馬拉松與人：Leo G 芝加哥馬拉松

Chicago Marathon 2024後記（今次純粹講下主觀感受，儘量長話短說）
My 2nd Six-Star & 9th Marathon, and this one was hard!

回到年頭

渣馬後故意沒有報其他賽事，有種 Sub3 目標達成的空虛感，果然，做運動的人要有目標，去年正好 Time Qualifier 成績達標，就報了十月芝加哥馬拉松。一小段時間休息過後，就將 Focus 全集中在這個比賽上。

五月中正式開始跟歹 @tkw910 的無名私班課表訓練，每週七天每天跑，走過無數日與夜，努力練習累積

由立夏至秋分，終於，就減量了。

賽前沒有故意跟別人提起，其實左膝一直腫脹發炎，時好時壞，唯有先戒酒半年，不料到 Taper phase 情況嚴重起來，唔可以伸直/ 屈膝踎低，出發前 2 週急急去物理治療，初步診斷似乎是「半月板軟骨磨損」（洁姐劈頭第一句問我：你係點都會上線架嘛？我諗諗：我真係無諗過唔上線）。三次物理治療，一致希望將狀況儘量推遲出現就好。

要練的都已練足，只好控制自身能力範圍內的事。早一星期到埗適應時差/ 天氣，隨行同伴變少，海外賽道旁無朋友打氣亦不壞，正好讓我專心觀光 / 備賽，這星期做做遊客，再走一課取比賽速度，自問心理質素一向不錯，身體唔 ok，唯有心態上調整。

臨場的配速目標，數字上低標是 PB；中標是 2:55 完賽；高標刪除了。
然而我對自己最大的要求好簡單：「要跑好佢，Have a Good Run！」

比賽日

飲食休息裝備交通安排妥當，第一次吃下消炎止痛藥比賽。Race started after a moment of silence for World Record holder Kelvin Kiptum。天氣預報顯示氣溫較暖，果然手袖手套 3K 後就脫下了。

“Follow the Blue Line!”

自己知自己事，全程儘可能跟最短的路程返終點，而我相信 31-35k 對我是關鍵，無論如何一定要加速，果然 35K 左膝痛楚浮現，雖在預料之中，我試找比較可以的跑姿繼續，結果還是需要減速，重心傾斜亦令小腿及 Hamstring 抽筋。Second Wind 出現在 38-40K，但 40K 後無可奈何要停下 2 次，慶幸策略正確，芝馬賽道亦平坦先 PB 到。

初馬都無眼淚滴出嚟，但今次過終點真係咇咗幾滴。好多情緒：可能唯一一次嘅芝馬總算跑完了 / 太專心，過終點先諗起可能深夜 track 住嘅大家。唔甘心，但轉念又諗世事就係咁，無完美，時間雖然唔算理想，我覺得今次真係跑得好，好感恩！

去到外地無人識你，流幾滴眼淚有咩大不了。

縱使有少少遺憾，但總括而言：Chicago is incredible，”Chicago is for runners“ 真係無講錯，大會Expo well organized，所有 information 都 clearly communicated，“Non-official” 周邊活動都遍地開花，成個 Race weekend – Pre-race、Shakeout run、Race Day、Post run party 都有幾十個，雖然無東京賽道咁多，但多元化表演睇美國人 natural hyped 氣氛超好！