An unexpected personal best，一個意想唔到嘅PB🥇。
毅行之後，12月冰寒交迫，1月練跑膝頭哥又唔妥，所以馬拉松之前無辦法執行備賽課表，喺唔夠準備嘅情況下，目標完走42公里，無諗住要破自己名古屋🇯🇵初馬嘅紀錄。
本身驚會凍，熱完身，唔使著外套都啱啱好。6:20分起跑，一開始pacing比較保守，keep住6分左右，半個鐘左右開始可以加速，之後上昂船州大橋風好大🥶，個身濕所以吹到有啲凍，入南灣隧道就可以取下暖；出番嚟汀九橋一樣好大風🍃，但落坡可以順便提高pacing，加上過half way mark重要心理關口，順勢拉快pacing至5:30。
之後幾公里有上有落，食咗第一包gel⚡️，去到西九龍公路半馬快腳匯入，跟住人流可以keep番個pacing🏃♀️。
西隧前1km左右食多包gel⚡️，好快到西隧，一如既往跟住大家大嗌打氣，氣氛咁好，上斜keep住有力，隧道出口向右傾斜稍為有啲吃力。出咗隧道之後，涼快舒服，跑手大塞車被迫減速，唯有靠邊過人。呢個位好多跑手放慢甚至開始行，啪咖啡因gel上力，加上毅行訓練嘅上斜力氣發揮作用，全程喺呢個位過得最多人💪🏻。
去到中環碼頭，一心諗住要搵Summer影相📸，終於見到Summer，跑近鏡頭大嗌「Rundeful」！喜獲完美心心相，多謝哂 @rundeful 🥰！影完相開始曬同熱🥵，仲有救護車鳴笛經過，呢個位終於有啲跌watt。然後見到毅行隊友Mike @idiotmike731 打一打氣繼續keep going🏃♀️。
呢個時候計一計知道有機會PB，只要keep住個pacing就ok，但遇到馬師道超級大塞車要減速，落完斜唔理太多（主要係唔理鏡頭了🤭）就衝，聽到呀願 @yuenchhichi 叫我加油但唔敢停，望望錶過咗4個鐘，心諗可能同上次成績咁上下啦，然後隻錶話已經過左42.2k，但都未入到維園😩。
終於去到綠色地氈就真的很興奮，短跑pacing直衝終點。停咗錶，即刻見到Strava話破咗全馬PB，係莫名的感動🥰！大會chip time 4:05:16，Coros新全馬記錄4:02:52，比名馬快咗1分鐘（但多咗176m爬升）。
後記：跑完全馬，肌肉無乜點痛，反而喉嚨痛，下一日照常番工，點知夜晚開始頭痛，下一日發燒😅，之後開始咳，星期四失埋聲、喉嚨痛、鼻塞、咳齊哂，去睇醫生，星期五、六都出唔到街🙈，結論係跑全馬，抵抗力減弱好易病，好似我咁身子弱跑完記得充足休息🙊，期望早日康復，復操準備十月芝加哥馬拉松🇺🇸。
