1. 跑步年資？為什麼開始跑步？
大約5年左右。同好多人一樣，本來跑步簡直係天敵，但為咗減肥就開始行山跑步！
2. 最喜歡的一對跑鞋是？為什麼？
Nike Alphafly Next%。呢對鞋陪我跑過兩個好重要嘅賽事，亦同自己跑法比較契合，俾咗我落場時好大信心。為咗答謝呢對鞋，我仲買多隻色嚟襯衫！
3. 最喜歡的跑步用品品牌是？有哪些原因令你選上？
衫褲喜歡Nike Aeroswift/Dri-fit Adv系列，仲有Salomon S/Lab同Uglow，襪最近鍾意新興牌子Versus。
揀品牌首先係要舒服，要柔軟、快乾輕身；再者係多顏色揀，可以因唔同心情著唔同配搭去跑步！
4. 有沒有因為跑步而放棄了其他運動？
為咗避免身體對抗嘅意外而受傷影響跑步，所以放棄咗籃球同手球嘅比賽同訓練（不過因此更肯定好隊友唔打波都係好隊友 🙂 )。
5. 有沒有喜歡的日常跑步路線？
吐露港 – 科學園來回大王爺廟。
6. 你認為香港是適合跑步的城市嗎？為什麼？
呢方面覺得一般般，首先香港氣候濕、熱時間較長，跑步比較辛苦。
而且人口稠密，而公共空間規劃欠佳，無論喺運動場定河邊海濱休憩空間跑步，都避免唔到土地問題影響訓練或者慢jog嘅心情。
但好處係香港真係好方便，補給同交通問題基本上唔需要擔心。
7. 喜歡一個人跑還是一班人跑步？為什麼？
按課表訓練時喜歡一個人，可以較專注同自己身體對話同控制速度；輕鬆慢跑或LSD就喜歡一班人，喜歡同朋友完成旅程嘅感覺，同埋可以藉此呃水吹！
8. 有遇到過跑步低潮/傷患嗎？怎樣克服過來？
試過任性地過量訓練引致小腿骨裂，休息咗三個月，完全唔跑得，自此會注意訓練量嘅提升速度。
而不久前亦因為感覺到一年來保持住唔少嘅訓練量，同時要平衡工作家庭等等，令到身心有啲攰，所以而家應承自己，要認真休息想跑先跑，直至下個備賽期開始。
9. 知你有另一個IG叫「運動勵志撚」，可以介紹一下嗎？
呢個係一個希望藉住一兩句語錄式嘅文字，同一張meme，最近再加上千字起跳嘅文字以鼓勵大家運動，而且用正面心態看待運動左右前後嘅佛系IG。
10. 為什麼會有創立這個「運動勵志撚」的念頭？
因為希望各位善良嘅人能夠健康長壽，見證美好嘅事情終將發生。
強身健體，保護自己，保護你所愛嘅人
自從認真地運動，我個人由充滿逃避同消極嘅念頭，變得比較堅定同將信念付諸行動。所以希望藉由social media分享我當中嘅成長。
運動改變咗我嘅人生，我相信亦都能夠幫到有需要嘅每一位。
11. 現時跑步目標是什麼？
就係「保持快樂地跑步」咋！有紀律嘅訓練、俾自己適當嘅回饋，盡力追求但唔強求結果；開心嘅嘢先會繼續做，難搞嘅嘢就唔好搞喇！
到適當嘅時候，成果就會搵到我。
12. 可用一句說話總結跑步對你的意義嗎？
跑步就係我嘅信仰。
13. 有什麼社交媒體可以找到你？
IG: wkwan_sportspace , sportsaddoill
Extra Interview: 跑環九龍新界130km farewell run的原因
（Credit 返兩位先賢痴線佬Jeff同Uncle Ben曾經都以環馬鞍山九龍同雷利旋風168作為告別跑inspire我 ，我唔係第一個）
旅程中嘅感受
離開，真係為了跑得更遠，故事未完。
