1. 跑步年資？為什麼開始跑步？
正式嚟講應該係由 2020 年開始，主要都係想減肥同埋減壓。
2. 有沒有跟跑會或教練跑？選擇原因？
有跟教練，開頭跟教練主要係想進步，想跑一個 Sub 2 嘅半馬，而家就覺得跟跑會有一班鍾意跑步嘅人一齊跑好開心，尤其係一齊衝 interval 嘅感覺好正。
3. 覺得工作忙碌對跑步有沒有影響？
我覺得主要都係講求個自律性，尤其是跑全馬，講求儲里數，所以你要自動自覺地去做。我工作自由度大，所以亦需要高嘅自律性。
4. 跑海外馬跟香港馬的分別？
海外馬就會係氣氛好好多，全程都會有人喺旁邊打氣。另外就係天氣方面，天氣會比較爽啲，跑起上嚟會舒服啲，始終香港嘅天氣比較濕。
5. 最喜歡的跑步用品品牌？
我冇特別鍾意嘅品牌，覺得靚或者好用就得。
6. 最喜歡一對跑鞋？
暫時係 Asics，但好難講邊一對，基本上呢個牌子唔同嘅速度鞋我都有，作不同訓練之用。
7. 最喜歡的練跑運動場地？原因？
跑馬地，因為個圈大啲，感覺冇咁悶。另外，好多時可以見到啲好勤力嘅跑手，好激厲㗎！
8. 除了跑步，有沒有做交叉訓練？（例如舉重/游泳/瑜伽）覺得對跑步有沒有幫助？
有呀！同埋我覺得呢個都重要。有啲就幫我放鬆肌肉，有啲就幫我強化肌肉。我 keep 住一個星期最少一次瑜伽或者負重訓練，夏天會加埋游水。
9. 跑完步最想吃什麼？
打邊爐，always 想打邊爐！
10. 完成名古屋馬拉松後，下一次最想到外國哪裏跑馬拉松？
如果下年跑到東京馬拉松或者倫敦馬拉松就好喇！
11. 喜歡什麼時段跑步（晏跑/晚跑）？為什麼？
夜晚，因為我怕烈陽，所以我多數一係就好早晨運 mode，一係就收咗太陽之後。
12. 會唔會同好姐妹一齊練習？一齊練有咩好處？
間唔時會。有伴梗係開心啲，同埋一齊練長課冇咁容易跳船，自己跑就比較容易放棄。
13. 有什麼社交媒體可以找到你？
IG: @muigili
