1. 跑步年資？為什麼開始跑步？跑過哪些主要比賽？
4年。18年8月剪短髮後發現塊面好圓，開始每日喺港島海旁跑步嘅習慣。
19年4月第1次玩10k比賽，同年9月第1次半馬（日本田沢湖半馬），同年11月第1次全馬（日本神戸馬拉松）.
2. 見你有跑山，喜歡跑山還是路跑？
山。因為有上有落，有唔同嘅路況，比較有挑戰性。
3. 會以同一對跑鞋進行山賽及路賽訓練嗎？
唔會。路跑鍾意有回彈力嘅厚底鞋款；山鞋就鍾意薄底，因為喜歡抓地感比較好。
4. 最喜歡的跑步用品品牌？有沒有原因？
Salomon。因為衫褲鞋襪帽袋可以襯晒一set上山！
5. 最喜歡一對跑鞋是？
Salomon嘅Sense Ride 4。
6. 知你之前經常到日本旅跑，去過最深刻的地方是哪？
北海道屈斜路湖。 一路跑一路驚有熊出沒，因為周圍完全冇人，但不停會見到「熊出沒」警告牌！
7. 10月通關後，第一個會日本跑步的會是哪知地方？為什麼？
東京JR山手線一周40.4k。之前喺東京住過一段時間，但當時未開始跑步；而家好想返去一邊跑一邊懷緬吓過去。
8. 相比日本，你認為香港是適合跑步的城市嗎？為什麼？
相信日本會更適合跑步，特別係山。香港地方有限，日本有百名山，可以慢慢挑戰。
9. 除了日本，還到過哪裡跑步？過最深刻的地方又是哪？
瑞士日內瓦同意大利米蘭。朝早跑日內瓦湖畔，感覺非常寧靜。
10. 會在哪裡購買跑鞋？會在外國買嗎？為什麼？
之前喺香港買多。因為開始跑步冇幾耐就COVID，冇得去旅行。嚟緊都會考慮去日本買嘅，款式選擇又會多啲，同會有唔同。
11. 見你在日本都會團跑，喜歡一個人跑還是一班人跑步？為什麼？
喺香港鍾意一個人跑，因為可以隨時隨地隨心跑。喺日本就會跟當地人一齊交流跑。
12. 可用一句說話總結跑步對你的意義嗎？
我鍾意旅跑，就算喺香港都會去18區周圍搵新路跑；鍾意睇地圖探路，透過跑步認識世界。
13. 有什麼社交媒體可以找到你？
Instagram: karina_runhk , karina_runjapan
Facebook: Asahi Runway 朝日跑道
