跑步與人:Daniel So

1. 跑步年資?為什麼開始跑步?
8年。一開始係養生跑,話說2014年底驗身,驚覺壞膽固醇「很高」。驚訝係因為向來瘦底、飲食尚算均衡、間中運動(踢波),咁都過高?應該係遺傳。無論如何,都要積極「降醇」,決定從飲食同運動兩方面着手,開始咗隔日慢跑嘅目標。然後發覺有啲朋友、行家都有跑,就約埋一齊練跑、報比賽,由10K、半馬到全馬,漸漸領略到長跑嘅樂趣,但仍然係養生跑嘅層次,月跑量最多100K就膽粗粗跑初馬,結果當然係「撞牆」。
2019年中參加咗運動品牌跑班,接觸較有系統嘅訓練,亦體驗到團練嘅威力。自此想更認真跑步、力求進步,亦開始跟跑會。

2. 有沒有跟跑會或教練跑?選擇原因?
跟了Trailblazer黃啟樂教練一年半,主要鍾意訓練內容科學化、黃Sir會講解每課嘅目的同原理、強度適當(減低受傷風險)、每星期有課表、賽季有備戰課表。其次係欣賞黃Sir有心推動香港跑界進步,例如加強跑會之間嘅合作、扶掖年輕跑手。

3. 最喜歡的跑步用品品牌?最喜歡跑鞋?
服裝鍾意ASICSMizuno,一來偏好日系,二來可能較啱亞洲人身形。
跑鞋最愛adidas ADIOS PRO 3,今年初買嚟3月東京馬着,結果大PB。輕身、推進力強、厚底鞋嚟講算穩定,小腿負荷唔特別大(着過另一款碳板鞋覺得小腿好攰)。

4. 日常跑步路線? 最喜歡的練跑運動場地(原因?)
日常跑步路線 (i) 鰂魚涌海濱:近屋企,有海風、維港景、500米直路練interval都得;(ii) 康山斜路:屋企樓下,最慳時間,兼練埋斜路,跑慣咗就唔驚渣馬西隧;(iii) 寶雲道:近公司,善用 lunch time(iv) 跑馬地馬場:長課首選。
最喜歡運動場地:將軍澳同小西灣,因為較新淨、少人、場邊好多空間熱身。

5. 有沒有跑步傷患?如何處理?
算好彩,只試過2018年右腳足底筋膜炎,因為胡亂買咗對薄底鞋(當時仍然流行 racing flat)、未開鞋就着嚟快跑10K。當時冇處理,以為過一陣自己會好番,點知痛咗個幾月。諗番轉頭,可能應該碌按摩球、食消炎藥。

6. 最深刻的一場賽事?原因?
20233月東京馬拉松。深刻在於期待已久、大PB同時有點遺憾。本應係2020年跑,當時第一次抽東馬就中獎,奈何撞正COVID,名額保留到2023年至跑,但焉知非福,以三年前嘅跑力,估計最叻跑3:30,經過三年努力,結果PB3:52推快到3:10:53,但離今次嘅高標BQ尚有54秒差距。對自己表現已好滿意,但賽後檢討,總有可以改進之處,第一係比賽日早啲到,保證有時間去廁所同熱身,第二係賽前嗰日唔好行咁多街,雖然三年冇去日本真係好難忍……
大概有一點點遺撼,至有動力繼續向目標奮鬥💪 

7. 海外馬跟香港馬的分別?最想到外國哪裏跑馬拉松?
冇喺香港跑過全馬,姑且用渣打半馬嘅經驗同海外馬(日本)比較,有三大分別:(i) 天氣,呢點對成績最關鍵。香港衰在濕,就算比賽日咁好彩夠涼,潮濕環境都好影響發揮;(ii) 賽道,渣馬「三隧三橋」出名魔鬼,海外馬賽道當然唔係條條都似東京咁平坦,我跑過嘅奈良馬斜路之多應該超越渣馬,但日本天氣一般較香港適合長跑,令本來較辛苦嘅賽道都可應付;(iii) 氣氛,日本馬沿途超多市民打氣,賽前攞選手包嘅EXPO亦通常比香港豐富有趣。
已去過日本跑四隻馬,但日本馬總有再去嘅理由。此外,最想跑倫敦同波士頓。

8. 現時跑步目標是什麼?
今個賽季目標10K 40分內、半馬1:30內、全馬BQ3:10內)。

9. 未來想完成六大馬嗎?下一隻目標是什麼?
倫敦、波士頓我都想跑,但唔係因為六大馬,而係想去倫敦旅行探親、去「馬拉松殿堂」波馬觀摩。倫馬抽咗幾年都唔中,希望下一隻就係憑實力報名嘅波馬!對六大馬無特別感覺,冇打算追求「冬甩牌」。揀海外馬主要係配合旅行,所以我跑過四隻馬全部係日本,細賽亦有自己嘅特色。暫時無興趣去美國同柏林旅行。

10. 自己跑步,跟作為品牌Pacer跑步分別是什麼?
自己跑,有時專注於完成課表,有時Easy Run讓腦袋放空,都係只須顧自己。時間、地點、配速,全部可以自己決定、靈活處理。忙碌時,自己跑肯定較為time-efficient
Pacer則有種責任感,要「成就他人」。比賽帶pace固然要準要穩,同時兼顧路面安全同鼓勵跟你嘅跑友,幫助大家跑出理想成績。COVID期間帶比賽嘅機會唔多,日常主要喺各種練跑同city run活動中分組帶跑,通常配速唔使太講究,跑得相對輕鬆。成就他人,自己當然都有得着:幫助跑友完成賽事或訓練帶嚟嘅滿足感、識到幾位好教練同一班好隊友、帶跑時自己都練到嘢、解鎖自己未跑過嘅地方。

11. 跑步對人生有沒有幫助/改變?
健康咗(壓番低膽固醇)、社交圈子闊咗、話題多咗、覺得人生多咗個目標。
另一方面,長跑訓練投入大量時間,難免減少咗其他嗜好(打機、睇書、踢波)。

12. 期望未來和女兒一起跑步嗎?
期待!嚟緊11月我會跑日本下關海響馬拉松,幫阿女報咗2K fun run,希望佢都會被日本馬嘅氣氛感染。我有時去運動場練跑都會帶埋佢,教佢做動態熱身、一齊輕鬆跑、拉筋cool down。我話搵次帶埋佢上跑班,佢追問過幾次幾時帶 😂
阿女肯同我跑步當然好,但只要佢愛上運動、有定期運動習慣,無論跑步、游水、球類乜都好啦。

13. 最後一題,有什麼社交媒體可以找到你?
IG: daniel_sopuifung

馬拉松與人:黃啟樂 布拉格馬拉松

《布拉格馬拉松》🇨🇿 2:25:32
連環的不幸,賽事由三月初東京馬到首爾馬,輾轉兩個月到布拉格馬拉松。

由上年七月黃金海岸到現在,10個月跑八場路跑賽事。當中勉強再延長兩個月賽季,早已感覺不在最佳的狀態。原本教練認為首爾馬應作完結避免過度消耗,但我想法是「有始要有終」,我想有個答案現時能力位置,更好了解自己強弱為未來訓練作準備。所以平衡過後,目標下調至226內,由從前130-140km,近712)星期訓練回落去至平均100kmPB了六分鐘,但當然不是所追求的理想時間。不過「過去未完成的,交給未來的自己創造」!

今次馬拉松特邀選手的安排,有個人補給站及優先起跑安排。海外跑手外,當地精英跑手亦有相同待遇,寄望香港未來賽事都可以有類似support給予本地前列選手。Pacers亦對運動員起正面作用,本地能有男子2:24 – 2:30配速員或女子2:38-2:45配速員(港人香港場地記錄 – 過住top5時間),以上等因素有利本地運動員創造佳績。(有機會我做配速員都可以,個人賽程時間可行的話👈🏽頭盔🪖)

在「壞」的日子裏,跑「最好」的自己。今次布拉格馬拉松已經好完滿🫶🏽 ;「壞」的日子裏,亦充滿幸運, @jamieiiu @adidashk RtoR的推薦及贊助令今次能順道參賽,減輕經費,不然未必跑。跑會工作上,多了好多小助手👨🏽‍💻👩🏻‍💻,教練/助教們 @tom_cheng0212 @godwin_tam0211 @perrychowlw @ccon_drew @mkchung1994 的教學協助🫂,學生們的包容。令我望到投放更多訓練時間的可能性。

感謝 @nutellatrail 及 @siusiubonbon 工作安排中的遷就及心靈支持🫂 @team.solo.werun 隊友們 @ngaikang @ccwvk @tom_cheng0212 的訓練中相伴及 @heiyinyuen 體能上的鞭策🙃家人、 @virginialyc 其父母的落力支持👨‍👩‍👧‍👦充滿愛❤️