20 11 月
INTERVIEW

馬拉松與人：Jade 金沢馬拉松

My first marathon
Gun time: 3:24:02:
Chip Time: 3:22:02
⌚️: 3:19:39（睇最後就知點解🤣）

158日的訓練，1680km堆砌的神奇42.195km
由打算上馬時嘅目標 Sub4 到想 sub345，再到加入 adidas SpeedSquad phase 1 練習後，有信心目標 sub330，

訓練中後期又好想挑戰下自己，偷偷將目標改 sub325，賽前又衡量咗一下自己嘅能力，好想試下sub320！（事實係自己能力真係未夠🤣🤣）

初馬大成功，最多謝嘅係我「背後」嘅男人 @hin_mau，報埋名同我一齊練習、一齊去跑。機票、交通、行程等等都幫我安排好，等我安心工作同專心練習，知道我嘅目標諗法，由練習到比賽都由我自己闖，默默地支持我
（都有苦口婆心勸我唔好俾自己咁大壓力）。

講返比賽。
落到場真係腦裡面凈係記得個句：「唔好開快」，只記得頭半段唔攰係正常，同埋邊個位要補給，加上有 @woodeewoodee @wong_tai_wai @kidult_halu 帶住走，信心大好多！佢哋提我埋水站，好彩學得快，經過頭3個水站嘅練習，之後埋水站都唔緊張又拎到水，係辛苦幾位忍受我成日跑跑下就拎張紙巾出黎抹鼻涕，haha！😂

話咁快就過完傳說中嘅最難頭 14K, 但都保持到均速去！到 21k！好認真地去感覺自己攰唔攰，ok！狀態都唔差，笑得出，回應到周邊打氣嘅人。

保持均速，希望應該問題不大呀。但跑跑下見到 @hin_mau 喺我後面係咩玩法？係中途去大？定係整親？ 擔心了很久！！！！

全程好專注地跑，望下隻錶，欣賞下風景靚，好多可愛小朋友熱情打氣。有三段路，跑跑下聽到有人嗌：Jade 加油，唔知係邊位朋友仔, 謝謝你啊！！！！
跑跑下又有個係後面追住嗌：加油啊 adidas 加油！收到晒！🫡🫡
28k左右，突然覺得頂趾，同自己講唔緊要㗎，keep 住去，好快到終點了。

再前小小…點解咁多上落斜㗎？點解要上橋㗎？Ok 搞得掂嘅…
終於到差唔多 35k 位置，上緊暗斜，@hin_mau 喺後面追返我，終於可以放心了。

走完呢段，突然感覺到髖緊咗一下，心想不妙！隔一陣感覺到膝外側痛了，無意外，係中咗 itbs，灰咗！

唯有不停同自己傾計, 又唔係無痛過，好驚咩？跑完飲啤酒啦！
重新振作起來，只要體力同精神都還在，忍耐下、跛下跛下就到終點了。
於是靠住意志盡量唔好跌太多速地跑，
唔小心望到自己隻錶，40K@3:09:XX，開心嘅，即刻精神返小小！
強撐落去勉強都可以 sub320！

再前小小…點解大會牌係顯示 40k？？？

原來我 7 咗，掛住睇錶距離，完全忽略左大會距離同時間，因為自己蠢豬，又灰咗一下，真係又嬲又好笑！
最後 3k，開始感受到真的攰了，核心 hold 唔到了，最後 2k 好似跑了 20k 咁耐。衝線永遠係最激動嘅！

嗰下，原來過往練習嘅辛酸、後段嘅腳痛、自己蠢豬事件嘅委屈係會全部一下爆發出嚟！未激動完就有個當地記者隊咗部機嚟話想訪問，好彩有 Hin 接住咗我，無俾人影低我喊包樣…😭
最後…賺了自我挑戰嘅成功同喜悅，賺了崩壞嘅 itbs；仲有兩隻腫三日嘅腳趾公 & 波子骨（已經好返）！

完
繼續投入練習，下一場馬見！

07 11 月
INTERVIEW

跑步與人：Joey

1. 跑步年資？為什麼開始跑步？
從接觸跑步起計，是 8 年；真正有系統訓練的話，是 3 年。中四開始跟學校田徑訓練，不過當時兼顧學業，同時準備中六 DSE，所以疏於練習。後來升上大學跟校隊訓練，當時卻又不想專注跑步，一直對練跑都不上心。直至投身社會大學，才開始真正堅持每星期練習。

2. 有沒有跟跑會或教練跑？選擇原因？
RMAC 文少杰教練。原本大學時期只依賴校隊訓練，year 4 時經校隊教練介紹，加入了文少成立的 WeMan。跟文少練習後，成績有所提升，期望之後可以繼續進步，一起努力！😆

3. 日常練習跑步地點或路線？原因？
跑 program（intervals、tempo etc..）的話會到運動場，jogging 的話喜歡跑街，例如馬鞍山海濱長廊、大埔吐露港、沙田城門河，可以放鬆心情看看風景。

4. 最喜歡的跑步用品品牌？最喜歡一對跑鞋？
Adidas 為我提供了訓練及比賽所需的裝備，跑鞋 adios Pro 3 更是助我在各項路賽中有所發揮。

5. 有沒有跑步偶像？原因？
Sifan Hassan，短至 800m 長至馬拉松都有很好的成績。

6. 最深刻的一場賽事？原因？
2023 渣打馬拉松 10km，賽前幾天突然感染了 Covid-19，以為不能出賽了。當時很失落，因為努力準備了很久。白天上一整天班，下班練跑，回家還要溫習或寫畢業論文，然後第二天又重複著。稱不上很辛苦，但確實投放了不少心機準備這場比賽，最後跑不到的話，十分可惜。

幸好是第二次感染，身體復原得比想像中快，4 天便康復了，剛剛好在比賽前一天轉為陰性，身體感覺也十分良好，所以決定出賽。雖然康復，但始終令狀態大打折扣，也告訴自己盡力就好，不要太過博命。最終上場，竟僥倖獲得女子壯年組第三名、全場第五名（要哭了🥹）。一直付出的努力沒有白費，也很感激一路走來幫助過我的人。

7. 有沒有跑步傷患？如何處理？
很幸運，暫時未有傷患。

8. 除了跑步，有沒有做交叉訓練（例如舉重/游泳/瑜伽）？對跑步有沒有幫助？
每星期都有一課體能訓練，提升肌肉狀態；肌力好了，跑步表現也會有所提升。 偶爾也會做瑜珈，拉伸及放鬆一下身體。 

9. 有沒有因為跑步而放棄了其他運動？
跳舞是我另一項興趣，但近年全職上班、兼職讀碩士，工餘時間則專注練跑，可投放於跳舞的時間已經很少。

10. 見你一直都是跑中短途，未來會試挑戰長距離如半馬、全馬嗎？有沒有哪個比賽好想參加？
將於今年年底到台北跑我的初半馬，而全馬則暫時未有計劃，但應該會是 1-2 年後的事。

11. 未來有什麼比賽？現時跑步目標是什麼？
會跑些路賽及田徑賽，例如 RMAC 15km、台北半馬及田徑系列賽等等。跑步目標就是各項距離都希望有好成績！

12. 另一半有跑步嗎？對你跑步有意見嗎？有沒有到比賽現場支持你？
只要我想做的，他都十分支持。他以前是短跑運動員，所以更加明白練跑所需的時間和心力。雖然他現在已沒有練跑，但偶爾仍會陪我慢跑或練習。每次比賽他都會陪我一起去，給予我很多鼓勵及支持。

最後一題，有什麼社交媒體可以找到你？
個人IG: sumgirlwong
Team IG: wemanbyrmac 

*照片由受訪者提供

06 10 月
INTERVIEW, MAGAZINE

黃金海岸15公里賽2023 長跑女生備戰攻略

現時坊間有很多不同風格的路跑比賽，以各種特色或Character Run的形式呈現，以吸引更多不同需求的參加者，然而，一些傳統「本格式」（即以經典形式作為風格）路跑賽依然有著它的獨特魅力，成功留著不少跑手的心。

以「黃金海岸15公里賽」為例，首先，賽道大部分都是平路，超過90%是沿著汀九引水道，其次，只有兩個折返點，讓跑步過程更加順暢。再者，賽道景色宏偉，可以飽覽汀九、青馬兩橋以及藍巴勒海峽；更吸引跑手的是15公里賽事比10公里更具挑戰性，不論是作為TT（Time Trial）又或作為之後的半馬、全馬預戰賽事，估算自己的配速及能力，比賽的時間安排都非常適合大家！

今年，賽事名為「amazfit Cheetah x RMAC 黃金海岸15公里賽2023」，RMAC教練之一的Chloe和跑手Sum女都是首次參加這場賽事，讓我們一起看看她們是如何為這場比賽做準備。

1. 有什麼吸引你參加「黃金海岸15公里賽」？
Chloe：「其一應該係佢嘅景色，中間會見到汀九橋嘅靚景！除此之外，因為佢頭一公里係要上斜嘅，呢個位我覺得好有挑戰性！」

Sum女：「因為我暫時跑過最長嘅比賽係10公里，所以我想今次試下15公里嘅比賽。加上我嚟緊會跑半馬，所以參加佢嚟作個預戰，估計下自己半馬嘅狀態會係點。」

2. 會怎樣準備這個15公里賽？
Chloe：「因為一起步就要上斜，跑斜路體力要求較大，而家已開始練多啲斜路課等身體適應同埋強化肌肉；同時因為15公里同跑開嘅10公里比賽，喺體力同配速上都好唔同，所以會練長啲距離，將平時6至8公里嘅課，增加到每星期兩課、12公里左右嘅。」

Sum女：「因為我而家個課表都係準備緊台北半馬同埋渣打半馬，所以都冇乜需要特別調節，只係加返長少少距離咁去練。」

3. 很多人都會以「黃金海岸15公里賽」作為之後半馬或全馬的預賽，你們都是？
Chloe：「我自己下半年有唔少時間會係海外所以冇乜報大賽。但我就覺得呢個15公里賽，好適合用嚟備戰渣馬同港珠澳半馬、美津濃半馬，或者係海外馬等等，都好啱用佢嚟TT或者作為其中嘅長課訓練。」

Sum女：「好似之前咁講，我預備緊台北半馬同渣打半馬。呢個15公里賽當係俾我一個預計，睇下自己身體狀況同耐力，有冇需要再做咩調節去應付半馬。」

4. 目標時間是？
Chloe：「今次主要係同跑會一班教練一齊參與跑下開心下，for fun咁，冇乜時間壓力！」

Sum女：「希望可以跑到4:00 pace，大概1小時左右完賽。」

5. 會穿著什麼跑鞋出戰？
Chloe：「我會試下對On Cloudstratus 2，開咗對鞋冇耐，個回彈力同緩震都幾好。」

Sum女：「比賽我多數會著adidas ADIZERO ADIOS PRO 3，我比較鐘意啲好『去』嘅鞋！」

6. Chloe你作為跑會教練，有什麼想提醒大家作賽時要注意？上落斜時又需要留意？
Chloe：「通常比賽一起步時都會好興奮！因為頭一公里係上斜路段，所以建議大家要冷靜啲，保留番個體力先。上斜時要保持眼望前面，身體輕微前傾，保持擺手，步頻密少少同時亦記住避免過分跨步，keep住平均嘅步距就可以。」

「接近終點前亦會有500米落斜嘅，到時最好都係要保持番平穩嘅速度。因為都已經跑咗10幾公里，體力都用得差唔多，如果忽然加快或步幅過大較容易受傷或者仆親。希望大家都可以安全完賽，開開心心咁享受呢個『黃金海岸15公里賽』啦！」

amazfit Cheetah x RMAC 黃金海岸15公里賽2023

即時報名連結
日期：2023年11月12日（星期日）
起跑時間：09:00
比賽路線：汀九引水道（九成平路）
集合地點：在青山公路汀九停車場
報名費用：每位港幣 330 元正 *當中 20 元會資助 MercyHK 給無家者身心靈的支援服務

獎項及紀念品

  • 紀念品：所有參賽者跑畢全程者，均可獲得紀念 T-Shirt 乙件
  • 全場首名男及女子，各可獲得 amazfit Cheetah Pro 手錶及現金獎 HK$1,000，各個人組冠軍可得 amazfit Cheetah Round or Square 手錶，亞軍可得 amazfit GTR 4 or GTS 4，季軍可得 CW-X 短壓力褲
  • 各個人組首三名均可獲得 Nike 跑鞋乙對（合共 27 對）
  • 個人組首三名均可得現金獎、各組所有得獎者均可得獎盃乙座
  • 所有獎項及紀念品只可在大會指定時間親身領取，不設預領、代領及補領，賽後將不會補發任何紀念品及獎品
25 9 月
MAGAZINE

柏林馬拉松冠軍跑鞋 adidas ADIZERO ADIOS PRO EVO 1

2023 柏林馬拉松以 Kipchoge 第五次奪冠而落幕。
由於 Kipchoge 並沒有再次打破世界紀錄，所以話題都放在女子組衛冕冠軍 Tigist Assefa 身上。

Assefa 著用了 adidas 於賽前幾天才發佈的 ADIZERO ADIOS PRO EVO 1，以 2 小時 11 分 53 秒的成績，將原有女子馬拉松世界紀錄提高 2 分 11 秒，並順利摘下冠軍。

女子組亞軍 Sheila Chepkirui 同樣著用了 ADIZERO ADIOS PRO EVO 1 – 歷史最輕競速跑鞋，以 2 小時 17 分 49 秒拿下女子組亞軍。

男子方面，adidas 運動員 Tadese Takele 在個人首次全馬比賽中取得 2 小時 3 分 24 秒的成績，奪得第三名。

另有兩位運動員在 ADIZERO ADIOS PRO EVO 1 的加持下，創造個人 PB：主場作賽 Amanal Petros 跑出 2 小時 4 分 58 秒的德國國家紀錄；另一個是肯亞小將 Philemon Kiplimo，以 2 小時 4 分 56 秒跑出 PB。

柏林馬拉松中，共有男女共 7 名頂尖運動員上腳 ADIZERO ADIOS PRO EVO 1。可惜的是日本新谷仁美未能 PB 和打破日本紀錄。（左圖）

ADIZERO ADIOS PRO EVO 1 的全馬首秀 – adidas品牌歷史上最輕的競速跑鞋於 9 月 15 日發佈，便在世界賽範圍內引起大量關注。
東京奧運會女子馬拉松金牌得主 Peres Jepchirchir（右圖右一） 在 2023 英國大北跑（Great North Run）中首次著用該鞋款便拿下冠軍，除了向外界展示了實力，同時也令眾多跑者對它在柏林全馬中充滿期待。

ADIZERO ADIOS PRO EVO 1，鞋重138g（US 9/42.5碼），近年超級競速鞋中最輕的一款，定位是刷新馬拉松紀錄。

重新設計的 Lightstrike Pro 中底，前掌 33mm 後跟 39mm（只有 6mm 落差），中底的碳趾與 ADIZERO ADIOS PRO 3 的形狀稍有不同，且在中底的位置更靠後，長度約為腳長的 60%；沒有鞋墊，穿上腳底直接接觸中底。

ADIZERO ADIOS PRO EVO 1 本質上可以視為 ADIZERO ADIOS PRO 3 的終極精簡性能版，但使用壽命不會很長，官方的說明卡上建議這雙鞋是一次熟應期訓練，再外加一場馬拉松競賽。

而售價也是市場上碳板跑基最貴的 500 美金，首批限量 521 雙，每雙都有獨立標號。目前 ADIZERO ADIOS PRO EVO 1 暫時僅提供給 adidas 旗下的專業運動員作為競速裝備專用。

2023 上半年，adidas 以 ADIZERO ADIOS PRO 3 在馬拉松賽場上屢次帶來冠軍。先是肯亞女子選手 Rosemary Wanjiru 在東京馬拉松成功登頂，再在波士頓馬拉松上幫助 Evans Chebet 順利衛冕。

adidas 看來不滿足於「競逐冠軍」的 ADIZERO ADIOS PRO 3，研發出「adidas品牌歷史最輕」的 ADIZERO ADIOS PRO EVO 1，看來是致力保證品牌成為「最速跑鞋」之地位。

adidas 此次用柏林馬拉松女子賽場的勝利正式開啓 2023 下半年馬拉松賽季，到底ADIZERO ADIOS PRO EVO 1 在接下來的芝加哥、紐約、甚至華倫西亞這一個最速賽道，可以達到什麼成績？絕對令人期待。

27 7 月
INTERVIEW

跑步與人：Hin

1. 跑步年資？為什麼開始跑步？
跑齡 5 年，2018 年同一班朋友組隊玩斯巴達障礙賽，入咗佢哋嘅 WhatsApp group 之後，不斷俾佢哋 send 出嚟嘅比賽相同完賽牌荼毒，所以開始落坑接觸跑步及參加比賽。

2. 有沒有跟跑會或教練跑？選擇原因？
我教練係陳偉龍 @RunWithHongKong 。
剛接觸跑步時係上網自學，及參加 Adidas Runners Hong Hong 嘅活動跟跑及學跑姿，之後因為疫情冇活動跟，就自己上網搵 program 練，但成效唔大，所以 2021 年開始就搵偉龍 sir 練跑，上咗第一堂就後悔…點解唔早啲正式學跑步，原來我一直以嚟連呼吸、熱身、做技術呢啲基本功都未識，唔好講話跑步。好彩得偉龍 sir 細心教授，而家穩定進步中。

3. 最深刻的一場賽事？原因？
暫時係 2019 年渣打全馬，因為係初馬有好多錯誤，如練習無系統，當日遲起步仲傻更更追嗚槍時間，未到起點就開錶，頭段已經開緊 zone 3/zone 4 等等，最終做唔到目標時間。最大嘅問題係到現時都未有機會再跑呢條賽道，所以暫時最深刻。

4. 跑步對人生有沒有幫助/改變？
本身係個比較心急同容易逃避難題嘅人，跑步令我學識咗無嘢係慢慢做而解決唔到嘅。

5. 最喜歡的跑步用品品牌？最喜歡跑鞋？
無特別喜歡嘅品牌，因為我覺得每個品牌或每款產品都有佢嘅獨特性，所以最緊要揀啱自己及不同情況使用。但如果計情意結一定係 Adidas，因為由細個踢波到近年跑步都係 Adidas 陪我成長。
最喜歡 Adidas 嘅 Adizero Adios PRO 3，因為啱腳型，同埋著上腳就有一種安心嘅感覺。

6. 日常跑步路線？
平時衝圈會喺運動場， easy run 會喺荃灣海濱、青公或紅磡海濱， 長課多數都係吐露港至沙田。

7. 最喜歡的練跑運動場地（原因？）
九龍仔公園，因為近我、有樹蔭而且 8 字圈 1,400m 有左轉及右轉，練中長 tempo 唔使轉到腳痛。 

8. 跑步途中會想什麼？
會諗住熱身時做技術嘅感覺同埋用感覺檢示自己嘅跑姿。

9. 知道你另一半有跑步，會否一齊練習？怎樣互相扶持/鼓勵？放假都會一起練習？試過一起比賽嗎？
有呀，除咗速度課之外， tempo 同長課都會盡量一齊練， 最大嘅扶持係跑完互相按腳或踩腳 😝，同埋會傾下大家當日跑得好或唔好，互相鼓勵從而改進、互相監督有冇拉筋同做體能。
練路跑都還好，早上跑完都仲有半日時間；如果操山就會全日都只有練習，不過我哋好享受，因為練跑就係最好嘅假期活動。
暫時只係越野跑試過一齊比賽，嚟緊 10 月尾金澤馬拉松會一齊落場。 

10. 你同時是一位健身教練，有什魔意見可給予跑手？哪部分的訓練最易被忽略？
我會建議大家每星期加一天至兩天肌力訓練（視乎跑量及強度），另外如果練跑後有時間，都建議做 3-4 組 30 秒至 1 分鐘嘅 core 練習。
多數人最易忽略嘅部位係大腿後肌，所以後肌訓練係不可或缺，如在冇器械輔助，初階可以做 Glute bridge，而進階可以做 Single-leg deadlift。

11. 現時跑步目標？未來有什麼比賽及目標？
暫時目標係 10 月金澤做到 sub 3:25 及 2024 渣馬，目標當然係 sub 3:00。 

12. 最想到外國哪裏跑馬拉松/越野跑比賽？
最想跑倫敦馬，因為我覺得沿路的英式建築及名勝景點好優美，邊跑邊欣賞一定好正。

13. 最後一題，有什麼社交媒體可找到你？
IG: Hin_mau
Facebook: Hin mau

08 6 月
MAGAZINE

adidas ADIZERO最新成員 BOSTON 12、ADIOS 8登場

adidas running宣佈革命性跑鞋系列ADIZERO最新成員 – BOSTON 12及ADIOS 8正式登場。初代BOSTON及ADIOS分別於1982及2008年面世，長跑界傳奇Haile Gebrselassie就是於ADIOS 1面世同年穿著它打破自己所創下的世界紀錄。

ADIZERO BOSTON 12的研發過程中經過了多位肯亞頂級跑手如：Peres Jepchirchir、Abel Kipchumba和Angela Tanui的測試。確保BOSTON 12的性能和表現能成為跑手們的最佳裝備。

研究結果印證BOSTON 12所配備的高性能技術，令跑手們於速度訓練時感受到如比賽時的真實感。而ADIZERO ADIOS 8則為一對全面的比賽跑鞋。

adidas高級環球產品經理（跑鞋）Charlotte Heidmann表示：「adidas跟眾多世界上最成功的運動員合作，有幸可以近距離的聆聽他們對產品的意見，基於這些意見作出改善，這點對於adidas開發新產品時十分重要。」

「在開發這對BOSTON 12跑鞋時的測試，令到這款跑鞋成為速度訓練和節奏跑時的強大裝備，另一邊廂，我們亦製造了更加輕量和柔軟的ADIOS 8。」

BOSTON 12 – Train To Race

BOSTON 12讓跑手從日常訓練過渡至最佳狀態進入比賽日，是一對十分輕量快速而提供高能量回饋的訓練用跑鞋。

ADIZERO BOSTON 12的功能重點：
・Engineered Mesh – 在跑手進行節奏跑時提供鞋身透氣功能，針對性設計亦掌握了不同區域的承托需要，以保持足弓的穩定性及前掌的活動性；
・Energy Rod 2.0 – 高性能玻璃纖維設計，從腳尖到腳踭無縫承托，帶來穩定推進力；
・Lightstrike Pro + Lightstrike 2.0中底 – 超輕盈Lightstrike Pro為每步賦予緩衝性能，助你全程盡享充足能量。而全新的Lightstrike 2.0則提供了更高緩衝感；
・Continental Rubber – 馬牌橡膠外底都能發揮超強抓地性能及耐用性；
・環保物料 – 鞋面包含最少50%循環再用物料，致力減少塑膠污染。

ADIZERO ADIOS 8 – Race To Win

ADIZERO ADIOS 8專為跑手爭取個人最佳比賽成績而設計。

ADIZERO ADIOS 8的功能重點：
・輕巧的網布面料 – 全新面料建構有史以來最輕量的ADIOS鞋款，以最新的micro fit紋路編織，令跑手於全速衝刺時亦能保持腳掌穩定；
・ENERGYTORSION ROD 2.0 – 於中底安裝了最新的ENERGYTORSION ROD 2.0，從腳尖到腳踭以碳纖維棒承托，每一步都跑得更利落暢順；
・Lightstrike Pro + Lightstrike 2.0中底 – 超輕盈Lightstrike Pro為每步賦予緩衝性能，助跑手全程盡享充足能量，而全新的 lightstrike 2.0則提供了更高緩衝感；
・Continental Rubber  – 馬牌橡膠外底發揮起強抓地性能；
・環保物料製造 – 鞋面包含最少50%循環再用物料，致力減少塑膠污染。

24 3 月
INTERVIEW

跑步與人：Jade

1. 跑步年資？為什麼開始跑步？
大概3年左右。喜歡跑步，真的與減肥無關。單純地因為跑步呢件事完全地改變咗我，令我變得開心！

2. 見你有跑山，喜歡山跑或是路跑？為什麼？
兩樣都喜歡，兩種不一樣嘅體驗。路跑：路況比較穩定，好多時思緒都係處於放空嘅狀態，可以專注地跑。
而跑山又係另一種享受，山上地形相對複雜，途中有好多不確定性，每一步都係自我挑戰。喜歡置身山野中奔跑，努力一步步上到山頂，睇到一覽無遺嘅風景時，就會覺得一切都值得。 

3. 會以同一對跑鞋進行山賽及路賽訓練嗎？
唔會，山鞋同路跑鞋要求唔同。為減少受傷風險，我會選擇返合適嘅鞋。

4. 九龍仔/跑馬地/九龍灣都見你跑，最喜歡的練跑運動場地？為什麼？
九龍灣運動場，可能因為平時練習都係喺九龍灣，對環境比較熟悉。

5. 最喜歡的跑步用品品牌？有沒有原因？
衫我會比較喜歡Nike，覺得款式靚；跑鞋會喜歡Adidas，款式靚之餘，大多數款式都適合我腳型，著得舒服。

6. 喜歡一個人跑還是一班人跑步？為什麼？
兩者都喜歡，一個人跑是享受Me Time，放空自己，安靜又自由嘅感覺，係自我減壓嘅好方法。但一班人跑係非常歡樂，大家都熱愛跑步，在途中互相鼓勵、吹水講笑，不知不覺就跑得更遠。

7. 另一半都有跑步，對你跑步有影響及幫助嗎？？
另一半係非常細心同有耐性嘅人，每次跑完都會提醒我拉筋、護理雙腳，會一齊討論呢課跑成點？下一課應該注意咩？每次計劃長課/跑山前都會教我了解路線、收拾行裝。有佢嘅幫助 ，喺跑步路上的確少走咗好多彎路。

8. 最喜歡的一對跑鞋？
Adizero Adios 6

9. 10K 剛剛 PB sub 45，之後有什麼目標？有報比賽嗎？
對比賽已經渴望咗好耐啦~ 因疫情關係，報唔到最想跑嘅渣馬半馬，無緣渣馬！今年2月就開始跑山賽，第一場：香港山系女孩跑（9K），第一個山賽，短短哋試下感覺，有幸獲得組別第四排名！第二場：HK100 THE HALF，第一次跑長線實體賽，過程很愉快，都有經驗不足而發生嘅小插曲。最終時間09:09 ！呢個成績已經超出自己預計嘅，滿意收貨呀！目前養腳同保持練習，準備下一場4月1號嘅山賽：越嶺沙田。
之後目標係養好雙腳，繼續安全無傷地練習。希望下半年可以上到半馬拉松！

10. 通常於甚麼途經得到跑步裝備資訊？網上？雜誌？行街？朋友？
會睇下網絡資訊，同朋友一齊跑步時又會講下最近有咩跑步裝備推薦。

11. 有沒有跟跑會或教練跑？選擇原因？
有跟教練。初時因為想改善跑姿，練下體能。到後來見到自己有進步，開始有個人目標，教練會就住我嘅目標計劃好適合我嘅program，幫助我達成。

12. 有什麼社交媒體可以找到你？
Instagram: jadettt_
Facebook: Jade Jade

18 3 月
MAGAZINE

adidas BOOST誕生10週年 BOOST跑鞋你有邊對？

10年前，BOOST誕生，成就跑步史上一個重要印記！
adidas Running為慶祝BOOST中底技術10週年，由18/3至2/4於旺角朗豪坊adidas Sportswear Collective店舉辦「BOOST 10週年展覽」。

展多款於BOOST發展史上重要性跑鞋，包括2013年的Energy Boost、2015至2022間的Ultraboost ，及2023最新Ultraboost Light。同時亦邀請到馬拉松跑手魏賡、長跑運動員尹詩慧到場分享對 BOOST跑鞋的著用心得。

先來個BOOST小知識：adidas與全球首屈一指的化工企業BASF聯手研發，使粒狀固體物料TPU膨脹後，轉化為成千上萬的細小能量儲存氣泡（energy capsules），製作出革命性BOOSTTM中底物料，於2013年首推面世，並持續應用於品牌各鞋類產品上，多年來創造了多對經典鞋款。包括革命性的Energy Boost及Ultraboost 系列。

（左）2013 – BOOST系列的第一對跑鞋Energy Boost ，為跑手帶來前所未有的能量回饋、卓越出眾的緩震表現、貼身舒適的剪裁造型，以及不受溫度影響的緩衝系統，從此，跑步變得不 一樣。2013年3月，Energy Boost更榮獲世界權威跑步雜誌《Runner’s World》選為「Best Debut」得主， 更被形容為「比其他800對測試過的跑鞋表現更卓越」 及「是跑鞋界的真正領導者（特別在動能回饋方面）」。

（右）2015 – Ultraboost面世不足一個月，已榮獲 《Runner’s World》 頒發多個重要獎項。用上比Energy Boost多20%的BOOSTTM物料，配合先進的ARAMIS系統對鞋型的多項研究成果，讓它完全契合跑者在邁出每一個步中所需的一切要素，成為當年史上最佳跑鞋。

（左）2019 – 將經典的Ultraboost融入嶄新的技術和設計，經過反覆測試及改 良，Ultraboost 19正式誕生，簡約的外觀設計與4大關鍵組件的深度融合，印證頂尖科技和時尚潮流兩者的完美糅合。

（右）2021 – Ultraboost 21更進一步協調重量、緩震及反應3大性能，新研發的 adidas L.E.P.系統，加上增量約6%的BOOSTTM物料，再度刷新跑手對能量回饋的認知。鞋面採用高性能循環物料PRIMEBLUE環保紗線，內有50%為Parley Ocean Plastic，貫徹adidas從2015年起對可持續發展的承諾。

（左）2022 – 透過120萬個女性足部樣本掃描分析，設計團隊塑造出專為女性而設的Ultraboost 22，在改善跑鞋的關鍵部分後，帶來比上一代增加4%的能量回饋。

（右）2023 – 展覽亦當然包括剛於今年3月推出的全新Ultraboost Light。用上至今最輕盈的BOOSTTM物料，刷新adidas BOOSTTM技術10周年歷史，以革新技術提升能量回饋，配合不變的緩衝力及舒適感，令跑者每一步都變得更輕而易舉。

作為長跑運動員及瑜伽導師尹詩慧（Cici）表示10年前的自己從沒想過會有多重身份，她說：「當時才剛中學畢業，唯一接觸的運動應是跳舞了。畢業後一直做文職工作，以為會一直做下去，後來意識到不適合便毅然辭職，考了瑜伽教練資格和開始了跑步生涯。」
Cici慶幸自己有勇於踏出舒適圈的勇氣：「當人安於現狀就會難以突破，所以我會一直挑戰自己，突破每一個自以為的極限。」對於最近推出的Ultraboost Light，Cici 表示愛不釋手：「它現在已是我casual run的必備跑鞋了，鞋身輕盈之外，外形也很好看，慢跑後也可以配搭日常外出衣著。」

曾獲多個馬拉松賽事獎牌的魏賡回望10年前的自己，當時剛開始跑步，從沒想過會成為職業跑手。率先參觀10週年展覽的他，一邊看著第一代Energy Boost跑鞋一邊感慨：「就像回顧自己的跑步歷程。由中學時期第一次參加陸運會比賽，到現在成為長跑運動員，每一個階段的進步都不容易；我都曾經放慢腳步調整自己，因為以為自己已做到最好，或遇到阻滯之時，但原來沉澱一下，再跑、一直跑，最終又進步了。」
他笑言這樣的進步就像adidas的BOOST跑鞋：「每次穿上一對新的Ultraboost跑鞋都覺得比前一代更出色，就像我的座右銘 – 『現狀打破』，不斷進步和突破。現在Ultraboost Light已成為我新的最愛了！」 

展覽詳情
地址：九龍旺角亞皆老街 8 號朗豪坊L1 38 & 39 號舖adidas Sportswear Collective
日期：2023年3月18日至4月2日
時間：上午11:00至晚上9:00
店舖電話： (852) 2337 9883

08 3 月
MAGAZINE

adiClub adigirls as one女力運動周 GAO@COLLAR率先領團

adidas於3月8-12日舉辦adigirls as one女力運動周，於尖沙咀漢口道adidas旗艦店安排多項不同強度的女子訓練班課程，讓adiClub女生會員參與，一起爆發最強女力，齊組世一運動女團。
adidas更於3月7日率先舉行adigirls as one女力派對，請來人氣女團Collar隊長Gao（沈貞巧）及一眾熱愛運動adigirls – 杜穎珊（Sandy）、陳明慧（Ming Wai）、陳丹儀（Danie）各自帶領一眾熱愛運動女生在不同的運動課堂盡情灑汗！

當中教了一堂 Locking（鎖舞）的Gao表示十分享受是次過程：「我覺得好爽呀！入團後已經沒教班，很久沒試過有30位女生跟我上堂，其中有些女生完全沒有 Locking經驗， 但看到她們全程投入的樣子，令我感受到女力最強，很powerful、很勁！剛剛只教了1.5小時有點不夠喉，我現在感到熱血沸騰，也好想瘋狂跳舞！」。

Gao於較早前為adidas拍攝宣傳照時，亦分享了過去的工作和生活體驗。
作為跳唱女團隊長的Gao在Collar成軍後亦曾遇迷茫：「身邊的人對我的支持和陪伴，令我接受了自己的不完美，成就了今天這個成熟、勇敢的我。」加入女團至今，Gao自言也急速成長：「因為學懂如何面對不同的挑戰和挫折，亦因為身邊一起工作的團隊、成員支持，令我找到方向，變得更加有力量。」。

她同時勉勵向著目標前進的adigirls們：「要勇敢和有耐性。 不需要太在意外界的目光，要接受自己的好與壞，先可以找到自己方向。」正如adigirls所宣揚的女力精神 – 正面、 勇敢和堅強地和一班充滿力量的女生，在當下將這份力量全能釋放，成就更好的自我。

除了Gao，adidas亦邀請到香港女子劍擊運動員江旻憓（Vivian）和長跑運動員羅映潮（Virginia）拍攝 adigirls as one宣傳照。

於剛剛渣打馬拉松半馬女子組奪冠的羅映潮（Virginia）提起自己於讀書時的經歷，「2015年因為要應考公開試，壓力導致荷爾蒙失調，肥了20多磅。而許多身邊的聲音卻是，『你不是有跑步嗎？有跑步怎會突然肥了20磅？』那段時間對我影響好大，因為是壓力再添加壓力。但我仍然堅持跑步， 沒有放棄，亦都因為慢慢的自我調整，最後成就了一個身心都更健康的自己。」

Virginia更說：「希望當時的自己不要每一步都否定自己的決定，如果沒有嘗試過就否定，就會永遠停滯不前。」她亦慶幸自己找到人生方向：「因為跑步，令我找到熱情，令我可以堅持，堅定的向前。」

adigirls as one女力派對瑜伽班。
Collar隊長Gao與一眾熱愛運動女生大跳Locking。

adigirls as one 女力運動周 公開報名：
adidas為各運動女生準備了5天（3月8至12日）精彩adigirls as one 女力運動周，訓練課包括LES MILLSTM BODYCOMBAT、Hip Hop、Jazz Dunk、各式瑜伽等等。有興趣的adiClub女生會員可登入 www.adidas.com.hk/adigirls_as_one 報名，每課堂均可以100 adiClub積分免費換領，名額有限，先到先得。

羅映潮於adigirls as one 女力派對上參加《穿珠造型工作坊》。

adigirls as one 女力運動周的活動更有《穿珠造型工作坊》，adiClub女生會員於adidas旗艦店消費滿HK$1,000，即可參加30分鐘由 mafarnsimon 設計之髮飾或鞋帶工作坊（二選一）

adigirls as one 女力運動周開放時間：
3月8-10日（三至五）18:00 – 20:30
3 月 11-12 日（六至日）13:30 – 20:00
換領地點：憑即日消費單據於3樓STYLE ZONE換領

adidas旗艦店  九龍尖沙咀漢口道17號

24 1 月
REPORT

高端家族日常訓練鞋 adidas ADIZERO SL

跑步潮流走向係，近年唔少品牌都會以其高門檻專業跑鞋為藍本，打造出另一「平民版」訓練鞋，一來專業級跑鞋多數附有碳板，較適合落場作戰之用；二來碳板鞋不宜多著，過份依賴及用作訓練嘅話，容易受傷，所以衍生出唔少高端跑鞋前置練習型號。ADIZERO SL亦係因而誕生。

ADIZERO SL整體設計明顯取樣自ADIZERO家族嘅戰鞋型號，外形上容易令大家諗起ADIOS PRO 3、TAKUMI SEN 9等等。SL意思係Super Light（唔係Sick Leave！）重量為243g（男裝US9.5計），係一對包含ADIZERO系列好跑基因嘅日常訓練鞋。

ADIZERO SL之所以咁輕，其焦點係用上Lightstrike全掌中底及Lightstrike Pro前掌中底，前者主力負責緩震功能及穩定性；後者有用於Adios Pro 3、TAKUMI SEN 9等高端競速型號，不但令致整體更為輕身，訓練時提速及回彈力都有更好表現。

鞋身工程網布物料提供透氣及彈性功能，跑起上嚟非常高包覆度及舒適；鞋楦前幅加闊，以增加著地穩定力嘅同時，相信闊腳掌跑手亦著用到。

鞋舌及鞋領都加有棉布軟墊，提升舒適性及包覆度，尤其鞋領位，環繞嘅棉墊非常厚，撳落Q彈，落場跑時亦確賽感受到貼服感。雖然鞋舌未配有連接鞋內籠設定，但因SL定位為長距訓練鞋，著用速度唔會好誇張，試跑時亦未有移位情況出現。

或礙於市場定位及成本關係，大底橡膠未有用上常出現喺adidas跑鞋嘅Continental馬牌（但講真，SL今次定價確實親民），但以LSD/Easy Run/Tempo Run嚟講，速度要求唔太高，好天氣下，兩段式坑紋夠用；heel counter鞋踭罩亦非常堅固實在，對於後踭或全掌落地跑手會跑得好有安全感。

由於鞋嘅設定已表明一切，所以筆者只主力著用ADIZERO SL去跑Easy Run及Tempo Run作測試。
其中一次係20k Easy Run，以累積耐力及帶氧度，平均配速5’20，最快跑到4’52。由於前掌用上Lightstrike Pro，又加闊前楦，對於跑姿以前掌落地嘅筆者嚟講，著地感十分穩定，回彈力亦好適中；以該次嘅長距跑為測試，SL可以一直住保持舒適感及包覆貼合度，令跑者以一個好穩定嘅均速進行訓練。

穩定、舒適、冇好進取嘅推送力，ADIZERO SL係一對取性溫和嘅長跑訓練鞋；由於功能基因及跑感相近，如果你嘅出賽戰鞋係ADIOS PRO 3、TAKUMI SEN 9或BOSTON等等嘅話，佢更係你嘅最佳訓練配搭鞋添。