跑去飲咖啡 – 跑馬地 NOOT

講開跑馬地,繼續介紹埋另一間位置超方便嘅coffee shop – NOOT,相信大部分跑友經黃泥涌峽道入馬場時都會經過,門口嘅幾個座位,望落係幾chill幾舒服。
講吓杯咖啡先,order嘅時候佢地會問客人要nuttyfruityNutty嘅係Brazilyellow bourbon + yellow catuai,味帶milk chocolate / toffee / hazelnut Fruity嘅係Colombia + Ethiopia + Honduras,味帶citrus / grapefruit /cocoa

門口嘅檯面上面都放住餐廳menu,好聰明地放咗food menu喺第一版,方便入座前睇下有冇嘢啱食,salad / pancakes / all day breakfast / bakery / pasta 都有。入到counter order咖啡先發現仲有today’s special,一款sourdough、一款pasta、一款mashed potatoes,好適合跑完步醫肚。

店面唔算細,大概有10張檯,座位間亦唔算迫夾,門口有4outdoor座位。落order時店員會有一個座位表細心問你坐邊,方便serve咖啡同食品,而門口座位只會坐兩檯客,唔會坐得太迫。

☕️ Caffe latte w/ Oat Milk $47

評分:
☕️ Coffee ⭐️⭐️⭐️⭐️
🌿 Environment ⭐️⭐️⭐️⭐️⭐️
💰 Price ⭐️⭐️⭐️⭐️

📍 銅鑼灣黃泥涌道149號地舖
🏃🏽‍♀️ NOOT步行2分鐘好快到跑馬地馬場黃泥涌道入口

跑去飲咖啡 – 銅鑼灣 Cupping Room

跑馬地馬場相信係好多跑友最常去嘅一個「遊樂場」,其實馬場位置有少少「吊腳」,但勝在有個1.4km嘅大圈,無論easy run / tempo run / interval,喺呢度跑都會覺得冇咁辛苦。跑步前如果有少少肚餓又唔想食嘢,可以選擇飲杯咖啡,但最近馬場嘅Times Square(A出口附近嘅coffee shop都比較多人,呢一間就少人好多。

Lee Garden One嘅Cupping Room ,menu上面選擇唔少,除左一般咖啡外,亦有hojicha latte / chai latte。最特別嘅當然就係Coco Chanel,寫住係matcha/coconut/milk/espresso ,三個不同層次,以matcha latte做底,加上椰香syrup,再撞杯espresso落去,椰香味重,但又唔會搶咗抹茶味,非常特別。不過又椰香又syrup,應該係肥仔嘢嚟。飲完真係要落力啲跑喇!

House blend來自Colombia同Ethiopia,帶黑朱古力 / 莓菓 / 雲呢拿味,通常帶莓菓味嘅豆都會偏酸,但呢一隻飲落一啲都唔酸。

食物方面,有pizza / pasta / salad / all day breakfast,平時lunchtime都好full㗎!

加分位仲有呢度嘅環境,座位多而闊落,加上窗外光線令空間感十足,以前係樓上返工,朝早買咖啡都好想攞埋部
laptop落嚟chill吓!

☕️ Oat Milk Mocha $50

評分:
☕️ Coffee ⭐️⭐️⭐️⭐️
🥯 Food ⭐️⭐️⭐️⭐️
🌿 Environment ⭐️⭐️⭐️⭐️
💰 Price ⭐️⭐️⭐️⭐️

📍 銅鑼灣希慎道33號利園一期3306號舖
🏃🏽‍♀️Cupping Room步行至跑馬地馬場黃泥涌道入口大概7分鐘

跑去飲咖啡 – 尖沙咀%Arabica

上次介紹過堅尼地城嘅%Arabica,其實九龍區亦有一間好方便到跑友們跑步加歎啡嘅分店。

講緊嘅係K11 Musea%Arabica,分店位於商場外面海邊嘅正方形盒子,以外賣takeaway為主,無座位提供。不過盒子隔離有一堆雲石櫈,高矮剛剛好可當作檯櫈,又或者沿住海邊行,都一定會搵到位坐。對住個無敵海景歎咖啡真係好寫意,亦可以當作跑完步俾自己嘅獎勵。

%Arabica買咖啡,職員會問你要 %Arabica Blend定Single Origin。

%Arabica Blend係由4種咖啡豆混合深炒而成,味道Nutty得嚟帶smokey。至於由邊4種豆混合呢?店員就話由於商業理由,不便透露。鍾意呢種口味嘅話,店內都有發售% Arabica Blend咖啡豆,當然亦有EthiopiaColombia等不同口味嘅咖啡豆以供選購。每杯熱奶啡都會好有心機咁拉花,客人攞咖啡嘅時候會先睇到拉花,再自助冚返個膠蓋。連鎖店嚟講算係用心。

☕️ Cappuccino (w/ Oat Milk) $46

評分:
☕️ Coffee ⭐️⭐️⭐️⭐️
🌿 Environment ⭐️⭐️⭐️⭐️⭐️
💰 Price ⭐️⭐️⭐️⭐️

📍 尖沙咀梳士巴利道18Victoria Dockside K11 Musea地下K06號舖
🏃🏽‍♀️ 跑友可以由尖沙咀碼頭跑至紅磡海逸豪園對出嘅海濱公園,大概3公里,再跑返%Arabica,全程大概5.5公里。

跑去飲咖啡 – 堅尼地城%Arabica 

近年愈來愈多小型咖啡店誕生,店主通常都係咖啡愛好者,買杯咖啡都可以同佢哋交流吓傾吓計,大家不知不覺少咗幫襯連鎖咖啡店,主要係因為對咖啡嘅認識愈多,愈知道自己鍾意邊一類型咖啡,會發覺連鎖店選擇較少。

話雖如此,都仲有幾間唔錯嘅連鎖咖啡店。

%Arabica 為全世界發展最快嘅精品咖啡品牌,2014 年創辦人 Kenneth Shoji 喺京都創立旗艦店,品牌於 2017 年登陸香港,由當時嘅兩間分店,到現時發展到10間分店。

當中筆者最鍾意去嘅就有堅尼地城,鄰近海濱長廊,望住個海景歎咖啡,嗰種寧靜係香港少有。當然亦可以沿海濱長廊跑個步,以%Arabica為終點,獎勵吓自己。

堅尼地城分店分為兩層,以白色為主加上落地玻璃,地下室內室外都有長櫈,樓上仲有一排海景座位。

堅尼地城 %Arabica 仲有 % Soft Cram 咖啡味軟雪糕提供,唔係間間都有㗎!適合黃昏跑又驚飲咖啡會瞓唔著嘅朋友。

店內外坐滿嘅話,亦可以「To Go」,行過對面馬路嘅海邊歎。但就要小心睇車。

% Soft Cream(4oz)$30

評分:
🍦 Coffee ⭐️⭐️⭐️⭐️
🌿 Environment ⭐️⭐️⭐️⭐️⭐️
💰 Price ⭐️⭐️⭐️⭐️

📍 西環堅尼地城爹核士街1號裕福大廈地下G04號舖
🏃🏽‍♀️ 跑友如果由灣仔碼頭出發,跑至卑路乍街海濱長廊,大概5-6公里。卑路乍灣海濱向堅尼地城海邊邊向步行至%Arabica5分鐘

最新潮聖跑步路線 將軍澳跨灣大橋一圈

Leavehome Run,喜愛跑步、行山、跑山,及同大家分享跑步路線,
以雙眼跑步,用文字感受路線;
以跑步改變世界!😄

今次同大家分享最新潮聖跑步路線 – 將軍澳跨灣大橋一圈!

路線介紹:
📍長度:5公里
📍起點:將軍澳運動場
📍終點:將軍澳海旁
⭐️推薦度:⭐️⭐️⭐️⭐️
📸打卡指數:📸📸📸📸
🧗🏻難度:⭐️
🏔景色:👍🏻👍🏻👍🏻
🏃🏻好跑程度:😄😄😄😄

🥤補給點:將軍澳海旁(DONKI旁)/ 將軍澳運動場
🚻廁所:將軍澳海旁(DONKI旁)/ 調景嶺巴士站公廁 / 將軍澳運動場
🚌 交通:坑口 / 將軍澳地鐵站
🧳行李寄存:將軍澳運動場
🍽附近餐廳:將軍澳運動場、Jomo

📖推薦課表:
1)慢跑
2)Tempo
3)Hill Repeats

🛣路線變化:
1)將軍澳兔仔
2)跑2個圈10K

後記:愈跑愈覺好跑嘅跑步路線,路線由將軍澳運動場出發,跑出去海旁真正開始,一圈剛剛好5K,好易計,可以順時針或者逆時針跑,拍攝方向係逆時針。路線幾好跑,最鍾意係佢有少少上落斜,斜度係唔使減速都跑到,幾好,可以跑到更多programme。

缺點係太新,好多人散步同潮聖,有啲位要停低先過到,所以跑嘅時候都要睇時間,避免多人嘅時間練跑。

🎬🎬🎬
即可睇埋一鏡YouTube版

跑去飲咖啡 – 島中坊研

疫情關係,之前冇得去旅行,香港人多咗發掘本地景點,長洲絕對係係數一數二最多人去嘅離島,出名嘅當然係街頭小食,跑友應該都有聽過「長洲綑邊跑」,全長大概12公里,好多跑步Blog都有介紹。島上面亦不難發現多咗咖啡店,島中坊研係最多人推介嘅一間。

咖啡 menu 都係大路嘅 Espresso / Americano / Latte /  Cappuccino / Mocha 。點咗一杯 Oat Milk Cappuccino,正常水準,不過不失。Menu 上面有一杯 Espresso Tonic,寫明用本地品牌嘅 Tonic 調配,近年愈來愈多咖啡店利用 Espresso Tonic 製作特飲,鍾意 Tonic 嘅話可以試下。

勝在 menu 夠多嘢揀,飲杯咖啡又得、加件 cake/三文治/croissant 輕食、all day breakfast、午市便當、甜品拼盤咩都有。飲品除咗咖啡,仲有自家製糖漬梳打、茶類飲品、雪糕特飲。一間細細嘅咖啡店嚟講,選擇多到有啲誇張,一定有嘢啱食。只不過入到長洲,究竟係食個 all day breakfast 定留肚掃街好呢? 

環境絕對一流,室內有4-5張長檯,室外就有5-6張檯。聽聞唔單只週末,好多時平日都排晒長龍,咁啱上次係星期五去,12點前到達,室內滿座,一向鍾意坐outdoor,天氣涼涼哋、靜靜哋,飲杯咖啡都坐咗個幾鐘,市區難求嘅清靜。

☕️ Cappuccino(w/ Oat Milk)$46

評分:
☕️ Coffee ⭐️⭐️⭐️⭐️
🌿 Environment ⭐️⭐️⭐️⭐️⭐️
💰 Price ⭐️⭐️⭐️⭐️

📍 長洲中學路16號地下
🏃🏽‍♀️ 長洲綑邊跑以碼頭為終點的話,步行6分鐘到達

九龍通勤跑路線 尖沙咀去觀塘10K(2022重製版)

Leavehome Run,喜愛跑步、行山、跑山,及同大家分享跑步路線,
以雙眼跑步,用文字感受路線;
以跑步改變世界!😄

第一次見面,即刻出發,發掘由尖沙咀跑去觀塘路線,好遠?搭港鐵都要搭到尾站咁濟喎!其實呢,10k搞掂,同你輕鬆參加隻10k賽冇分別囉!

先約略介紹路線:
📍長度:10公里
📍起點:尖沙咀鐘樓
📍終點:觀塘海傍
⭐️難度:⭐️⭐️⭐️(5⭐️滿分)
😄好跑程度:😄😄😄(5😄滿分)

途經:尖沙咀鐘樓> 紅磡漁人碼頭>土瓜灣>翔龍灣>啟德>九龍灣>觀塘海傍

 補給點:
1)紅磡大環山泳池有水機(3K(疫情原因暫時封閉)
2)九龍灣油站(8K
3)終點觀塘海傍汽水機

🚽 廁所:
1)紅磡碼頭公廁(2K
2)九龍城新碼頭公廁(5K
3)九龍灣油站(8K),
4)觀塘海旁公廁(9.5K

🧳 行李寄存:無

🍽 附近餐廳:觀塘:珠記冰室

📍 前後延伸路線:
1)由西九跑到
2)觀塘繼續去將軍澳

後記:呢條路線可以煲番我 YouTube 拍攝嘅一境直落片。

跑時發現咗好多段都整緊路,今本身好好跑嘅路線都變得崎嶇不平、左穿右插,希望快啲整完,會回復正常,因為原本係好好跑嘅路線嚟。

Leavehome Run IG 
Leavehome Run FB
Leavehome Run YouTube

跑去飲咖啡 – Artista Perfetto

好多跑者都會有跑步前或跑步後飲咖啡嘅習慣。

咖啡因可以幫助提神,奶啡中嘅奶/豆奶亦可以為身體提供蛋白質,兩樣都有助提升跑步表現,跑步後補充蛋白質亦有助肌肉修復。

喺跑馬地跑完步前後想飲杯嘢,我就會去呢間巷仔角落咖啡店 – Artista Perfetto。

House blend嘅Cappuccino / Mocha 味道比較 balance,如果鍾意 Americano prefer nutty啲,同店員講聲就可以,但個人認為 nutty 嗰種豆仍然太酸。Menu上面亦有 S.O.E.,可以因應個人喜好選擇 Kenya / Ethiopia 咖啡豆。

同一般咖啡店一樣,AP亦有Cookies / Basque Burnt Cheesecake等等嘅小甜點供應。

偶然一次試飲咗 menu 上面嘅 Cascara Sparkle,係咖啡豆果肉同咖啡果實外皮做成嘅signature drink,因為咖啡果實外皮長期與果肉相連,晒乾後仍然保有部分咖啡果實香味,以外皮作基調浸泡出獨有嘅梅子、山渣同桂圓酸甜味,配合青檸與 tonic water,酸甜似果茶,味道相當清新。

店面唔算大,兩張 free seating bench,風格清新,店外面亦有一張 bench,冬天黃昏喺後街坐住長木凳都會俾到一種日本歎啡嘅感覺。加上鄰近 Times Square,算係鬧市中尋找到一點寧靜。值得一提嘅係,嚟呢度飲咖啡嘅都係享受寧靜環境嘅 coffee lovers,所以 free seating 之中大家都會 respect 彼此嘅空間,絕對唔會有迫嘅感覺。

好近跑馬地,跑完飲番杯啡,係跑友人生一大樂事(另一樣係跑後啤一啤)!圖片:Inez Leong Facebook

☕️ Iced Americano (Nutty) $40

評分:
☕️Coffee ⭐️⭐️⭐️⭐️
🌿Environment ⭐️⭐️⭐️⭐️
💰Price ⭐️⭐️⭐️⭐️

📍銅鑼灣霎西街3A號地下2號舖
🏃🏽‍♀️步行8分鐘到達跑馬地遊樂場

跑去飲咖啡 – 九龍灣Lungo

咖啡,係好多人生活嘅必需品,有人鍾意佢嘅香味;有人需要當中嘅咖啡因。跑步,亦係好多人生活中嘅一部分,有人為挑戰自己;有人為跑步時可以有me time;有人為減肥。兩樣都鍾意嘅人有好多,包括我自己。
由細鍾意飲咖啡,舊年終於考咗咖啡師牌,夢想係擁有一間咖啡花店;兩年幾前開始鍾意咗跑步,雖然係一個slow runner。得意嘅地方係兩樣嘢都驅使到我周圍去,周圍去搵running track,周圍去飲咖啡,最理想當然係搵到一間附近有running track嘅咖啡店。

試過Menu上面唔同嘅咖啡,Americano / Flat White / Cappuccino / Latte / Mocha / Dirty / Coffee Layer,可能係咖啡豆啱口味嘅關係,每次飲完都覺得好滿足。咖啡豆係nutty blend。

第一篇想介紹嘅係 Lungo
曾經係每個星期2-3次嘅早餐地方,喺九龍灣返工,早餐如果可以安靜飲杯有質素嘅咖啡,加一件bagel,絕對可以喺開始工作前幫自己打打氣。而且鄰近九龍灣運動場、兒童醫院海濱同啟德空中花園,想練跑前後飲杯咖啡亦非常方便。

雖然係小店,堂食大概只有4-5個位,但朝早坐喺窗邊回望吓街景,或者同店員傾下偈都好開心。





Bagel口味亦有不同選擇:Smoked Salmon / Chicken w/ Wasabi Mayo / Ham & Cheese / Avocado ,每次都即叫即造。外面脆,咬落口感煙韌,每款都會加上生菜,而且非常足料。想簡單啲嘅亦有plain / blueberry / all-in-one 芝麻洋蔥味提供。

下午茶時間落去coffee break加件muffin / cookie亦都係recharge嘅好選擇。

要留意嘅係店面細,座位有限而且比較迫夾,多人排隊嘅時候等侯嘅位置唔多,有時可能要喺店外面等,weekdays早餐/tea time或者跑步前後飲杯咖啡都冇問題,如果想同閨蜜打卡傾心事就未必係理想嘅選擇。

☕️ Cappuccino (w/ Oat Milk) $46
🥯 Smoked Salmon & Onion Bagel $54
☕️ + 🥯 Set menu $82 includes a $35 coffee

評分:
☕️Coffee ⭐️⭐️⭐️⭐️
🥯Food ⭐️⭐️⭐️⭐️
🌿Environment ⭐️⭐️⭐️
💰Price ⭐️⭐️⭐️⭐️

📍九龍灣宏冠道6號鴻力工業中心B座地下B3B號舖
🏃🏽‍♀️步行6分鐘到達九龍灣運動場,及附近嘅兒童醫院海濱及啟德空中花園亦可供跑步。

跑步與人:Joyce

1. 跑步年資?為什麼開始跑步?

大約3年前開始,很直接純粹是想keep fit,哈哈!😂

2. 跑步途中會想什麼?

多數放輕鬆唔諗嘢,聽住自己呼吸聲嘅節奏。

3. 最喜歡的跑步用品品牌?有沒有原因?

Nike佢哋嘅跑鞋比較適合我腳型,而且功能都愈嚟愈好。

4. 最喜歡一對跑鞋

路跑喜歡NIKE AIR ZOOM TEMPO NEXT% FK

山跑喜歡 The North Face VECTIV INFINITE

5. 喜歡跑山還是路跑?為什麼?

喜歡跑山多點,因為本身鍾意大自然同行山遠足,感覺上會比較享受,而且有好多地方可以唞唞回下氣,嘻!

6. 會以同一對跑鞋進行山賽及路賽訓練嗎 ?

不會,因為山鞋同路跑鞋功能唔同,要著返合適嘅鞋,就唔會容易令雙腳受傷,加上我唔捨得亂著山賽鞋,搞到鞋底嘅釘磨蝕晒!😆

7. 香港哪一段山跑路線覺得最吸引?

我幾鍾意麥理浩徑,尤其麥一至四,有平路有山路又有靚風景🤩跑都跑得開心享受啲啦!😁

8. 日常跑步路線?

路跑-屯門兆康至屯門碼頭一帶

山跑-虎地郊遊徑、九逕山一帶

9. 現時跑步目標是什麼?

😁~對於自己唔擅長路跑來講,Sub2嘅半馬都滿足了。

10. 喜歡什麼時段跑步(晏跑/晚跑)?為什麼嗎?

最喜歡早上歎完早餐就出發上山快閃一轉或者路跑8-10k,一早出完身汗,零捨醒神😆

11. 可用一句說話總結跑步對你的意義嗎?

堅持」- When you feel like quitting , remember why you started.

12. 有什麼社交媒體可以找到你?

Instagram: enjoyce.hike