因為代表Garmin Hong Kong，所以拿到了A區上線，大型比賽不好的地方在於愈後的區就愈塞人，如果編在G或H區，根本可以直接放棄做時間。
不到8點便開跑了，原訂計劃有兩個：1. 頭30km跟sub3 pacer跑，之後有力再加，2. 頭2k keep 415-420，之後慢慢加，但不要超過410，有力35k後再加。
一開始看不到sub3 pacer, 唯有跑自己，頭1k 420，2k 413, 開得唔錯，一路同Kanok拍跳15k，見佢開始想加速，叫佢走先，頭10k 41.58，感覺不錯。但天氣太凍，差不多7k個人先熱到，之後都有太陽，感覺無咁凍。
一直去到25k都keep到，但開始感覺對脚有點重，不停提自己專注做好姿勢和呼吸，開始又順番啲，就係咁，25-35k不停係順同唔順之間遊來遊去。就算順番都不敢加，因為這感覺比預期來早了（我預30k後才出現），去到35k，不要説加速，不掉速就好了。
身體很想慢下來，對脚重到一個點。我好集中把每一步做好，勉强keep 440內，去到40k，阿Ming喺我身旁擦過，叫了一聲，加油！我實在無法加速跟上他。很不容易去到蠶室運動場外，見到M大在步行，我大喊，「行咩呀，入到去先行啦！」入到會場，衝了，304，雖然不能sub3，但無憾了！
跑完見到Kanok，擁抱著🥺，很感動😭，這一切都值了！
記得之前大家約慶功，之後再轉場飲野，我無覆，因為我諗住跑得好先飲野，跑得唔好飲乜嘢？記得Man大話：「出嚟旅行無論跑得好唔好，都應該好好咁享受行程！」我會好好記住。能跑多好，能進步多好，能一路跑一路旅行多好！
可能你會覺得，你跑得咁差，就咪鬼寫出嚟。但我就係想俾你知，從來跑步差的我，都可以弱弱咁進步，你都一定得👊！
下一站，食龍蝦🦞🦄！
後記：
可能你會問，如果跟sub3 pacer走前30km, 會唔會好啲？
我只可以答你，如果没如果，人生只有一次，有啲嘢你唔做會後悔，就做；做咗，就唔需要後悔。我有朋友頭30km用比平常慢的配速去跑，之後還是跌速。所以你問我，不如把準備功夫再做好一點🏃
最後，用偶像一句作總結。
「破PB是肉體上的進步，
而挫折則是成長心靈的力量💪🏻。」~張嘉哲
When someone tell you “you are crazy”, you are closer to the success.
