1）跑步年資？為什麼開始跑步？
真正跑步年資大概有5年，一開始因為要減肥😂，之後跑下跑下，就變成習慣同興趣了。
2）見你有跑山，喜歡跑山還是路跑？
我鍾意跑山多啲～因為跑山可以睇到好多好靚嘅風景，有上有落同多啲變化。但而家路跑又有好多好得意嘅路線，都好好玩！
3）會以同一對跑鞋進行山賽及路賽訓練嗎？
我會分開山鞋同路跑鞋訓練，因為每對鞋都有唔同嘅功能，好似山鞋就要抓地啲嘅。
4）香港邊一段上山路線最好玩？
我覺得所有上山路線都差唔多，每個地方都有唔同嘅靚景睇，又會發掘到秘景。但…除咗引水道之外🙈，一個字悶😂！
5）喜歡什麼時段跑步（日跑/夜跑）？為什麼？
我鍾意日跑多啲～因為好鍾意見到藍天白雲，同埋人都醒神啲正面啲。加上我鍾意曬太陽😎，跑步同時又可以曬黑，跑完再歎返杯啡😌，chill！
6）喜歡一個人跑還是一班人跑步？為什麼？
我會比較鍾意一個人跑，因為me time 好緊要，同埋可以唔駛點就人，話跑就跑。但一班人都有一班人嘅好處同歡樂，因為有人揸機影靚相打卡🤣！
7）一個人跑步途中會想什麼？
盡情放空～😂 8）香港哪一段山跑路線覺得最具挑戰性？ 我諗應該係青山腹地杯靈雙渡，除咗斜仲要有好多浮沙碎石，跣到hihi🙈！
9）最喜歡的一對跑鞋是？
跑鞋我會以舒服優先，所以暫時嚟講會係HOKA Rocket X ，最啱我腳形同著得舒服。
10）可用一句說話總結跑步對你的意義嗎？
堅持💪！
11）最喜歡的跑步用品品牌？有沒有原因？
T8褲，因為可以放到好多嘢；其餘係Nike，因為多款易襯🤭。
12）有什麼社交媒體可以找到你？
Instagram: fionnn.ho
