驗，儘管是跑同一座山，每次上去都能發現不同的新環境和事物。就算相同的路段，但每次跑的時間、路況都會不一樣，所以每次路途上都充滿未知知數，帶給我不一樣的新鮮感。而且，我個人覺得山上的風景不似路跑般沉悶，這也是我喜歡跑山的原因。

6. 會以同一對跑鞋進行山賽及路賽訓練嗎？

會，都會使用 adidas adizero boston 10。這雙鞋在跑山和跑路的情況都適用。它的底部紋理在一眾路跑鞋中算深，其抓地紋有能力應付到香港大部分的山路。底部也有足夠厚度和回彈力，其推進力可以提高在山上跑動時的速度和落山舒適感。

7. 最深刻的一場賽事？原因？

最深刻的一場賽事是山賽 4TUL 189 km，是在2021年頭受朋友啟發而參與的旅程。這個距離對我來說是個未知領域，因為平日訓練都從未跑過這麼長的距離和時間。但我知道害怕也只是無謂，所以抱著「來吧！懷著興奮、純真、未知的心情走一遍路吧！」的心態參與賽事。

我認為這個算是給當時 21 歲 、00 後傻小子的我的美好回憶吧！很多人認為：年紀輕輕就不要說笑、不要做這麼瘋狂的傻事，你沒可能做到！但我旅程中只懷着一份信念：敢膽行出黎，就已經贏咗！

189km的長途路程中有苦有樂，我一起步便完全集中精神去走，心中一片空白，所有時間、距離都拋諸腦後，一直放鬆心情去享受這未知的長途領域。這次比賽我用了大概 26 小時完成 – 整整一日的時間，經歷了三餐在路上解決、疲憊和早晚的天氣落差。這次比賽啟發我想繼續探索山上的領域，而且鍛鍊長時間的比賽也能保持高水平的續航能力。

8. 香港哪一段山跑路線覺得最是具挑戰性？

蚺蛇尖，因為這條路線山勢極為陡峭，在一個短距離下需要攀升400多米。由於登山及下落的路段都有不少碎石，整體崎嶇難行，加上蚺蛇尖後段山路的泥土非常鬆，令路段更具挑戰性。

9. 現時跑步目標是什麼?

目標是想嘗試挑戰「全馬Sub3」；跑山的話想多挑戰跑100km以上的賽事。

10. 有沒有跟跑會或教練跑？選擇原因？

我有跟 Oxyone 的鄭家盛教練練跑。家盛是一位擁有豐富經驗的越野跑手，他能給予我十分多的越野跑知識和心得，改善我越野跑的能力。除越野跑外，他也有著深厚的路跑教學經驗，路跑的訓練都十分到位。他帶領的 Oxyone 是一個少有能夠滿足到山和路跑訓練兩類型的跑會。

11. 最喜歡一對跑鞋

最喜歡的一對跑鞋是 adidas adizero boston 10。

12. 有什麼社交媒體可以找到你？

Facebook: 葉志傑 

Instagram: runner_kitgor 

Fate Facebook: fate_hongkong 

Fate IG: fate.hk_