1. 跑步年資？為什麼開始跑步？
7年，2017年開始，斷斷續續地玩越野跑。上年12月參加咗Janice Cheung嘅越野跑班，開始認真投入咁玩。當初係有朋友邀請我玩小童群益會嘅Running Teens挑戰賽而接觸跑山，覺得跑山幾得意，慢慢亦對跑山產生熱愛。
2. 最喜歡的跑步用品品牌？最喜歡的一對跑鞋？
暫時係Salomon S/LAB Genesis，好貼腳，又抓地。
3. 最深刻的一場賽事？原因？
今年2月份HK100 Half，因為係一個56K嘅比賽，較有挑戰性。
對上一次玩50K賽已經係2021年嘅事，所以係一個指標去睇自己有冇進步。 一個人玩嘅時候需要有強大心理，因為只可以自己push自己，比賽過程中都需要不停衡量自己狀態，make sure自己唔會「爆偈」但又keep住跑緊，每一下嘅鬆懈就會流失時間，所以我會認為跑山意志力7成，實力3成。之前有同教練商量，預計8個半鐘內完成，結果時間係8小時17分鐘，做到自己目標，搏盡無悔。
4. 跑步對人生有沒有幫助/改變
透過跑山認識自己，訓練意志力，做任何事都會更加堅定，行動力大大提高。透過每一次嘅經驗，亦更加了解自己嘅長短處，學會接納同改進。
5. 有沒試過有跑步傷患？如何處理？
喺2023年5月尾拗柴，韌帶高強度撕裂，結果要由專科轉介去中大運動醫學部門 keep住做physio，而家慢慢嘗試跑番，做緊復康，希望參加到11月TransLantau 100K同12月UTMB清邁50K比賽。
6. 見你主力都是跑山，有參加過路跑比賽？
暫時都冇參加路跑比賽。
7. 跑山有沒有遇過靈異事件？
幸運地暫時未有，亦唔希望會有~
8. 除了跑步，有沒有做交叉訓練？（如舉重/游泳/瑜伽）對跑步有沒有幫助？
喺3月份開始接觸水底曲棍球，覺得透過游泳訓練可以增強心肺。喺gym room都會做唔同訓練，例如leg press，squat等等，針對性加強肌力；以上訓練都對跑步，甚至跑山有好大幫助。
9. 路跑跟山跑有什麼不同感受？
路跑嘅路況較單一，石屎路為主，通常亦較短途，keep pacing咁跑，所以平時會番工前做，訓練肌耐力。跑山路況較複雜同多變化，泥路、石屎路、樓梯、碎石等，要運用嘅肌肉較多，亦要因應環境制定策略，務求喺最慳力嘅情況下以最快速度完成。當完成咗一條難度高嘅路線，會有好大成就感。
10. 跑步途中會想什麼？跑步期間會否聽歌？聽什麼歌？
跑步途中係一場同自己嘅辯論比賽，總會有覺得攰嘅一刻，要問自己係想偷懶定係狀態唔好？路跑期間會聽eDM嘅歌，keep住自己亢奮嘅時刻。
11. 最後一題，有什麼社交媒體可以找到你？
IG：cecipoopootam
*照片由受訪者提供
