阿翔，Linus Cheng，Instagram profile中咁描述：旅遊書作者、單車旅行、跑步、健身、音樂、烘焙、插畫…著作有《滾動到世界盡頭》、《我們都是在旅途上長大的》，你可能都有睇過。另一身份，佢亦係一位狂熱跑者，早前參加過「黃金海岸馬拉松」（Golden Coast Marathon），今年嘅「紐約馬拉松」（TCS New York City Marathon），佢亦參戰其中！
Insports Hub就邀請佢幫我地試著DESCENTE嘅新跑鞋 – ENERZITE FLUID。
ENERZITE FLUID，外形走品牌一貫嘅高科路線，設有黑、灰白色及免綁鞋帶的BOA版本。全對鞋都冇太多多餘細節，幾日式簡約風格，鞋面物料接合以無縫熱熔處理，整體呈現出一種未來感。
外底有兩個外露位，一個係碳纖維抗扭片，而家大部分高端跑鞋都會有呢個設定，採用非全掌式，只置於足弓位，作用唔係提供推進力，而係提供對鞋喺過彎、跑者冇力時防止扭親或受傷嘅保護性；另一個logo位係D-FLUID「應變流」非牛頓流體緩震材料，撳落去好軟彈。箭咀形的外底防滑坑紋，則明顯取材自品牌logo。
D-FLUID緩震功能屬今次嘅重點新科技 – 即「應變流」非牛頓流體緩震材料，置於鞋嘅腳踭，能跟隨唔同運動強度即時作出回應，化解地面回震及沖擊，即是你行路或跑步時，D-FLUID都會作出唔同嘅軟硬反應，以配合動作及緩震。
Hi阿翔，可以介紹一下你嘅跑步歷程？
「我其實真正認真跑步，係呢1年半嘅事，絕對唔長，原因係之前亂咁跑，所以整傷咗小腿脛骨，而家耐唔耐都會翻痛。於是就的起心肝，搵教練學跑步，而家教練係尹焯熙。」
近排有咩賽事跑過？又準備緊咩賽事？
「7月啱啱跑咗黃金海岸，整來諗住應該可以sub3，因為一直訓練狀態都幾好，點知比賽前一個星期中咗COVID，即刻跌晒，記得當日比賽跑到死吓死吓，成績3’08’08，但唔係自己嘅target；而家（訪問當日）準備緊紐約馬，係我第一隻六大馬，下星期飛，今次希望真係可以做到sub3成績啦。」
你對於選擇跑鞋，會先睇咩條件？
「揀跑鞋首先會睇係咩用途，日常慢跑、練習、同比賽都會著用唔同嘅鞋。但對我嚟講比較重要係要保護到對腳，因為小腿脛骨有長期舊患，一般我會揀比較厚底、緩震較好嘅鞋。其次就當然要個樣夠型夠靚！」
對DESCENTE呢個日本運動品牌有咩印象？知道佢地都有跑鞋出品嗎？
「其實之前係冇乜留意DESCENTE，只知係日本運動品牌，但唔知都有出跑鞋，但呢對ENERZITE FLUID第一眼見到個感覺好好，幾鍾意佢灰白色線條嘅配搭，簡潔得嚟有細節，灰白色同黑色都容易襯衫。」
真實上腳試跑過咩跑道？評價係點？
「我試過跑街，jog過幾K，亦有喺運動場用嚟做Warm up及加速跑。首先我覺得ENERZITE FLUID俾到跑者穩定嘅包腳感同保護性，由於塊碳纖抗扭片嘅關係，喺咩pacing嘅每步都令跑者安全感好大；同時，雖然保護性咁強，不過鞋嘅整體亦做到輕身，相信鞋身嘅梭織網布幫咗唔少，佢好透氣、貼服，夠晒包腳感，所以跑落好舒適。」
最後，你會用佢嚟做邊邊類型嘅跑步或運動訓練？
「投先講，佢會幾適合easy run、recovery run、LSD嗰類長距少少，但唔講求速度嘅；佢勝在喺唔同路面同環境都可以保護到雙腳。除此之外，D-FLUID亦喺平時行街嗰陣提供到穩定、軟腍嘅緩震，亦好適合出街返工或者做Gym著用，幾多用途apply到嘅一對跑鞋。」
阿翔IG: linuscheng1124
阿翔FB: Linus Cheng
