1. 恭喜完成了黃金海岸馬拉松，2:34:10是否滿意的結果？
唔太滿意成績，因為較自己個人最佳成績慢8分鐘。疫情下海外比賽要安排同準備嘅嘢都好多，由於冇任何贊助，去到好遲先決定跑。
2. 之後中了COVID，康復進度如何？
已經完全康復，頭2星期心肺功能有所影響，比較喘氣同心跳較高。
3. 之後個人有什麼目標？渣馬？
希望下一場渣馬可以跑到滿意嘅名次，暫時未有其他計劃，希望下年疫情措施放寬可以好好計劃海外比賽。
4. 今次訪問想了解多啲「Trailblazer x 賡班」渣打馬拉松千金課程。為什麼會有聯乘黃啓樂的想法？
上屆渣馬我哋一齊訓練，雖然大家針對渣馬的訓練都有不同睇法，但從交流中可以互相學習，令大家上屆渣馬得到不錯的成績。於是我哋就諗，今年希望俾到跑手們一個地方，讓大家一齊向同一目標進發。做千金不容易，但相信團隊的力量會令大家更容易成事！
5. 除了要攞田總的 $1,000，課程還有沒有其他理念？
正如所講「做千金，不容易」，尤其在渣馬的賽道，跑手需要更仔細的指導及計劃，我哋希望幫助跑手們能避免受傷，以更有效嘅訓練達成目的。
6. 上堂地點會在哪？
星期二晚九龍灣，星期日早上沙田。
7. 渣馬時會否自設 pacer 給學生？
不。其實未來我哋都打算合辦不同針對課程，有入門有高階，sub 2:45 或sub 4:00等都有可能，讓相近能力的跑手組合一起，找到戰友，為大家創造熱血的過程。
8. 可否透露少少 program 會以什麼為主？例如最長會跑多少？或會否以重訓附助？
Program上有別於準備其他馬，為針對渣馬賽道，我哋會多些少hill repeat及體能訓練。加上我哋安排訓練會考慮天氣溫度等變化，所以會不斷地調整。暫時目標最終長課約28至30k。
9. 想成為參加者，要有甚麼體力或心理上的準備？
體能上，Sub 3我哋建議10公里有41分成績，而sub 3:30有48分成績。心理準備上，最重要當然要相信自己相信我哋，不過其實更鼓勵處於迷惘嘅跑手，希望可以在此重新尋獲目標。
10. 最後，有沒有說話想跟正在考慮報名的跑手講？
渣馬已經在倒數中，每遲一日都少一日準備，如果有相同目標，就join us啦！！！雖然千金班已經開始，但仍然歡迎加入及查詢。
「Trailblazer x 賡班」渣打馬拉松千金課程查詢及報名 : https://forms.gle/FoBvr6xUNcq2yiqw6
