MAGAZINE

食・啡・遊：坪洲環島遊

12 5 月

我非常喜歡坪洲呢個地方，貪佢人少又無車，每隔幾年都會入嚟行下！

疫情後再嚟到，發現多咗好多市區搬入嚟嘅人，小店多咗，啡店都多咗，不過地方細細，仍然感覺到佢地鄰里關係仍然保持到，只係島上豪宅別墅多咗，老外多咗，感覺有啲似愉景灣～

坪洲環島大約6公里，有一個95米嘅手指山，沿途亦經過家樂徑、海岸線，可以享受島上不同風貌！市中心細細，懷舊餐廳冰室不少，各有風味，不過大部份由原居民經營，好多都做夠就收舖，甚至4點已關門！所以想食盡當地美食就要plan plan行程時間！

作為啡友嘅我，必定會去搵「騎住鳳凰沖咖啡」啡師所沖嘅「靈丹妙藥」！出面啡店間唔中會見到佢哋嘅豆，今次終於嚟搵烘焙師沖返轉，一邊撚啡一邊同啡師吹水，順便八下島上有咩好野食😃！

然後就嚟到啡師推介嘅「三姊妹」店（ Island Table Grocer Cafe），叫咗佢哋必食嘅Tuna牛角包、Pizza、肉卷…點知3樣都好出色，非常好食！

見到架上放咗啲意大利食品，鍾意睇食材嘅我當然要望吓….點知一睇…嘩！價錢非常親民，見到好多小餅乾好吸引，忍唔住買咗幾包做手信！而且三姊妹好nice，同我哋有講有笑，仲收順啲，相信應該係三姊妹有人嫁咗個意大利佬，再係島上經營餐廳！我個人十分推介🙂。

環島完成了，有山又有沙灘，有古蹟亦有古廟，島上美食有本地、國際、日本…仲有啡師烘焙師，充滿藝術氣息嘅秘密花園，懷舊復古古物店。

估唔到呢幾年坪洲變咗咁多！希望呢度唔會過份地發展，繼續保持原島風貌！

Island Table Grocer Cafe
地址：坪洲坪洲永興街9C號地舖

Tags:
, , ,
Newer Insports Gym：Fahim@Fitnez Studio
Back to list
Older 馬拉松與人：黃啟樂 布拉格馬拉松

Related Posts

09 5 月
MAGAZINE

東京啡遊 必訪手沖・買豆・排隊店

每次旅行除咗觀光、食嘢、跑步、行山…當然唔少得就係啡遊！今次4日4夜，真正啡遊嘅時間其實得半日！

頭兩日比較忙，都係飲7仔啡解決，而事實上日本7仔啡都唔差，所以我先會一飲再飲。聽講香港7仔即磨都唔差的～不過日本7仔飲杯啡只係120yen …才$6，真係平得太過份。

第二日去咗下吉田，天氣凍凍地，見到杯雪糕嘅同時，有間大啡店係隔離，仲寫住Specialty Coffee，無理由唔試啦，兩日無飲手沖，點都會好飲嘅…應該。

於是就行入去睇下有咩豆揀，唔熟嘅環境一般都會揀Ethiopia，簡單，易入口，衰極有個譜，揀完豆仲可以揀隻杯添，我就揀隻貓貓杯襯返我隻Kuma！手沖送上，比我想像中好，花香雖然唔算太出眾不過沖出來好甜，起碼俾我止止渴。

第三日行完目黑川，知道附近唔少啡店，就求其揀咗間小店，基本上無店內坐位，只有店外小櫈，繼續點Style Coffee Ethiopia，今次明顯好花香，有佛手柑，好好飲！啡師都會問下你邊度嚟，有冇睇櫻花之類，閒談幾句，享受完杯咖啡就準備下一站。

Fuglen新店，今次Cloud叔叔比指令叫我去了解下軍情，由於新店以日本Omakase形式招待客人，所以必須提前預約時間，整個體驗約一個鐘，提供兩杯唔同沖法啡精品啡，一杯係店內當天選定兩款豆其一，另一杯係house blend，用挪威沖法去沖煮，還有指定小點心，唔會飲到餓，過程啡師跟客人好多互動，介紹兩款豆嘅分別，風味，過程中亦會介紹法器。

工具我都略知一二，對於會露營嘅我，挪威沖法用嘅露營水煲、戶外爐都唔陌生，最吸睛當然係我眼前價值超多一萬蚊嘅手磨同木長枱。有飲開Fuglen嘅豆對呢兩杯咖啡出嚟嘅風味唔會surprise，不過佢用咗快紙過濾，酸度相對明顯，後段飲得舒服！而挪威沖法其實就係方便喺野外較簡單嘅沖法，雖然佢直接倒粉攪拌浸泡，但最後用濾紙過濾，所以乾淨程度跟手沖無異，風味比較balance 順喉！最後啡師仲問我係咪啡師？唔通我知得太多…（講笑）！

整個體驗很不錯，感覺回到最初喺香港飲手沖啡一樣。自己好鍾意坐bar枱，一來可以跟啡師交流，又可以觀察唔同啡師嘅沖煮方式及細節，呢個係最直接學習方法。而且店內以舊屋簡約裝修保留日式風格，感覺放鬆享受，有機會記得去體驗。

見時間尚可，順便去埋Leaves Coffee。其實啡店收5點，到達時4點，估唔到仲有咁多人而且要排隊，大概等咗10分鐘就可以入坐，二話不說揀咗杯貴東西 – Panama Deborah Geisha！

平時飲開Accro都會識，店內算多人飲手沖，不過無論我喺Accro現場飲又或者買豆自己沖嘅比較之下，Leaves呢杯明顯無喺香港咁出色，不過都買咗三包豆返香港～

原本想係最後一日去Glitch飲多杯兼買豆返嚟，點知10點前去到嘅我，驚見長長人龍，詢問後連淨係買豆都要排…心諗有冇咁多人飲手沖呀？最後打消念頭，去食早餐，唯有帶住一點點唔完美留待下一次。

21 2 月
MAGAZINE

跑完馬拉松 神戶大阪京都歎啡之旅

旅行對我嚟講遊歷過程比跑景點重要，好享受萬無目的咁閒逛，所以每日行超過3萬幾步係基本，但當中有一個小習慣，就係有目的咁啡遊！

如果計劃好地方，一定會係附近尋找心水啡店歎啡，順便買豆回家兼做手信！去跑神戶馬時，當然唔會放過買豆買爆喼嘅機會啦！

來到神戶第二日朝早，就搵間酒店附近嘅傳統喫茶店「元町喫茶店」歎返個日本人嘅西式早餐！行到門口附近已見有幾個日本人排隊等開門，相反喺香港成日要等位嘅Komeda’s就無人排…就知咩料！

入坐後叫咗pancake加black coffee，飲開咖啡嘅都知日本咖啡文化長久，而且以深烘碳燒而聞名，不過近年北歐淺烘焙大行其道，日本亦有不少新派咖啡店出現～ 元町呢杯甘醇唔會澀，易入口，配上帶甜嘅panacke就啱啱好！

食完早餐，繼續發掘第二間啡店「Taoca Coffee」。

啡店位置喺小巷入面，門口感覺似去咗法國風情小店一樣，門口對正bar 枱，已經擺放咗十款咖啡俾客人試飲，成個experience真係幾唔錯，當然亦叫咗杯啡同買豆做手信，日本人著重包裝，令人見到樣樣都好想買返去，佢哋仲有自家麵包，又放上沖煮咖啡嘅recipe，好細心！

第二日自由活動，行去隔離站 – 三宮，同行跑友介紹有間水準唔錯嘅Beyond coffee roaster ，就好似香港啡人前，都係附近住宅熟客多，睇住佢磨豆、煲水、手沖…成個過程都好治癒～

回到大阪，大量熟悉啡店！首選去咗Glitch。

平時喺香港見到豆都知係貴東西，今日終於親臨舖頭，真係異常興奮，入到去見到有超過十幾款豆俾你揀，令我雙眼發光，隨手點咗兩款completition lot !

歎完兩杯手沖，買咗大堆豆，一朝早就係Glitch放低咗3萬yen…開心仔！

隨後遊京都，去埋港人熟悉嘅啡店。

京都：Walden Woods、Kurasu（Kurasu最近係香港都開新店），再趕返大阪喺佢收舖前去埋Mel 買豆！超級大滿足！

另一個最surprise 就係7仔啡，咁啱做緊藍山限定，見朋友飲完大讚即刻去試，果然好好飲，有藍山香醇，餘韻長，只賣250円一杯！好飲過機場藍樽！$40 vs & $13 你點揀？今次旅程起碼飲咗3-4杯7仔藍山！

神戶馬行程7日，4日神戶2日大阪及京都，一共買咗13包豆，飲咗唔知幾多杯啡～

適逢日元跌至五算，變成低消費國家，而家唔爆飲爆食爆買等幾時？？

29 11 月
MAGAZINE

厚底山鞋新標準 Salomon ELIXIR GTX

Salomon近年於Sportstyle的發展，非常凌厲，繼XT-6、XT-4大紅之後，繼而發展出另一搶手系列 – ADV ACS PRO，也保持著與不同潮流單位聯乘如MMM、Slam Jam、JJJJound等等；星級粉絲也有Rihanna、BLACKPICK Lisa的加持。Salomon已一下子由戶外品牌躍升至潮流機能山鞋的頭號品牌。

但作為越野跑者或山系運動者，對於Salomon的本業之一（另一當然是滑雪系列） – 越野山鞋及登山鞋， 仍然留意。最近，Salomon就有一對顏值與功能兼備的新山鞋發報，型號名字是ELIXIR GTX。

第一眼看到ELIXIR GTX的外形，率先會被其超厚中底吸引，觀感澎湃且甚具霸氣。是次ELIXIR GTX的誕生，據官方說法是要打造一對最為舒適緩震、專門針對長途著用的革新性登山型號。

厚厚的中底物料是近年Salomon運動系列鞋品中大量應用的Energy Foam，提供極致緩震及保護性，令長時間行走於荒郊山徑仍能保持舒適感及回彈感，維持歡快的登山或健行心情。

當然，如此厚底的設定是會對於路面的反應減低，但不要忘記，ELIXIR GTX的定位是一對登山鞋，不是跑山鞋，厚底的配置就是要免去雙腳在較長觸地時間之下，過濾了對於不平路面及零碎砂石的感覺，從而帶來更平穩的行走感覺。

你可能看到ELIXIR GTX後，也會產生「這是雪鞋？」的感覺，是的，它的設計明顯有部分是借鏡自Salomon的雪鞋基因，尤以High cut款為甚（另也有Mid cut款，但今季香港暫只發售Low款）。

中底前後差為7mm，後跟37mm / 前掌30mm；鞋頭的上翹角度，承接著由滑雪板靈感而來的Reverse Camber，以幾何力學彎度配合前後差，就為穿者帶來源源不絕的前邁動力。至於外底，搭載的當然是Contagrip，5mm膠釘偏向方向簡單而面積偏闊，提供踏實的咬地能力。

置於鞋身與中底間的分叉Active Chassis，早前已於路跑鞋DRX BLISS中出現過。其特製箭頭型態的設計，一來可提供更穩定的山徑步行導引，二來於不平的路面能從鞋身兩邊鎖定雙腳，減少因長時間健行所產生的疲累感。

鞋面構造則回歸登山鞋的粗獷層次感，不同物料（如尼龍、猄皮及橡膠等等）的拼搭互補，除了強化了耐用度及保護性之外，配合SensiFit包覆腳部系統，就產生了非常貼合雙腳的包覆感。

相信對於行山愛好者來說，一對登山鞋的包覆度是非常重要，也是影響著安全性及舒適度的重要因素。當然還有GTX所代表的Gore-Tex認證防水物料，就不多作介紹了。

除了主相片的Vanilla Ice，還有另外兩款Black Magnet及Dried Herb配色。

那是否非登山或健行運動就不能著用ELIXIR GTX？當然不是。

以登山鞋作為潮流鞋品，是近年機能風打扮的大勢。回應市場大熱的厚底鞋品主義，ELIXIR GTX的外觀也呈現著十足潮流感：震撼的厚底設定、鞋身多層次物料應用、易於百搭配襯的戶外感色系…均令ELIXIR GTX可同時於山野及城市打扮中著用。

15 11 月
MAGAZINE

帶您走到台灣最高峰 玉山 – 準備篇(2) 文件、食宿、交通

承上篇〈帶您走到台灣最高峰 玉山 – 準備篇(1)〉，若排雲山莊成功中籤，你的玉山之旅已經邁向成功一大步﹗

之後便要開始準備登山文件、山屋膳食、登山前一天住宿、交通…其實也要花不少功夫。在這準備篇 (2) 中，讓我們逐一分享。

1. 登山文件
申請入住排雲山莊後，大約會在預定登山日一個月前收到抽籤結果。記得留意電郵，因為所有通訊都是透過電郵發出。成功中籤者會收到玉管處發出的「中籤通知」，以及「排雲山莊使用規費繳費通知」2封電郵。記得3天之內要繳交費用確認名額。

另外，還要申請2份文件，並列印出來：
入園許可證（登山前5天至入園當天間下載）連結
入山許可證、人員名單（最遲登山前3天申請）連結

登山當天，帶備以上文件以及身分證明文件正本，然後到排雲登山服務中心報到。
（左圖）塔塔加遊客中心旁是警察局，先把入山許可證和人員名單投入信箱。 （右圖）排雲山莊的飯堂和晚餐清單。

2. 山屋膳食
排雲山莊提供訂餐和睡袋租借服務，務必要5天前訂餐。雖然訂餐指引是要先付款，但是管理員知道我們是外國遊客後，便讓我們在山莊到付。

排雲山莊塔塔加餐廳網站

我們是2日1夜的行程，所以訂了第1天的晚餐、第2天的早餐和第2天的午餐，並租用睡袋。個人建議，第2天訂早午餐比午餐更好。因為上午11時前下山為佳，預留足夠時間回到塔塔加登山口；從排雲山莊下山，一般需要4-5個小時。

3. 登山前一天住宿
登玉山前一晚，比較多人會在東埔山莊住宿，因為與塔塔加遊客中心距離相近，僅2公里；缺點是設備比較簡陋，需要多人同房，而且先到先得。我們覺得爬玉山前一天，還是住得舒適一點好，所以便住了另一間叫「GO比爾」的民宿，絕對是正確選擇。
東埔山莊網站

GO比爾民宿 – 這家民宿在南投信義嫏，距離上東埔停車場約1小時車程。雖然不及東埔山莊方便，但是可租住獨立房間，清潔舒適，而且老闆娘超好客。若需要晚餐、早餐，記得及早通知。

我們沒有成功訂到晚餐，但老闆娘十分友善，主動提議載我們到附近的市中心買晚餐，還推介了一家很好吃的小店。
GO比爾民宿專頁

（左圖）GO比爾老闆娘推介的很好吃小店。 （右圖）第二天的早餐更是不得了，有傳統台灣蛋餅，以及香噴噴的手沖咖啡。

4. 交通
這是最頭痛的部分。我們最後決定用比較省時，但是較昂貴的方法 – 包車。我們共坐了4程車，司機大部分都很好人。特別是我們在下山後，離開玉山的那程車，因暴雨我們比預定時間多花了差不多1小時才回到登山口。我們多擔心司機會不等我們，但當在停車場見到車還在，差不多感動到哭出來。
訂車網站

登玉山的準備功夫其實挺多。這也是我們第一次沒有聘請導遊去海外爬山，故花了不少時間爬文。若大家成功中籤，記得要及早準備了﹗

（左）Avis@Hikipedia；（右）Kylie@Hikipedia
2023.09

29 9 月
MAGAZINE

帶您走到台灣最高峰 玉山 – 準備篇1 登山申請全攻略

9月初，我和Avis一起出走到台灣，一同登上台灣最高峰 – 玉山，玉山同時是東北亞最高峰，主峰海拔高達3,952公尺！玉山是我們早在疫情前已訂下的目標，那時已有海外登高峰經驗，成功完走馬來西亞的神山和印尼活火山Mount Rinjani（林賈尼火山）。原來說好了的一年一度海外登山挑戰，今年總算back to normal，8月一個衝動登上富士山，9月再和Avis登玉山。

相較富士山，登玉山反而需要不少事前準備，其中最重要是入園申請。對台灣人而言，抽籤申請入園證和排雲山莊可說是難如登天，今次成功申請到登山資格，正是因為非台灣人非假日（周日至周四）每日有24個名額，而且是以先到先得為原則，因而有這次幸運的玉山之行！作為今次玉山系列的第一篇文章，今次先整理一下申請攻略！

登山三寶 – 入山證、入園證、山屋申請

當時上網爬文時研究了好一段時間，到底入山證、入園證、山屋申請有甚麼分別？要在不同的地方不同的網站登記還是怎樣？唯恐少登記了一項便無法登山，要知道又要申請annual leave 又要買機票酒店，到埗後才發現申請出現問題，那就GG了！於是左望望右望望，確定了各樣細節才放心申請。

簡單說，如果和我們一樣打算申請山屋，在山屋住一晚攻頂後才下山，只需在以下網址進行申請即可！此申請包括山屋申請和入園申請，其後申請成功便可在系統內再申請入山證。不過要留意的是，必須以英文版網站或日文版網站，才可進行非台灣人的免抽籤申請，不可使用中文版的網站進行申請。

入山線上申請服務網（英文版）

如何選擇登山日子？

登山日子的選擇也是有竅門的，進入以下網站，選擇排雲山莊，便可看到每日的排隊狀況！一打開便見到整頁均為額滿是正常的，因為一個月內的名額早已安排滿了，一般星期六的排隊人數起碼過千，十分驚人！

玉山宿營地查詢

申請可於預定入園日期前35天至4個月間提出，譬如現在是9月，一般找尋11月底或12月有位的日子相對較易，以上為12月的截圖，我們主要看外籍提前的數字，留意外籍提前申請只適用於星期日至四，所以星期五和六並沒有外籍提前的名額。

以12月17日為例，外籍提’前的數字是9+2，9代表外國人申請，2則代表本地人（台灣人）申請，每隊外籍隊伍提前以每10個外國人可另搭配2名本地人之比例，因此外籍提前的申請也分為兩個數字。這裡不能確定24人的每日名額是否包括台灣人一同組隊的名額，所以安全起見，會以兩個數字加上的總和計算是否超過每日的24人名額。

因此，假設我們是4人小隊，便可尋找總數為20以下的日子，譬如12月12 / 13 / 17-21 / 24等日子。

申請還有一個小竅門，click進其中一天可看到當日已報名各隊伍的狀態說明，寫為「已保留名額」的，代表該隊數目已計入每日24人名額當中，而列為外藉提前參加抽籤，按推測應不計入24人名額，因該隊伍提出多過一次申請，因而只能列入抽籤之列，按此計算，下圖中的排隊可能只計19人可進免抽籤的24人優先名額，則可一試申請外藉名額！

當時我和Avis 2位申請，見其中一日申請人數為23人，便想一試會否可以踩界申請，申請後便在當日看到我們的申請的狀態列寫著因超出限額，需進行抽籤，便果斷另找一日重新申請。

攝於玉山北峰，台幣1,000元取景地。

申請準備文件

擇好吉日後，便應盡快提出申請，申請過程不太複雜，但提前需決定行程路線，以及與隊友準備並集合好下資料，連同所有隊員的護照副本，由領隊提出申請。而關於路線規劃部份，主要地標的中英對比以及簡介如下：

Paiyun Mountaineering Center 排雲登山服務中心：登山前報到到地方

Tataka Trailhead 塔塔加登山口: 正式登山前的登山口，排雲登山服務中心設有接駁車到達登山口，懶人必備

Paiyun Lodge 排雲山莊： 一般在玉山上過夜的山屋

Mt. Jade Front Peak 玉山前峰：高海拔3,239米，百岳分級為A級，一般健行路線活動天數約需1-3 天，在前往排雲山莊的途中有分支登上。

Mt. Jade West Peak 玉山西峰： 高海拔3,518米，百岳分級為A級，在排雲山莊一旁有分支登上。

Mt. Jade North Peak 玉山北峰：高海拔3,858米，百岳分級為B級，中級縱走路線，活動天數約需4-5天或活動天數約需1-3天，但有危險地形。

Mt. Jade Main Peak 玉山主峰： 玉山最高峰，高海拔3,952米，百岳分級為A級。

圖片來源：臺灣國家公園入園入山線上申請服務網

建議路線規劃如下，打上括號的均是optional，可選擇不去，主峰是必到的，視乎個人能力可選擇登西峰或前峰，西峰相對較熱門，山上有最高的日式神社。而第二日攻頂加有能力可加上北峰主峰連走，但北峰有一定難度，且對體能有一定需求，不過山頂有氣象站，回望可一覽東峰和主峰山脈，而此景正是台幣1,000元的取景地，甚是宏偉！

Schedule/路線規劃：
Day 1：登山口Paiyun Mountaineering Center → Tataka Trailhead →（Mt. Jade Front Peak）→ 宿營地Paiyun Lodge → （Mt. Jade West Peak）→ 宿營地Paiyun Lodge

Day 2：宿營地Paiyun Lodge →（Mt. Jade North Peak）→ Mt. Jade Main Peak → 宿營地Paiyun Lodge → Tataka Trailhead → 登山口Paiyun Mountaineering Center

祝願大家成功收到中籤通知:) Cheers！
Kylie@Hikipedia
2023.09

04 9 月
MAGAZINE

兩日一夜富士山登山感受 + 攻略 考驗意志力和體力的挑戰

去年跟朋友說想試試登上位於海拔3,776米的富士山，今年很開心可以跟大伙兒一起征服這座大山！每年的開山期由7月1日至9月10日，我是7月2號開始登山的。出發前幾天都在下雨，但出發當天很幸運，天公造美，陽光普照，藍天白雲。

我們這次的行程是第一天先一口氣攀登到3,450米的御來光館，隔天早上慢慢地登上3,776米的富士山最高峰觀賞日出，然後回程。

我們選了吉田口線（由五合目開始），因為路線相對簡單和親民，沿路比較多小山屋和補給站。登上八合目前，我覺得路段不算太難，只是體力需求比較大（剛好一個月前開始逐步恢復我的三項鐵人訓練，所以在體能方面沒有太大的問題）。

登上八合目後，我發現身體出現了一點反應，視力變得模糊，難以聚焦。可能高山空氣變得稀薄、身體疲勞或是補水不足，導致血液中氧氣含量降低。其實小屋有售賣氧氣罐，但我覺得狀況還可以，所以沒有吸氧，按著自己的步伐，保持深呼吸和放鬆心情。我想說定時補充水份和電解質飲料真的很重要，感覺到口渴再補水就不夠了。很多人都會有高山反應，但如果真的呼吸不了，要靠氧氣罐的話，應立刻停止並下山。

山路沿路有補給的地方可以買飲料、杯麵等，但我建議自己也要帶適量的水、電解質飲料、乾糧和糖果（我自己都是靠吃果汁軟糖來維持戰鬥力）。

上山望著一間間的小屋，相對有目標和動力。最後我們大約5點到達御來光館，然後6點吃晚餐，差不多八點就開始休息。那天晚上我狠狠地失眠，穿了很多衣服也覺得好冷，又不能洗澡，只能夠用濕紙巾擦擦身體，渾身不舒服。不過山上小屋的居住情況都差不多，聽說御來光館已經算是不錯了。

第二天早上2點多就出發攻頂，大概4點就到達了。因為出發前下了大雨，所以山上濕濕的，加上融雪，冷到手指和腳趾都沒感覺，真的很難熬。我想強調一點，無論什麼天氣，都一定要帶羽絨，因為山上的溫度是不能預計的，走著你不覺，但一停下來還是會冷。

雖然我在山上冷得快要失溫，但我還是很期待看傳說中的「御來光」，可惜當天的日出一半都比雲給遮住了。

說到下山簡直是絕望之路 ，大家通宵未眠，又累又睏，看到一望無際的的下坡路，遍地都是碎石和火山灰，很難站住腳，一不留神就很容易摔倒（沿途看到有人受傷，真的建議大家用兩支登山杖來平衡，尤其是膝蓋不好的朋友）。

下山沿途沒有甚麼休息站，每次都只能在轉角位置等候伙伴或停歇。最後我們用了5個小時下山，還好平安完成。

總結來說，這次的登山之旅很圓滿，天氣和隊友給力，身體支持得住，看到了美景，挑戰了自己。雖然在山頂冷到快死的樣子，但登頂的那一刻突然很感慨，熱淚盈眶，真的不枉此行。一路上看到樹林、荒石、雲海、星空、鳥居和日出，所有的辛苦都值得的！ 

穿搭 + 裝備：
頭燈（Decathlon）、登山仗（Decathlon）、越野跑鞋（Salomon Sense Ride 5)
運動長筒厚襪子2雙（萬一下雨也可以替換）、冷帽、太陽眼鏡、運動漁夫帽、手套（會用到手攀爬）
運動T恤／排汗衣 X 2（Montbell）
瑜伽褲 、防水保暖登山褲（Montbell)
抓毛外套（The North Face)、功能／GOR-TEX 外套（The North Face、Decathlon)
羽絨 、背包、防曬、零錢（上廁所是需要付費的）、袋子（必須把自己的垃圾帶走）
P.S. 富士山是國立公園，需要得到環境省的許可才可以使用航拍機的，所以基本上是禁止的！

相中就是旅館的共用空間，吃飯、集合等都會在這裡。至於休息的地方就是一個大空間，幾人床位的通鋪（有上下的）、中間有布簾隔開，有枕頭、被子和一個掛鈎。每人獲派發眼罩和耳塞（但基本上戴了都睡不著） ，因為周遭的人都在打鼾（就像聽交響樂一樣XD）。

其他小提示：
我出發的時候是穿著短袖的排汗T恤，然後隨著溫度的變化，我添加了長袖…..有一點我要提醒大家，當時的LIFE LESSON，就是山頂溫度都在零度左右，一定一定一定要帶備羽絨要做好保暖，因為登頂的時候還是零晨時分，體力開始有點透支加上低溫，真的冷到發抖 ，就算戴了手套和穿了鞋子，手腳也會冷到僵硬。

紀念燒印木仗：
出發前在五合目買一支標誌式木仗（有長有短的），因為沿途的每間小木屋都可以燒印章，記錄你去到那一個海拔高度和每一個checkpoint，我買的是短仗，不能見一間木屋就蓋一個章，還有小木屋的數量也不少，所以我覺得可以選擇性蓋看到自己喜歡的圖章才燒，每一個大約300日元。我們說笑說光是燒印都用了接近數千日元（可以在山上喝很多碗熱湯）。

小總結：
路線：吉田道
住宿：7合目的御來光館 （吉田登山線上最高的一間山屋,建議兩個月前預約，包第一天的晚餐和第二天的早餐）
出發時間：11：30am
到第一天達旅館時間：5 pm
晚飯時間：6pm
第二天出發時間：2:30am（本來打算2am出發，但因為突然下大雨，所以延遲了一點）
登頂時間：4am
日出時間：4:30am
回到五合目：9:30am
P.S. 平常少運動的朋友最好在出發前的一個月做點帶氧鍛鍊或健健身，真的不要盡信網上的分享，說不運動也能輕鬆登山。

15 2 月
MAGAZINE

跑去飲咖啡 – 跑馬地 NOOT

講開跑馬地，繼續介紹埋另一間位置超方便嘅coffee shop – NOOT，相信大部分跑友經黃泥涌峽道入馬場時都會經過，門口嘅幾個座位，望落係幾chill幾舒服。
講吓杯咖啡先，order嘅時候佢地會問客人要nutty定fruity？Nutty嘅係Brazil嘅yellow bourbon + yellow catuai，味帶milk chocolate / toffee / hazelnut 。Fruity嘅係Colombia + Ethiopia + Honduras，味帶citrus / grapefruit /cocoa。

門口嘅檯面上面都放住餐廳menu，好聰明地放咗food menu喺第一版，方便入座前睇下有冇嘢啱食，salad / pancakes / all day breakfast / bakery / pasta 都有。入到counter order咖啡先發現仲有today’s special，一款sourdough、一款pasta、一款mashed potatoes，好適合跑完步醫肚。

店面唔算細，大概有10張檯，座位間亦唔算迫夾，門口有4個outdoor座位。落order時店員會有一個座位表細心問你坐邊，方便serve咖啡同食品，而門口座位只會坐兩檯客，唔會坐得太迫。

☕️ Caffe latte w/ Oat Milk $47

評分：
☕️ Coffee ⭐️⭐️⭐️⭐️
🌿 Environment ⭐️⭐️⭐️⭐️⭐️
💰 Price ⭐️⭐️⭐️⭐️

📍 銅鑼灣黃泥涌道149號地舖
🏃🏽‍♀️ 由NOOT步行2分鐘好快到跑馬地馬場黃泥涌道入口

23 1 月
MAGAZINE

跑去飲咖啡 – 銅鑼灣 Cupping Room

跑馬地馬場相信係好多跑友最常去嘅一個「遊樂場」，其實馬場位置有少少「吊腳」，但勝在有個1.4km嘅大圈，無論easy run / tempo run / interval，喺呢度跑都會覺得冇咁辛苦。跑步前如果有少少肚餓又唔想食嘢，可以選擇飲杯咖啡，但最近馬場嘅Times Square（A出口）附近嘅coffee shop都比較多人，呢一間就少人好多。

Lee Garden One嘅Cupping Room ，menu上面選擇唔少，除左一般咖啡外，亦有hojicha latte / chai latte。最特別嘅當然就係Coco Chanel，寫住係matcha/coconut/milk/espresso ，三個不同層次，以matcha latte做底，加上椰香syrup，再撞杯espresso落去，椰香味重，但又唔會搶咗抹茶味，非常特別。不過又椰香又syrup，應該係肥仔嘢嚟。飲完真係要落力啲跑喇！

House blend來自Colombia同Ethiopia，帶黑朱古力 / 莓菓 / 雲呢拿味，通常帶莓菓味嘅豆都會偏酸，但呢一隻飲落一啲都唔酸。

食物方面，有pizza / pasta / salad / all day breakfast，平時lunchtime都好full㗎！

加分位仲有呢度嘅環境，座位多而闊落，加上窗外光線令空間感十足，以前係樓上返工，朝早買咖啡都好想攞埋部laptop落嚟chill吓！

☕️ Oat Milk Mocha $50

評分：
☕️ Coffee ⭐️⭐️⭐️⭐️
🥯 Food ⭐️⭐️⭐️⭐️
🌿 Environment ⭐️⭐️⭐️⭐️
💰 Price ⭐️⭐️⭐️⭐️

📍 銅鑼灣希慎道33號利園一期3樓306號舖
🏃🏽‍♀️由Cupping Room步行至跑馬地馬場黃泥涌道入口大概7分鐘

12 1 月
MAGAZINE

跑去飲咖啡 – 尖沙咀%Arabica

上次介紹過堅尼地城嘅%Arabica，其實九龍區亦有一間好方便到跑友們跑步加歎啡嘅分店。

講緊嘅係K11 Musea嘅%Arabica，分店位於商場外面海邊嘅正方形盒子，以外賣takeaway為主，無座位提供。不過盒子隔離有一堆雲石櫈，高矮剛剛好可當作檯櫈，又或者沿住海邊行，都一定會搵到位坐。對住個無敵海景歎咖啡真係好寫意，亦可以當作跑完步俾自己嘅獎勵。

喺%Arabica買咖啡，職員會問你要 %Arabica Blend定Single Origin。

%Arabica Blend係由4種咖啡豆混合深炒而成，味道Nutty得嚟帶smokey。至於由邊4種豆混合呢？店員就話由於商業理由，不便透露。鍾意呢種口味嘅話，店內都有發售% Arabica Blend咖啡豆，當然亦有Ethiopia、Colombia等不同口味嘅咖啡豆以供選購。每杯熱奶啡都會好有心機咁拉花，客人攞咖啡嘅時候會先睇到拉花，再自助冚返個膠蓋。連鎖店嚟講算係用心。

☕️ Cappuccino (w/ Oat Milk) $46

評分：
☕️ Coffee ⭐️⭐️⭐️⭐️
🌿 Environment ⭐️⭐️⭐️⭐️⭐️
💰 Price ⭐️⭐️⭐️⭐️

📍 尖沙咀梳士巴利道18號Victoria Dockside K11 Musea地下K06號舖
🏃🏽‍♀️ 跑友可以由尖沙咀碼頭跑至紅磡海逸豪園對出嘅海濱公園，大概3公里，再跑返%Arabica，全程大概5.5公里。

02 1 月
MAGAZINE

跑去飲咖啡 – 堅尼地城%Arabica 

近年愈來愈多小型咖啡店誕生，店主通常都係咖啡愛好者，買杯咖啡都可以同佢哋交流吓傾吓計，大家不知不覺少咗幫襯連鎖咖啡店，主要係因為對咖啡嘅認識愈多，愈知道自己鍾意邊一類型咖啡，會發覺連鎖店選擇較少。

話雖如此，都仲有幾間唔錯嘅連鎖咖啡店。

%Arabica 為全世界發展最快嘅精品咖啡品牌，2014 年創辦人 Kenneth Shoji 喺京都創立旗艦店，品牌於 2017 年登陸香港，由當時嘅兩間分店，到現時發展到10間分店。

當中筆者最鍾意去嘅就有堅尼地城，鄰近海濱長廊，望住個海景歎咖啡，嗰種寧靜係香港少有。當然亦可以沿海濱長廊跑個步，以%Arabica為終點，獎勵吓自己。

堅尼地城分店分為兩層，以白色為主加上落地玻璃，地下室內室外都有長櫈，樓上仲有一排海景座位。

堅尼地城 %Arabica 仲有 % Soft Cram 咖啡味軟雪糕提供，唔係間間都有㗎！適合黃昏跑又驚飲咖啡會瞓唔著嘅朋友。

店內外坐滿嘅話，亦可以「To Go」，行過對面馬路嘅海邊歎。但就要小心睇車。

% Soft Cream（4oz）$30

評分：
🍦 Coffee ⭐️⭐️⭐️⭐️
🌿 Environment ⭐️⭐️⭐️⭐️⭐️
💰 Price ⭐️⭐️⭐️⭐️

📍 西環堅尼地城爹核士街1號裕福大廈地下G04號舖
🏃🏽‍♀️ 跑友如果由灣仔碼頭出發，跑至卑路乍街海濱長廊，大概5-6公里。卑路乍灣海濱向堅尼地城海邊邊向步行至%Arabica約5分鐘

27 12 月
MAGAZINE

跑去飲咖啡 – 島中坊研

疫情關係，之前冇得去旅行，香港人多咗發掘本地景點，長洲絕對係係數一數二最多人去嘅離島，出名嘅當然係街頭小食，跑友應該都有聽過「長洲綑邊跑」，全長大概12公里，好多跑步Blog都有介紹。島上面亦不難發現多咗咖啡店，島中坊研係最多人推介嘅一間。

咖啡 menu 都係大路嘅 Espresso / Americano / Latte /  Cappuccino / Mocha 。點咗一杯 Oat Milk Cappuccino，正常水準，不過不失。Menu 上面有一杯 Espresso Tonic，寫明用本地品牌嘅 Tonic 調配，近年愈來愈多咖啡店利用 Espresso 同 Tonic 製作特飲，鍾意 Tonic 嘅話可以試下。

勝在 menu 夠多嘢揀，飲杯咖啡又得、加件 cake/三文治/croissant 輕食、all day breakfast、午市便當、甜品拼盤咩都有。飲品除咗咖啡，仲有自家製糖漬梳打、茶類飲品、雪糕特飲。一間細細嘅咖啡店嚟講，選擇多到有啲誇張，一定有嘢啱食。只不過入到長洲，究竟係食個 all day breakfast 定留肚掃街好呢？ 

環境絕對一流，室內有4-5張長檯，室外就有5-6張檯。聽聞唔單只週末，好多時平日都排晒長龍，咁啱上次係星期五去，12點前到達，室內滿座，一向鍾意坐outdoor，天氣涼涼哋、靜靜哋，飲杯咖啡都坐咗個幾鐘，市區難求嘅清靜。

☕️ Cappuccino（w/ Oat Milk）$46

評分：
☕️ Coffee ⭐️⭐️⭐️⭐️
🌿 Environment ⭐️⭐️⭐️⭐️⭐️
💰 Price ⭐️⭐️⭐️⭐️

📍 長洲中學路16號地下
🏃🏽‍♀️ 長洲綑邊跑以碼頭為終點的話，步行6分鐘到達

14 12 月
MAGAZINE

跑去飲咖啡 – Artista Perfetto

好多跑者都會有跑步前或跑步後飲咖啡嘅習慣。

咖啡因可以幫助提神，奶啡中嘅奶/豆奶亦可以為身體提供蛋白質，兩樣都有助提升跑步表現，跑步後補充蛋白質亦有助肌肉修復。

喺跑馬地跑完步前後想飲杯嘢，我就會去呢間巷仔角落咖啡店 – Artista Perfetto。

House blend嘅Cappuccino / Mocha 味道比較 balance，如果鍾意 Americano 而prefer nutty啲，同店員講聲就可以，但個人認為 nutty 嗰種豆仍然太酸。Menu上面亦有 S.O.E.，可以因應個人喜好選擇 Kenya / Ethiopia 咖啡豆。

同一般咖啡店一樣，AP亦有Cookies / Basque Burnt Cheesecake等等嘅小甜點供應。

偶然一次試飲咗 menu 上面嘅 Cascara Sparkle，係咖啡豆果肉同咖啡果實外皮做成嘅signature drink，因為咖啡果實外皮長期與果肉相連，晒乾後仍然保有部分咖啡果實香味，以外皮作基調浸泡出獨有嘅梅子、山渣同桂圓酸甜味，配合青檸與 tonic water，酸甜似果茶，味道相當清新。

店面唔算大，兩張 free seating bench，風格清新，店外面亦有一張 bench，冬天黃昏喺後街坐住長木凳都會俾到一種日本歎啡嘅感覺。加上鄰近 Times Square，算係鬧市中尋找到一點寧靜。值得一提嘅係，嚟呢度飲咖啡嘅都係享受寧靜環境嘅 coffee lovers，所以 free seating 之中大家都會 respect 彼此嘅空間，絕對唔會有迫嘅感覺。

好近跑馬地，跑完飲番杯啡，係跑友人生一大樂事（另一樣係跑後啤一啤）！圖片：Inez Leong Facebook

☕️ Iced Americano (Nutty) $40

評分：
☕️Coffee ⭐️⭐️⭐️⭐️
🌿Environment ⭐️⭐️⭐️⭐️
💰Price ⭐️⭐️⭐️⭐️

📍銅鑼灣霎西街3A號地下2號舖
🏃🏽‍♀️步行8分鐘到達跑馬地遊樂場