1. 成為PT（Personal Trainer）年資？
大概3年，喺Fitnez就1年左右。

2.之前工作是什麼？為什麼會有興趣成為PT？
之前有打算考消防，但屋企人唔太喜歡，所以選擇咗做 PT。雖然之前Covid對都有影響，但真心喜歡做運動，所以覺得健身教練嘅工作其實都好適合自己。

3. 最擅長的訓練是什麼？
改善體態。城市人由於工作，成日久坐而導致腰痛，又有好多「低頭族」而衍生肩頸痛…呢啲痛症其實都可以透過不同嘅運動動作嚟改善。

4. 有冇遇過什麼麻煩的客人？又如何處理或解決呢？
都冇遇過特別麻煩嘅，每個客人都有唔同需要，總之先同佢地定下大目標（如：減肥/增肌），再改善佢地嘅動作，一步步嚟。

5. Inez（梁諾妍，Fitnez老闆娘）都有叫你們一班PT一起跑步，對跑步有什麼感覺？
本身年輕時都係田徑隊嘅，雖然唔係長跑，但都唔會抗拒跑步。都希望可以愈跑愈長，甚至可以參加長跑比賽啦。

6.見你經常在做重訓，喜歡Squat / Deadlift?
兩樣都會多做，反正都係可以練到大腿肌肉。（今次影相就選了Squat動作，因為影相效果靚啲）另外，都喜歡用barbell，是因為穩定性高，對於高階嘅學生先會使用kettle bell做訓練。

7.之前你亦是三級跳運動員，身形比較瘦削。喜歡那時的自己還是現在的肌肉型呢？為什麼會有這樣的轉變？
較喜歡現時肌肉型（笑），因為之前著衫唔好睇。亦因為咁，所以先不斷健身增肌，慢慢變成咗今天甚至以健身作為職業。