今次柏林馬，好似發咗場夢咁。
由開始報名個刻，我已經知道呢條路係人稱「最速賽道」。即係呢條路好少上落、好少難轉嘅彎位，換句話講：做時間。由於自己嘅慢跑根基比較弱同跑量少，所以希望可以由基本做起，做好、做夠。

訓練 – 頭幾星期其實感覺幾好，強度調節得ok，有鬥志、有心法，Recovery都做得好好。目標係比SCM快大概10分鐘， a just right challenge。正因為我呢刻做唔到，訓練先有價值！

訓練中期 – 累積疲勞開始出現，再加上有一至兩星期睡眠質素極差，令本身已經要半勞動工作嘅我百上加斤。我嘅身體狀況承受唔到訓練。本身一課只係用Easy pace嘅長課我都只能夠勉強完成，訓練質素完全欠奉。

訓練後期 – 睡眠質素有改善，身體都回復得比早期好。但正值加量，里數要加、回復時間都要更長。可惜當我想提高強度嘅時候，香港天氣反常。我無機會用一個可觀嘅配速做一課30+公里長課。到最後，一課32k Fartlek要喺八號風球之後嘅晴天下勉強完成。

可能因為訓練時間太長，本身嘅雄心壯志已經燒到所剩無幾。加上自己嘅全職搞到我其實都無咩心機去理比賽嘅事。返工想瞓覺，放假都係想瞓覺…到上機前回想下過去20個星期嘅訓練，發現原來今次比賽嘅課題唔係時間，而係休息。上機前一晚都仲係休息得唔好，我要催眠自己：放鬆啲, 喺機瞓啦…

點知瞓瞓下，起身落機嘅時候成袋比賽衫Handcarry漏咗喺機！呢個打擊實在太大。我犯咗一個我想避免嘅錯誤，幸好仲有後備賽衫喺寄倉行李，所以不至於全盤損失。不過適應咗嘅衫/褲/Belt同賽鞋，兩對Incylene襪，兩副太陽眼鏡，拖鞋…

到埗後唯有即買即著，希望喺兩日間令到自己適應一對新鞋同新太陽眼鏡。雖然唔想使呢啲錢，不過呢一隻馬係我so far最投放心機資源嘅比賽，而我又好想test自己limit，所以都硬著頭皮，使啦！

由於遺失行李一事太令我心神恍惚，好多嘢都唔記得。調節飲食期間可能因為緊張，屙左3日…不過點都好，比賽都係要嚟！雖然有好多唔順利嘅事，不過都嚟到呢一步，練咗幾多就幾多。天氣唔容許長課，我唯有focus on quality；機場staff搵唔到行李，後備gear都要用；瞓得唔好就飲咖啡…條件limit咗我嘅能力、精神狀態同工具，我只可以用盡我嘅能力去發揮到最好。到呢刻時間成績真係其次，完成已經收貨。

0-30K – 今次比賽嘅配速係比較進取，頭10K都同謙哥Darren拍住跑，一路感覺都幾好，當去到半馬位，我知我已經pb咗半馬，不過再keep咁高強度一定快爆，所以我叫謙哥跑先，我要配一配速先再加，其實一路都好多人，要同人爭位，又要踩藍線，又要計住時間，都幾難兼顧；不過腦裏邊不停徘徊嗰句Now or Never！呢幾日辛辛苦苦，排除萬難咁嚟到呢一步，我要好好咁execute呢件事，所以沿途我都只係好專心咁望住前面同感受速度。講真，未試過呢一個距離開呢一個強度，真係好似另一個世界、另一個遊戲。

30-35K – 沿途一路補給，強度都掌握得幾好，提住自己做補給，提住自己飲水。沿途一路陰天，心跳強度都唔算負荷太重，為免我自己水滾，我都跑入咗水簾兩次降溫，可惜到第35K我開始感到少少水滾，而今次個心跳落唔返去，心知係爆嘅跡象，不過點都好，我唔可以停。用咗幾公里嘅時間，終於接受到今次要做到目標係冇可能，但係放棄同接受現實係唔同。

35-42K – 每一步跑都係痛苦、每一步都想行，因為我真係好耐冇試過爆。我嗰刻連Gel都無胃口食，我領會到有時啲嘢唔到你「撒賴」。 我不停提住自己：「放鬆，就算跌速都好，保持強度，唔好行。好好享受前35K無享受到嘅比賽氣氛、景物，同沿途嘅人。每一步嘅痛苦都係未來回味呢場比賽嘅一點甜。要好好珍惜每一刻嘅痛苦。」到最後，終於到達布蘭登堡門。我想加速，不過腹肌刺痛似尖叫，我真真正正體會到：無能為力…… 衝線後，有兩位工作人員扶住我，問我使唔使入Tent？我話：俾我企30秒，因為無論隻腳點郁都係會抽！

衝線前一刻，我知道今次不合乎期望… 不過自己都處理好條件限制，調整好心情，所以衝線前都為自己自豪一下。好多人都話唔知點安慰我，不過真心，我都俾自己一個pass。除咗甩咗兩三隻腳甲外，呼吸心跳精神條件都無礙，休養後可以再次上馬…

種種事情發生，有人為、有天意，準備咁多，有意外，就唯有係種種條件容許下做選擇。每個人每日都係玩緊條件限制賽。不過分別在於：你有冇盡力去令你有更多嘅選擇？盡管有萬全準備，個天唔俾你跑，就一定有方法令你跑唔到，所以好多嘢只可以：盡人事，聽天命，一切隨緣…

我並唔係撒賴同推卸責任… 因為事實上我真係有責任去manage好自己嘅嘢… 如今只可以講一句：輸經驗，不過而家又係一個新嘅開始，知自己有邊度做得好，有邊度準備不足，我又可以重新再洗牌，希望下次食得出！

最後：
多謝教練s @ngaikang @platolook
多謝幾位師兄比賽照住小弟 @hothoo @dadicz
多謝「你哋幾個」兄弟s有馬無馬都一齊操
同埋各位對過我有期望嘅人

🇩🇪🏃🏻‍♀️ 2023/10/04 比賽之後，好像只顧住遊山玩水，沒有再說過有關跑步的事。還有，對跑步好像有點陰影，暫時提不上興趣。 看來是真的要好好休息一下了。🙈 交代一下，比賽當日的情況吧 😝。

當天凌晨四點多便醒了，原因是 auntie 黃河決堤，心想：gg 了🤦🏻‍♀️怎麼比賽日才發生這種事？🥺 然後，再次爬到床上，希望再睡一會兒。

早餐吃了個大番薯，便準備出發，從酒店跟隨人群步行至起點。甫至比賽場地，便看見四處都是人。更有不少情侶在相擁道別，像是生離死別把愛人送上戰場般，依依不捨的道別，love is in the air，滿是浪漫。💕

我跟隨人群和指示走到起點區，尋找自己所屬的 Zone C。每個 Zone 的最前和最後均有由工作人員檢查號碼布的入口，確保大家所進入的都是大家編排的起步區。可是還是有很多人即使看見已經擠滿人群沒有立足之地，還是從中間的鐵欄爬進起步區，有的人並不屬於該 zone 的，讓本來已經擠迫的起步區，變得更加摩肩接踵、水洩不通。🤦🏻‍♀️

起步的時候，人群才緩緩移動，我走了差不多 5 分鐘，才走到起點起步。但幸好，大家起步後都加速向前跑，所以未有出現「塞車」的情況。天氣並不是十分寒冷，看看電話的天氣報告，就大概是13-14°C，便利雨衣已經足夠禦寒。

我跑了3-4km，背脊已經熱得冒汗。🥵 但跑了超過 5km 才有第一個水站，而且杯子都是很硬的可重用膠杯，跑步時飲起水來十分不便。😵‍💫後面是大概每隔2-3km一個水站，但全都是用比較大的膠杯。好處是每次都能補充很多水份，但是比紙杯難飲到水。而補充站的補給品，好像都是香蕉，到了大約 30km 後便出現了 power gel！

至於攝影師，卻少之又少，而且大部份都不在工作狀態。大多都在玩手機，任憑你不斷叫他，向他揮手，還是沒有想過要幫你拍照的。跟日本比賽的攝影師，簡直是有天淵之別，讓我後悔在賽前付費買照片。🤦🏻‍♀️幸好，臨近終點的攝影師開始多，而且比較熱心拍照，形成強烈對比。

至於氣氛，都算十分熱烈，柏林的民眾們都十分支持比賽，尤其是父母，都會帶著小朋友來給參賽者打氣。賽道還是不錯的，雖然間中有上斜落斜，但相對而言還是比較平坦。（比 Tokyo Marathon 賽道平坦，而且沒有暗斜。）

隨着時間的轉移，氣溫越來越熱。🥵完成比賽後，看了看電話的天氣報告，就大概是17-18°C，但加上熾熱的陽光，體感溫度應該超過 20 幾度吧，大會所派發用作保暖的膠氈，基本上沒有人在使用，反而大家都在找水站補水。

*照片由受訪者提供