1. 跑步年資？為什麼開始跑步？
大約喺四年前，由於想減肥、工作忙碌，希望可以改變一下生活模式和減下壓，於是決定到運動場輕鬆跑下。由行圈、慢跑、到而家嘅長跑，慢慢開始我的跑步人生。
2. 最喜歡的跑步用品品牌？最喜歡一對跑鞋？
品牌：T8運動褲，質料舒服；跑鞋：Nike Zoom Fly 4，回彈力好好。
3)有沒有跟跑會或教練跑？選擇原因？
參與蔡 Sir 任教嘅康仁跑班，學習有系統性嘅跑步技巧、肌力訓練，以提升跑步嘅專業知識同能力。
4. 日常跑步路線？
南生圍、綠色隧道、青公、屯赤。
5. 跑步途中會想什麼？
跑步時會睇下街道、山路嘅風景。聽住自己嘅呼吸聲、諗住當日要完成嘅路線，盡力完成。
6. 喜歡跑山還是路跑？路跑跟山跑有什麼不同感受？
喜歡路跑，因為跑山需要好大嘅肌力同耐力、上落比較多，而呢方面我比較弱。
7. 最想到外國哪裏跑馬拉松？
最想係東京馬拉松！
8. 影相最喜歡擺的姿勢？要附照片…
背影照片。
9. 有沒有曾試過跑步傷患？如何處理？
膝頭、IT Band。要每日拉筋同用按摩槍放鬆肌肉及酸痛。
10. 現時跑步目標是什麼？未來有什麼比賽？目標？
目標：10 公里 50 分鐘內完成。現在準備十月台灣長榮航空城市觀光半馬拉松，目標時間：1 小時 55 分鐘內完成。
11. 另一半係跑步教練，對你跑步有幫助嗎？對你跑步有建議？會否跟他的訓練計劃？
因平日工作忙碌，自己盡量會隔個晚上跑 8-10K，同時亦會參與蔡 Sir 嘅跑班，學習更多跑步技巧、強化肌力嘅訓練，以增加速度同耐力。
蔡 Sir 會喺比賽前為我設計適合我嘅課表，令我可以提升能力和減少傷患。佢都會喺假日或工餘時間，陪我輕鬆跑同練習速度課。
12. 跑步對人生有哪些幫助/改變？
跑步令我個人嘅處事態度變得更有「彈性」，凡事看開一點，人生總會有轉機！正所謂條條大路通羅馬，呢條路跑錯咗或者迷路，再搵第二條再跑過，始終都會跑到終點，人生或許是如此吧！
另外，慶幸自己加入了柳仔跑會同跑將軍團，同一班志同道合嘅跑友們、一齊跑過好多唔同嘅地方同路線，令我認識好多人和事、探索咗香港好多好靚嘅地方。跑步已經成為日常嘅生活習慣，穿起跑鞋就去衝衝衝……出一身汗，完成一課就俾自己好好放鬆心情，享受每一天！
縱然生活上有好多事情未必可以解決或改變，不如跑個步，放空一下調整心態；努力向前吧！
13. 有什麼社交媒體可以找到你？
IG : dell_lo
