在多士爐出世的Altra

The North Face Flight Vectiv近期推出新顏色，性能不變，但由西班牙畫家兼越野運動員Fernando Elvira加持，在鞋上配上對比分明的線條及由山野啟發的小圖案。

TNF做山系產品Susan細細個就識，近年銳意建立的一個高性能跑山鞋系列「拉力越野鞋」Vectiv，強調所有Vectiv中底都可促進推進性，有如Rally賽車的Turbo裝置一樣，提供額外推進力。大部分型號都針對速度較佳的跑手需要而設，例如有Vectiv Infinite、Enduris 2（講鞋同漫跑達人有寫），而今次Susan負責試最高級型號Flight Vectiv。Flight Vectiv同Enduris及Infinite一樣，中底都有板材，Flight Vectiv的是碳纖維而且鞋楦有Matryx® panel，因此屬最高級別。理論上它是定位最快的一對，供精英級數跑手在長途山賽（例如是40至100公里）都可有穩定高輸出。

實跑試後感：

知道Flight Vectiv快跑比較出色，Susan都特地不用來行山，只挑選平路為主的山路試鞋。當中在畢架山山腰的尖沙徑+麥理浩徑跑過三次，中間包含上落樓梯、柏油路面引水道、小溪碎石交錯的狹窄山徑及寬廣好跑的林路。總的而言，Susan想講，隨著與鞋的契合度一路提高，跑出的時間也愈來愈快，但力竭程度沒有提高。

引水道的平路速度較快，可達5分內/公里，這個時侯Rocker滾動中底感覺最明顯，落地時最先著地的是腳掌中段，而不是平常跑鞋的鞋踭位置，這個設定使得跑動時更早可以出現重心前移，這有點像Fuel Cell TC。不同的是Flight Vectiv中底物料會好像以前的EVA中底跑鞋，實在而且承托力紮實，畢竟除了平路馬路，在山路不可能使用那些很不穩定的物料。

上紅梅谷一段有頗斜的樓梯，因為長期被大樹覆蓋，因此濕度很高，地面都長期有點滑。Surface Control™外底應付有餘，就算落山時速度快一點都沒有不安感覺。

由引口道上尖沙徑有一小段路短短200米路段，卻已經要爬升70米，又斜又爛，Flight Vectiv比較疏的顆粒加上物料比較軟身，在這個路段都可以靈活走位，在厚底山鞋上找不到。

上到尖沙徑，完全是九曲十三彎狹窄山林小徑，Susan表示很放心用Flight Vectiv的前掌觸地感強而且實在，給予了很大信心做全速奔跑，那怕是突然有急彎、或小石，或馬騮，都可以即時作出反應。

特別喜歡前掌與中掌Matryx® panel的配合。之前Susan跑山多穿Altra或Topo，習慣寬廣的前掌可完全伸長腳趾，Flight Vectiv無疑比它們窄身一點，可前掌的針織卻給予足夠彈性去遷就蹠骨的形狀，更重要的是，在前掌摺曲時，鞋面壓腳面的情況不會發生。另外，內外側Matryx® panel給予中掌莫大的包覆性，這是一對強調「速度」跑鞋不可或缺的。順帶一提，這兩片panel由Kevlar® 加polyamide構成，避彈衣物料，高度耐磨抗拉扯而且散濕透氣，區區踢石或樹根都不足以構成破損，「知佢咩料」啦！

試之前有想過碳板會好像平路的supershoes一樣硬，擔心會影響山路上的靈活性。今次Flight Vectiv的碳纖維板比較軟身，類似adizero Pro的carbitex，可以容許更大角度屈摺，因此可以理解在Flight Vectiv的碳纖維板是作穩定及rockplate多於大家平時理解為平路的supershoe用途。3D碳纖維不單在中底上一個面運作，也有向Heel Counter上翹，為腳踭提供更大承托，可惜Heel Counter裡面對Susan的腳踭來說有點太闊，未能完全發揮杯形結構的優勢。

最後一提，今次與畫家兼越野運動員Fernando Elvira的crossover，絕對令此對山鞋生色不少。一來Fernando本身都跑山，二來他表示整個project的靈感來自Mont Blanc一帶的越野體驗，三來配色與平常的山鞋有鮮明對比，所有元素都與「跑山」完美配合，無違和感，讚！

總評：Flight Vectiv是一對高性能越野跑鞋，強調高速、靈活性及更有效率的步伐，適合強調路面感覺而且喜歡在山野之中風馳電制快速奔跑的跑手。另外，中底orgogentic設計及軟身的外底在一般柏油路面都能應付自如，如果比賽是山路平路混合，Flight Vectiv會是一個十分好的選擇。

The North Face Flight Vectiv特性及功能：

• Vectiv中底促進前向推進
• 3D碳纖維板一方面提供多角度穩定性，同時減低能量損耗
• 自家研發Surface Control™外底有3.5mm深坑紋，平衡抓地與靈活性
• 前楦使用針織結構，集彈性、舒適及透氣一身
• 中楦使用Matryx® panel，高度防磨而且耐用，亦保持中掌穩定
• 鞋領採用襪套底，時尚又減省了鞋舌。領內有小小軟墊加強包裹性
• 中底採用雙密度物料，輕身而且回彈性強
• 重量：10oz
• 前後掌落差：6mm（34/28mm）

雖然筆者很少越野跑，但對The North Face VECTIV Enduris II是一試愛上，點解初相識就會咁夾嘅？

開箱時，已經覺得VECTIV Enduris II與平時跑Track、跑街嘅厚底跑鞋幾相似，例如厚度十足嘅中底（前掌25mm、後掌31mm，heel to toe drop 6mm），加埋前後掌明顯翹起嘅弧形滾軸中底（rocker midsole），而且驟眼睇，外底鞋釘冇想像中咁凸出，到底你係跑on road還是off road？

上星期初，筆者就着上VECTIV Enduris II到蝴蝶山開鞋。事前fact check過，VECTIV有三個鞋款，而Enduris屬於緩震型號（同系嘅Infinite強調保護，Flight就係碳板比賽鞋，本港兩位山界大神曾小強與黃浩聰都係着Flight VECTIV參賽），果然一起步已經感受到cushioning，由山腳到山腰嘅行山徑門口都以石屎路為主，厚厚嘅EVA中底唔只吸震，而且用上雙密度配方，所以仲有唔錯嘅回彈與反應，感覺就似平時平路練tempo。越野跑環境複雜多變，既有硬質嘅石地，又有鬆軟嘅沙礫與泥窞，VECTIV Enduris II嘅中底軟中帶韌，舒適而不忘實戰需要。

由山腰到山頂就以泥路為主，多咗上落坡及彎路，加上實測前下了驟雨，沿途變得濕滑泥濘，但係每一步都唔會有踩屎感，依然keep到提腿反應，原因除咗係上文提到嘅中底特性，亦與中底內藏3D TPU承托板有密切關係，後者不但係全掌式設計，前、後掌都有延伸部分外露出嚟鉗住鞋身，無論前、後掌落地，所到之地是軟或硬，都有腳踏實地嘅穩定效果，而且呢塊TPU並非鐵板一塊，係有若干彈性，又是另一與平路跑鞋相似之處。

至於與平路跑鞋最似，讓筆者可以無縫接軌一試即like嘅設計，就係好似船底形狀嘅rocker midsole，令跑手更順暢完成落地到提腿嘅步伐變化，長途嚟講有慳力作用，而VECTIV Enduris II亦都做到，尤其是喺較平、較硬嘅路面，仲會幫到加速，好爽！

雖然講咗好多VECTIV Enduris II與平路跑鞋相似嘅地方，但係佢未忘初心，本質仍然係一款長途緩震型越野跑鞋。驟眼看，鞋釘唔算好凸，原來都有3.5mm高度，加上選用品牌現時最可靠嘅外底物料SurfaceCTRL製成，有齊抓地、耐磨與防滑三項特性，筆者落山時遇過泥窞與花崗岩交接嘅路段，都無驚無險順利走過。

除此之外，鞋頭與鞋尾都以無縫方式加上TPU overlays增加保護，尤其是內置式硬錚heel counter，上斜時會撐住腳踭，避免腳掌過度後移而增加跣腳風險外，亦無形中發揮反作用力撐你繼續上。另一方面，由於鞋帶區嘅前段夠力夠穩，所以落斜時可以穩住腳掌唔會向前瀡，避免腳趾頂到鞋頭而變瘀變黑。

要數改善之處，應該喺重量上，官方資料嘅男裝US 9重309g，筆者試嘅US 7.5重287g，以越野跑鞋，而且係緩震型練習鞋嚟講，呢個數字絕對係合情合理，只不過人絕係貪心嘅！

尺寸方面，true size即可，但要留意鞋頭稍闊，若然係腳掌偏窄嘅跑友，可能要試細半號。

配色上，除咗實測嘅橙×黑，最近仲多咗由西班牙藝術家Fernando Elvira加持嘅薄荷綠×黑×橙，trail shoe都可以靚成咁！