1. 跑步年資？為什麼開始跑步？
差不多9年，因為之前打開籃球，但人大咗，好難約出嚟一齊打，又見跑步唔使錢（以為）， 所以就落街跑下，後尾有朋友見我跑，介紹我join Nike NRC， 之後就上咗癮， 籃球都無打嚕！
2. 最喜歡的一對跑鞋係？為什麼？
Nike 4%，因為我著呢對鞋喺渣馬sub3（2:59:59）， 仲要當時全港缺貨，我喺美國用USD250正價訂返嚟，跑過一次30KM開鞋之後就落場。
3. 選擇跑鞋的第一個條件是甚麼？
款式、牌子。因為以前打籃球著開Nike，所以跑鞋都係首選Nike，當然後尾有了解其他跑鞋時都有著過Asics tarther同Adidas。最記得剛join跑班時，啲師兄弟見我哋著 Nike 都好奇怪， 乜 Nike 跑鞋得架咩？到過多幾年後，大多數師兄弟都一齊搶Nike 4%…
4. 有沒有喜歡的日常跑步路線？
·杏花村 > 北角Towngas 來回，剛好14km，又練到斜路又有海邊風景睇；
·小西灣龍躍徑 > 哥連臣角墳場 > 小西灣運動場。
5. 喜歡一個人跑還是一班人跑步？為什麼？
一班人， 熱身時可以吹下水，到練習時可以互相傷害，無咁易放棄。
6. 有遇到過跑步低潮/傷患嗎？怎樣克服過來？
上年Nike pacer開操時突然小腿拉傷，斷斷續續都未好，最終都要帶傷去帶3:50:00，可能練唔足里數，過咗西隧後有少少痛，要捱返去，好彩有隊友幫手拎水，我先可以捱到準時返終點。受傷後真係只可以休息休息同休息，每次見隊友練完影相好開心，自己就好想join，好彩叫忍到腳， 所以先可以短期內回復到。
7. 現你身為品牌賽事Pacer，你覺得成為Pacer要具體哪些條件？
最緊要正能量、有經驗同大愛，因為好多時練習時都要鼓勵跑手，另外好多跑手都會問唔少跑步問題，我哋都要憑經驗去解答。
8. Pacer的訓練模式，和平常跑手有什麼不同？
之前練跑只會著重自己個人時間，而家做Pacer反而要練到好精準，唔可以時快時慢，唔係runner好易比我哋帶爆。
9. 成為Pacer後，對你的跑步或心態上有那些改變？
以前自己PB只會開心一次，而家runner PB自己會開心好多次，因為佢哋會不停多謝我哋幫佢哋PB。
10. 你認為香港是適合跑步的城市嗎？為什麼？
適合。因為每區都多跑步路線選擇，而運動場都叫足夠，夠方便。係疫情下限人數影響咗入運動場時間。
11. 喜歡什麼時段跑步（晏跑/晚跑）？為什麼？
長課一定朝早，因為跑完仲有大把時間用，唔會浪費咗一日咁。同埋比賽時都係朝早，要順便練埋烈陽神功。
12. 有沒有因為跑步而放棄了其他運動？
籃球囉！因為全身投入晒跑步，已經對打籃球無晒興趣。
13. 現時跑步目標是什麼？
短期目標都係做好Pacer先，之後可能想再喺渣馬sub3多一次。
14. 可用一句說話總結跑步對你的意義嗎？
跑步好直接，同自己交代，練幾多得到幾多，無捷徑。
15. 有什麼社交媒體可以找到你？
FB: Farlau Kobe
IG: farlau
