由Kemari Sports 代理引入嘅 Activital PRO足袋型運動襪，之前聽講已有唔少正評，最新亦推出咗2.0版本。由於之前未接觸過第1代，所以RunKid只能獨立出今代2.0感受。
根據官方資訊，今次新增優點有：
‧預防及消除足底筋膜炎；
‧日本 SEK 認証抗菌防臭功能；
‧防滑功能提升1.6倍；
‧多至11隻顏色可供選擇，都係嗰句：方便襯衫！
基本上佢適合for各式唔同運動，包括跑步、足球、籃球、排球、拳擊等等，咁入手一對就可以配上唔同運動類型，又多色揀，實襯到，啱晒啲貪心 x 活躍型大馬騮！
咁我就只係著去跑步！
首先襪身嘅布質非常實淨、夠晒力度，包覆性能好強，著落更有著壓力襪嘅感覺，所以肯定對腳唔會咁易喺襪內走位，減少磨擦同受傷機會。
而跟據「解剖學」依隨足底主要筋踺去遍佈嘅防滑膠粒，防跣力好強，至於係咪可有效預防及消除足底筋膜炎，呢一刻我答唔到嘅，不過跑嘅時候就每步落地都好舒服同實在，就係真嘅；足袋型設計亦令腳趾公有更暢快嘅活動空間，唔使同二趾做成磨擦甚至互相迫害，相信對於長課、半馬/全馬時雙腳嘅活動空間有正面幫助。
搭載咗咁多功能，襪身係難免地厚少少，但如果著一啲略鬆內籠嘅跑鞋時，就會啱啱好，亦可減少內磨擦及內移位。
總結呢，長課或操山時，會選擇著佢；速度課Interval嘅話，應會揀番平時著開嘅。
附錄：官方機能及特點
4大特點
‧提升運動表現
‧加強止滑力
‧減輕腳踝負擔
‧支撐腳窩
7大機能
- 肌肉膠布功能令腳尖向上拉，不易絆倒亦防止扭傷
- 足袋設計令腳趾可以自由伸展，踏得更穩，增加抓地力
- 施加反作用力令足弓回到正確位置，給予足弓支撐及推進力
- 包覆腳踝關節及韌帶群，讓腳踝處於正確位置，減輕腳踝負擔
- 腳底特殊GORILLA GRIP防滑設計，幫助穩定行進
- 襪子腳跟及腳尖部位的特殊加厚編織法，能吸收著地及踢球時產生的衝擊力
- 「超立體」三段式壓力編織法，給予腳部適當壓力