你只要每晚到各區運動場或海濱跑步公園走一轉，已大概感受到，香港人有幾鍾意跑步，而且亦真係愈嚟愈多人投入到跑步圈中！無他嘅，入門門檻低、裝備豐儉由人、準備功夫近乎零、群跑或獨跑隨心所欲…想跑就跑冇難度！
但人類總要向前看，跑友亦然！當你入咗坑買咗第一對跑鞋，又同啲跑友衝完幾個跑馬地大圈之後，心就紅，你會想對跑步知更多，又會多留意各品牌嘅唔同型號新跑鞋，正所謂「跑友已達 專業未滿」，有心步向「專業級」業餘跑手階段！
Runderful（ by Sportshouse運動家）就係因著呢個「助跑使命」概念而誕生。希望能夠提供一個可以開心購入跑步產品，又可以放心信賴店員推薦，以及安心詢問有關產品資訊，以令自己能夠入手最適合跑鞋及跑gear嘅理想型running pro shop！
首先硬件方面，Runderful正不斷引入唔同牌子嘅路跑及山跑鞋產品、跑衫及配件等等，務求做到新、準、多集於一鋪，提供予跑者one stop solution式嘅購物旅程，盡量平衡專業跑鞋及新跑鞋之間嘅選擇，務求做到兩方面都應有盡有及選擇充足，由入門到專業級跑者都照顧周到。
要數牌子嘅話，現時Runderful已有asics、adidas、On、Salomon、The North Face、HOKA、New Balance、La Sportiva、Mizuno等進駐坐鎮，聽聞更多專業、型格又精彩牌子將陸續有來！
同時於軟件方面，後勤亦會定期提升店員嘅品牌商品知識（Brand Product Knowledge），務求令到跑友有疑問、想揀到心目中跑鞋，又或想知咩牌邊對真係適合自己時，都可以搵到「真．答案」，而唔係會出現你想買跑鞋時，店員會叫你買Waffle Trainer、入門試跑山就推薦你Flight Vectiv呢類「尷尬」情況！
要實現Runderful嘅專業「助跑使命」，除咗以上配套，近來亦有一位同時身兼跑步教練，及對各品牌跑鞋都極之熟悉嘅新成員加入Runderful團隊，如對跑界有留意，相信亦唔會對阿楊（楊肇麟）陌生。
阿楊除咗熟悉跑步所需，亦因先前已有運動零售經驗，所以於Runderful團隊中除咗提供引入產品及跑鞋型號嘅意見之外，亦會提供專業揀鞋概念、跑步知識及跑鞋零售特有經驗俾前線店員，賣得跑鞋，梗係要「專」！呢個相信亦係Runderful嚟緊必達嘅建立使命。
Runderful 九龍觀塘觀塘道418號創紀之城五期apm 4樓L4-Xsite 1a號舖
營業時間：
星期一至四：中午12:00 – 晚上9:30
星期五至日：早上11:30 – 晚上10:00
電話：2615 0731