華哥不專業鞋評 Asics GEL-Kayano 30

適逢今年係Kayano 30週年 – 自1993年開始主攻為偏平足或腳掌有過度外翻(內旋)問題而設計嘅一對厚慢跑鞋,而呢對鞋以足弓有足夠支撐為主 – 所以今代嚟一個華麗變身,除咗鞋型改咗之外,亦轉用新物料。Kayano 30係Asics第一對計算完整碳足跡嘅環保型跑鞋,利用環保中底物料同低碳製造,佢嘅碳排放量為10.7kg,低於其他品牌平均嘅14%,喺鞋盒同鞋墊上有明確標示碳足跡。

今代Kayano 30鞋面改用一塊工程網布,喺跑嗰陣透氣得嚟又唔會左右歪。佢腳踝位個包覆做得比較細緻同舒服,另外腳跟位有刻意加強支撐性,鞋踭內側邊高度會比外側高少少,應該係為咗加強內側嘅支撐。

中底改用FF BLAST PLUS ECO(環保概念中底)同將PureGEL放喺鞋内嘅後踭位,再利用4D GUIDANCE SYSTEM穩定系統,由寬度、長度、高度、時間4方面去改良。
寬度係加寬咗前、中、後掌,希望增加鞋底面積用嚟分散壓力。長度就係加長咗弧度引導重心轉移,減少足弓持續受力;高度係加厚咗中底,通過唔同嘅幾何設計嚟支撐內外側,希望有更好嘅緩衝。
時間就係指足弓位轉用咗更軟同更彈嘅物料(以前係用DUOMAXLITETRUSS去支撐,物料比較硬),目的係俾足弓更快回復到原位、減少足弓負擔。鞋底就用咗AHAR+膠增加耐用性。

呢對鞋喺著上去就已經覺得好柔軟同有彈性,唔似以前著慢跑鞋咁覺得好硬、好笨重。慢跑方面佢都算無可挑剔,當嘗試跑快小小,會發現佢都可以輕易控制到,同佢嘅外觀感覺有啲唔同。
當然跑到4分內/公里就會有少少吃力,始終佢定位係一對慢跑恢復同日常活動鞋,所以要求都唔可以太過份。呢對鞋我建議著嚟恢復慢跑同日常活動都好夠用。

asics GEL-KAYANO 30 極致穩定

asics的「Speed」、「Blast」系列,近期推出的各款型號都很有質素,也不斷為市場帶來驚喜;運動場上,真的見多了師兄師姐穿「Speed」及「Blast」各款型號衝圈慢跑,證明宣傳與產品質素/定價能夠相輔相成,自然會衍生好成績。
當然,asics也有一些長期發展的經典系列,就如以支撐及穩定性作主打的GEL-KAYANO,它亦剛好迎來第30代。

時下跑鞋眾多,就算質素再有自信,讓跑者能親自感受,是時下市場推廣的重要一環。
早前asics就與運動專門店Runderful合作了一次RUN WITH GEL-KAYANO 30試跑夜,讓參加者以5k路程感受30代的切實跑感,據聞試跑過後,有數位跑友已即時入手!

GEL-KAYANO系列一向以超穩定為風格,心水清的話,可看到品牌今次於中底部分,加入較多功能升級及改變,明顯更銳意將系列的穩定性特點,打造到極致。
中底物料升級為FF Blast Plus Eco,加入生物基成分,比FF Blast Plus輕量。中底就算比29代厚了4mm,仍沒增加重量,變相增強了緩震與回彈。

於足弓位可看到新科技系統 – 4D Guidance System的標示(取代了Litetruss),4D指於4大維度寬度、長度、深度、時間(足弓回正速度)都進行升級及加強穩定性。
整套中底系統的重點運作,是於足弓位加入一塊具承托力的灰綠色泡棉,讓正常足弓或扁平足跑者,都能透過GEL-KAYANO 30發揮穩定的步伐。

除了足弓泡棉,4D Guidance System的功能設置也延伸至整個中底。
包括增加鞋踭位由上而下的斜度,以及中至前掌的中底闊度。若由跑者視角望下去,可看到中底明顯比鞋身闊,著地時的穩定性可想而知。

至於在29代仍有出現的可視軟GEL,今次換成內置於中底的PureGEL(首次是於GEL-NIMBUS 25中採用),保持功能的同時,也貼合潮流,令外形更俐落。
除了「隱形」PureGEL,腳踭穩定器都隱藏到鞋身之內;鞋領設計則延續GEL-KAYANO的一貫厚度及舒適。

外底仍然是AHAR Plus,補強防滑膠於著地區域的分佈,與29代差不多。
於鞋盒及鞋墊位都印上了GEL-KAYANO 30的碳足跡數據(排放量10.7 kg),官方稱比產業平均值低14%

參加RUN WITH GEL-KAYANO 30試跑夜之前,筆者已著上30代來easy run11k維持在5:45 pace),也同日試了較快的22k4:55 pace),不用開鞋也不用run-in,已能提供很穩定的著地感,回彈與緩震同步充分協作,每步由前至中的傳送都很流暢。也沒有很強的推送力(因為根本不需要),讓你可踏實地控制穩定的步速。

相比起GEL-NIMBUS 25,筆者更為喜歡GEL-KAYANO 30的實在跑感。就例如要進行easy runLSD的話,後者會令跑者更能穩定發揮,輕易保持steady pacing
於足弓位的灰綠色彈性泡棉,保持或加速足弓著地後,能即時回復至正常位置,履行了4D Guidance System中的「時間」部分!